ફિલ્મ અભિનેતા અનુપમ ખેરે રામ મંદિર સંબંધિત તાજેતરની ચોરીની ઘટના પર પ્રતિક્રિયા આપતા કહ્યું કે મંદિરની ગરિમા અને ભક્તોની શ્રદ્ધા એક વ્યક્તિના ખોટા કામથી પ્રભાવિત થતી નથી. અયોધ્યામાં તેમની નવી ફિલ્મ, શ્રી રામ જન્મભૂમિનું શૂટિંગ શરૂ કરતા પહેલા હનુમાનગઢી અને રામ જન્મભૂમિની મુલાકાત લીધા પછી પત્રકારો સાથે વાત કરતા તેમણે કહ્યું કે જ્યારે કોઈ ઘરમાં ચોરી થાય છે, ત્યારે લોકો ચોરને શાપ આપે છે, ઘરને નહીં.
તેમણે કહ્યું કે રામ મંદિરની પ્રતિષ્ઠા, જેના માટે સદીઓથી સંઘર્ષ ચાલી રહ્યો છે, તે થોડા વ્યક્તિઓના ખોટા કાર્યોથી ઓછી થઈ શકતી નથી. ખોટું કરનારાઓ સામે કડક કાર્યવાહી થવી જાઈએ, પરંતુ મંદિર, ભગવાન શ્રી રામ અને સનાતન ધર્મને આ સાથે જાડવામાં ન આવે.
અનુપમ ખેર નવી ફિલ્મ શ્રી રામ ભૂમિનું શૂટિંગ શરૂ કરવા માટે ભગવાન રામના આશીર્વાદ લેવા અયોધ્યાની મુલાકાતે છેઅનુપમ ખેરે કહ્યું કે દાન એ શ્રદ્ધા અને આસ્થાનો વિષય છે. કોઈપણ ઘટનાને કારણે લોકોની શ્રદ્ધા ડગમગવી ન જાઈએ. તેમણે કહ્યું કે તેમની નવી ફિલ્મ “શ્રી રામ જન્મભૂમિ“ નું શૂટિંગ અયોધ્યામાં ૧૦ થી ૧૨ દિવસ માટે થશે અને તે ભગવાન શ્રી રામ અને હનુમાનના આશીર્વાદથી શરૂ થયું છે.
