ભારતીય ક્રિકેટ ટીમના ભૂતપૂર્વ કેપ્ટન અને હાલમાં ફક્ત વનડે ફોર્મેટમાં રમી રહેલા વિરાટ કોહલીને ૨૧ જૂનના રોજ નવી દિલ્હીમાં એક કાર્યક્રમ દરમિયાન ટેસ્ટ ક્રિકેટમાં પાછા ફરવા વિશે પૂછવામાં આવ્યું હતું, જેમાં તેમણે સ્પષ્ટતા કરી હતી કે તેમનો આવો કોઈ ઇરાદો નથી. ચાહકો વિરાટ કોહલીના મેદાનમાં પાછા ફરવાની આતુરતાથી રાહ જાઈ રહ્યા છે, જ્યાં તે જુલાઈમાં ઇંગ્લેન્ડ સામેની વનડે શ્રેણીમાં રમતા જાવા મળશે. જાકે, તે પહેલાં, તેણે ૨૨ જૂને બેંગલુરુમાં બીસીસીઆઇ સેન્ટર ઓફ એક્સેલન્સ ખાતે ફિટનેસ ટેસ્ટ કરાવવો પડશે.
વિરાટ કોહલી નવી દિલ્હીમાં ગ્લોબલના પ્રીમિયર ઇવેન્ટમાં તેના નવા જૂતાના લોન્ચ ઇવેન્ટમાં હાજરી આપી હતી. જ્યારે પૂછવામાં આવ્યું કે શું તે સફેદ જર્સી પહેરીને મેદાનમાં પાછા ફરવા માંગે છે, ત્યારે કોહલીએ મજાકમાં જવાબ આપ્યો કે તે તેના નવા લોન્ચ થયેલા જૂતાનું વેચાણ ઘટે તેવું ઇચ્છશે, પરંતુ ટેસ્ટ ક્રિકેટમાં પાછા ફરશે નહીં. હકીકતમાં, કોહલીએ જે નવા જૂતા લોન્ચ કર્યા છે તેની કિંમત ૯૨૩૦ છે, જે ટેસ્ટ ક્રિકેટમાં તેના કુલ રન જેટલી છે. તેને ટેસ્ટ ક્રિકેટમાં પાછા ફરવા વિશે પૂછવામાં આવ્યું હતું જેથી તેના જૂતાની કિંમત વધી જાય, અને કોહલીએ સ્પષ્ટપણે કહ્યું, “હું હવે તેનાથી આગળ વધી ગયો છું.”
મેલબોર્નમાં પાકિસ્તાન સામે ટી ૨૦ વર્લ્ડ કપ જીતનો ઉલ્લેખ કરતા, વિરાટ કોહલીએ ઇવેન્ટમાં તેના ક્યારેય ન હારવાના વલણ વિશે પણ વાત કરી, જેમાં મેલબોર્નમાં રમાયેલી ૨૦૨૨ ટી ૨૦ વર્લ્ડ કપ મેચમાં વિજય પર પ્રકાશ પાડ્યો. કોહલીએ કહ્યું, “મારા માટે હંમેશા સૌથી ખાસ રહેનારી ઘટના મેલબોર્નમાં પાકિસ્તાન સામેની મેચ છે. મેચ પછી, મને કહેવામાં આવ્યું કે અમારી જીતની શક્યતા ફક્ત ત્રણ ટકા છે, પરંતુ મેં ક્યારેય એવું વિચાર્યું ન હતું કારણ કે મારા માટે, જીતનો એક ટકા પણ પૂરતો છે. જા તમારી પાસે જીતવાની તક હોય, તો તમે તેને આ રીતે વેડફી ન શકો.”
