યુએસ પ્રમુખ ડોનાલ્ડ ટ્રમ્પ ભારતની ચૂંટણી પ્રણાલીથી ખૂબ પ્રભાવિત દેખાય છે. તેમણે ભારત જેવી જ ચૂંટણી પ્રણાલી લાગુ કરવા માટે સેવ અમેરિકા એક્ટ પર ભાર મુક્યો છે. ટ્રમ્પે ટ‰થ સોશિયલ પર એક પોસ્ટમાં ભારતીય ચૂંટણી પ્રણાલીનો ઉલ્લેખ કર્યો. આ સંદર્ભમાં, તેમણે ભારતના મુખ્ય ચૂંટણી કમિશનર જ્ઞાનેશ કુમાર સાથેની તેમની વાતચીતનો ઉલ્લેખ કર્યો અને યુનાઇટેડ સ્ટેટ્સમાં મતદાર ઓળખ નિયમો કડક બનાવવાની જરૂરિયાત પર ભાર મુક્યો.ટ્રમ્પે ટ‰થસોશિયલ પર એક પોસ્ટમાં જણાવ્યું હતું કે આ મહિનાની શરૂઆતમાં, ભારતના મુખ્ય ચૂંટણી કમિશનર જ્ઞાનેશ કુમારે તેમના વહીવટીતંત્ર પર પ્રશ્ન ઉઠાવ્યો હતો કે યુનાઇટેડ સ્ટેટ્સમાં માન્ય ફોટો ૈંડ્ઢ વગર ચૂંટણીઓ કેવી રીતે યોજવામાં આવે છે. ભારતની છેલ્લી લોકસભા ચૂંટણીમાં આશરે ૬૪૬ મિલિયન મતદારોએ મતદાન કર્યું હતું, અને એક ટકાથી ઓછા લોકોએ ટપાલ દ્વારા મતદાન કર્યું હતું. તેમણે એમ પણ કહ્યું હતું કે ભારતમાં દરેક મતદાર પાસે માન્ય ફોટો હોવું જરૂરી છે. આ આંકડાઓને ટાંકીને ટ્રમ્પે કહ્યું કે સેવ અમેરિકા એક્ટ પસાર કરવો જરૂરી બની ગયો છે.
વ્હાઇટ હાઉસ અનુસાર, સેફગાર્ડ અમેરિકન વોટર એલિજિબિલિટી (સેવ) અમેરિકા એક્ટ યુએસ ચૂંટણી પ્રણાલીમાં મોટા ફેરફારોનો પ્રસ્તાવ મૂકે છે. આ પ્રસ્તાવિત કાયદો એ સુનિશ્ચિત કરવાનો પ્રયાસ કરે છે કે ફક્ત યુએસ નાગરિકો જ ફેડરલ ચૂંટણીઓમાં મતદાન કરી શકે. આ કાયદો યુએસ નાગરિકો માટે મતદાર નોંધણી સમયે નાગરિકતાનો પુરાવો બતાવવાનું ફરજિયાત બનાવશે અને રાષ્ટ્રવ્યાપી મતદાર સિસ્ટમ લાગુ કરશે. પ્રસ્તાવિત કાયદો મેઇલ દ્વારા મતદાનને પણ કડક બનાવશે, જ્યારે બીમાર, અપંગ, લશ્કરમાં સેવા આપતા અથવા મુસાફરી કરતા લોકો માટે કેટલીક છૂટછાટો પ્રદાન કરશે. વધુમાં, રાજ્યોએ મતદાર યાદીમાંથી બિન-નાગરિકોને ઓળખવા અને દૂર કરવા જરૂરી રહેશે. આ ચૂંટણીમાં છેતરપિંડી અટકાવવામાં મદદ કરશે. આ કાયદાનો મુખ્ય ઉદ્દેશ્ય એ સુનિશ્ચિત કરવાનો છે કે ફક્ત અમેરિકન નાગરિકો જ યુએસ ચૂંટણીઓ નક્કી કરી શકે.
ભારતમાં યુએસ રાજદૂત સર્જિયો ગોરે પણ સોશિયલ મીડિયા પર ડોનાલ્ડ ટ્રમ્પને ટેકો આપતા પોસ્ટ કરી હતી. તેમણે કહ્યું હતું કે રાષ્ટÙપતિ ડોનાલ્ડ ટ્રમ્પ એકદમ સાચા છે! ભારતની છેલ્લી ચૂંટણીમાં, ૬૪૬ મિલિયન મતદારોમાંથી દરેકને ઓળખપત્રની જરૂર હતી. કોંગ્રેસે સેવ અમેરિકા એક્ટ પસાર કરવો જાઈએ. નોંધનીય છે કે ડોનાલ્ડ ટ્રમ્પે પણ પીએમ મોદીની પ્રશંસા કરી છે. મે મહિનામાં, દિલ્હીમાં યુએસ સ્વતંત્રતા દિવસની ઉજવણી દરમિયાન, ભારતમાં યુએસ રાજદૂત સર્જિયો ગોરે રાષ્ટÙપતિ ડોનાલ્ડ ટ્રમ્પને ફોન કર્યો. વાતચીત દરમિયાન, ટ્રમ્પે વડા પ્રધાન મોદીની પ્રશંસા કરતા કહ્યું, “પીએમ મોદી મારા ખૂબ સારા મિત્ર છે. હું નરેન્દ્ર મોદીનો મોટો ચાહક છું. ભારત મારા પર ૧૦૦% વિશ્વાસ કરી શકે છે.”
