મેઘાલય સરકારે રાજા રઘુવંશી હત્યા કેસના આરોપી સોનમ રઘુવંશીને મેઘાલય હાઇકોર્ટ દ્વારા આપવામાં આવેલા જામીનને પડકારતી સુપ્રીમ કોર્ટનો સંપર્ક કર્યો છે. સોલિસિટર જનરલ તુષાર મહેતાએ આ બાબતનો ઉલ્લેખ કરતા કહ્યું કે આ ખૂબ જ ગંભીર મામલો છે અને અરજીની ઝડપથી સુનાવણી થવી જાઈએ. આ પછી, સુપ્રીમ કોર્ટે આ કેસની સુનાવણી માટે સંમતિ આપી. કોર્ટ આવતીકાલે, શુક્રવારે આ મામલાની સુનાવણી કરશે.
મેઘાલય સરકાર વતી, સોલિસિટર જનરલ તુષાર મહેતાએ કોર્ટને જણાવ્યું કે એક મહિલા તેના પતિને મેઘાલય લઈ ગઈ હતી, જ્યાં તેણીએ અન્ય ત્રણ લોકો સાથે મળીને તેની હત્યા કરી અને લાશ ફેંકી દીધી. આ કેસમાં બે વાર તેના જામીન નામંજૂર કરવામાં આવ્યા હતા, જેમાં તેણીના ફરાર થવાનું જાખમ હોવાનું જણાવાયું હતું. જાકે, હવે તેણીને જામીન આપવામાં આવ્યા છે કારણ કે તેણીની ધરપકડ સમયે ધરપકડના કારણો સંપૂર્ણપણે પૂરા પાડવામાં આવ્યા ન હતા. એકમાત્ર ખામી એક વિભાગમાં ટાઇપિંગ ભૂલ હતી. કૃપા કરીને આ બાબત ઝડપથી સાંભળો.
સોનમ રઘુવંશીના ફરાર થવાનો ભય કોર્ટ સમક્ષ વ્યક્ત કરવામાં આવ્યો હતો અને માંગ કરવામાં આવી હતી કે કેસની સુનાવણી આવતીકાલે (શુક્રવારે) કરવામાં આવે. સુપ્રીમ કોર્ટે એસજી તુષાર મહેતાની વિનંતી સ્વીકારી અને શુક્રવારે કેસની સુનાવણી કરવા સંમતિ આપી.
ઈન્દોરના ઉદ્યોગપતિ રાજા રઘુવંશીએ ગયા વર્ષે મે મહિનામાં સોનમ સાથે લગ્ન કર્યા હતા. તેઓ તેમના હનીમૂન માટે મેઘાલયના શિલોંગ ગયા હતા. જાકે, આ સમય દરમિયાન રાજાના ગુમ થવાના સમાચાર સામે આવ્યા હતા અને થોડા દિવસો પછી, પ્રખ્યાત વેઈ સવોડોંગ ધોધ નજીક એક ઊંડી ખાડીમાંથી તેમનો મૃતદેહ મળી આવ્યો હતો. રાજાને શોધવા માટે વહીવટીતંત્ર અને સ્થાનિક રહેવાસીઓ દ્વારા મોટા પાયે શોધખોળ હાથ ધરવામાં આવી હતી. તપાસમાં જાણવા મળ્યું હતું કે રાજા રઘુવંશીની પત્ની સોનમનું રાજ કુશવાહા નામના યુવક સાથે અફેર હતું. તેઓએ સાથે મળીને હનીમૂનના બહાને રાજા રઘુવંશીની હત્યાનું કાવતરું ઘડ્યું હતું. આ કેસમાં પોલીસે સોનમ રઘુવંશી સહિત ૮ લોકોની ધરપકડ કરી હતી.
