મધ્યપ્રદેશના એક યુગલની પ્રેમકથાએ ગાંધીનગરના નેશનલ હાઇવે પર સ્થીત એક હોટલના રૂમમાં તેના કરુણ અંત સાથે સનસનાટી મચાવી દીધી છે. પોલીસ અને પરિવારના સભ્યોની હાજરીમાં મધ્યરાત્રિએ તેની પ્રેમિકાનું ગળું છરીથી ક્રૂરતાપૂર્વક કાપી નાખ્યા બાદ, પ્રેમીએ તે જ છરીથી પોતાનું ગળું કાપીને આત્મહત્યા કરવાનો પ્રયાસ કર્યો. ચિલોડા પોલીસે આ મામલે ઊંડાણપૂર્વક તપાસ શરૂ કરી છે.
પોલીસની શરૂઆતની તપાસમાં એક ચોંકાવનારો ખુલાસો થયો છેઃ વ્યવસાયે બિલ્ડર સંતોષ તેની પ્રેમિકા રજનીના પિતા માટે નવું ઘર બનાવી રહ્યો હતો. આ સમય દરમિયાન, બંને વચ્ચે પ્રેમ ખીલ્યો, અને તેઓ છેલ્લા ત્રણ વર્ષથી સાથે ઘર બનાવવાનું સ્વપ્ન જાતા હતા. આ સ્વપ્ન આખરે બંધ હોટલના રૂમમાં લોહિયાળ અંતમાં સમાપ્ત થયું.
આ ચોંકાવનારી ઘટનાની માહિતી પરથી જાણવા મળે છે કે મધ્યપ્રદેશના પીપ્રસ્મા ગામની રહેવાસી ૨૧ વર્ષીય રજની ૭ જૂને પોતાના જ ગામના સંતોષ ઉધમ જાટવ નામના યુવક સાથે ઘરેથી ભાગી ગઈ હતી. જ્યારે તેની પુત્રી ગુમ થઈ ગઈ, ત્યારે તેના પિતા વ્રજલાલ ધાકડે દેહતે શિવપુરી પોલીસ સ્ટેશનમાં ફરિયાદ નોંધાવી અને હેડ કોન્સ્ટેબલ દીપચંદે તપાસ શરૂ કરી.
૧૦ જૂને પરિવારને માહિતી મળ્યા બાદ, રજનીના ભાઈઓ, પ્રવેન્દ્ર અને નીરજ, હેડ કોન્સ્ટેબલ દીપચંદ અને કોન્સ્ટેબલ બદન સિંહ સાથે, તેમની બહેનને તેમના કિયા કેરેન્સમાં શોધવા નીકળ્યા. તેઓ ૧૧ જૂને બપોરે રાજકોટના શાપર પહોંચ્યા અને ત્યાં રજની અને સંતોષને શોધી કાઢ્યા. રજનીએ તેના માતાપિતાને સમજાવવાનું વચન આપીને પોલીસ અને તેના ભાઈઓને કારમાં બેસાડીને ઘરે જવા રવાના થઈ.પરંતુ ઘટનાઓ અલગ રીતે આગળ વધી. લાંબી મુસાફરીથી થાકેલા, ટીમે ૧૧ જૂનના રોજ રાત્રે ૯ઃ૩૦ વાગ્યે ગાંધીનગર હાઇવે પર ધનપ નજીક રોયલ ફોર્ટ હોટેલમાં રૂમ નંબર ૧૦૭ બુક કરાવ્યો. સાથે રાત્રિભોજન કર્યા પછી, તેઓ રાત માટે એક જ રૂમમાં સૂવાની તૈયારી કરી. ભાઈઓ પ્રવેન્દ્ર, નીરજ અને કોન્સ્ટેબલ બદન સિંહ એક પલંગ પર સૂઈ ગયા, જ્યારે હેડ કોન્સ્ટેબલ દીપચંદ બીજા પલંગ પર સૂઈ ગયા.
રજની નીચે ગાદલા પર સૂઈ રહી હતી, અને સંતોષ બે પલંગ વચ્ચેની ખાલી જગ્યામાં સૂઈ રહ્યો હતો. ઓરડામાં લાઇટ બંધ હતી, અને થાકને કારણે બધા ગાઢ નિંદ્રામાં સરી પડ્યા, પરંતુ સંતોષ જાગતો રહ્યો. ૧૨ જૂનના રોજ મધ્યરાત્રિએ, રાત્રે ૧૨ થી ૨ઃ૩૦ વાગ્યાની વચ્ચે, સંતોષે તેણે છુપાવેલી છરીથી રજનીનું ગળું કાપી નાખ્યું. તેની પ્રેમિકાનો શ્વાસ બંધ થઈ ગયા પછી, સંતોષે પોતાના ગળા પર તે જ લોહીથી લથપથ છરીનો ઉપયોગ કરીને આત્મહત્યા કરવાનો પ્રયાસ કર્યો.
દરમિયાન, રાત્રે લગભગ ૨ઃ૩૦ વાગ્યે, હેડ કોન્સ્ટેબલ દીપચંદ અચાનક જાગી ગયા અને રૂમમાં દ્રશ્ય જાયું. તેમણે તરત જ બૂમ પાડીને બધાને જગાડ્યા. રૂમની લાઇટ ચાલુ થતાં જ અંદરનું દ્રશ્ય જાઈને બધા ચોંકી ગયા. રજની સંતોષના ખોળામાં લોહીથી લથપથ પડેલી હતી, અને સંતોષ હાથમાં છરી લઈને બેઠો હતો, તેના ગળામાંથી લોહી વહેતું હતું.
હોટેલ મેનેજરે ૧૦૮ અને ૧૧૨ પર પોલીસને જાણ કરી. હોટલના રૂમમાં આ ચોંકાવનારી હત્યા બાદ, હોટલ મેનેજરને જાણ કરવામાં આવી અને તેમણે તાત્કાલિક ૧૦૮ એમ્બ્યુલન્સ અને ૧૧૨ પોલીસને ફોન કર્યો. સંતોષ ગંભીર હાલતમાં હતો અને શ્વાસ લઈ રહ્યો હતો, તેથી તેને તાત્કાલિક સારવાર માટે ગાંધીનગર સિવિલ હોસ્પિટલમાં લઈ જવામાં આવ્યો. જ્યારે તેની હાલત વધુ ખરાબ થઈ, ત્યારે તેને અમદાવાદ સિવિલ હોસ્પિટલમાં રિફર કરવામાં આવ્યો, જ્યાં તે હાલમાં કડક પોલીસ દેખરેખ હેઠળ જીવન મરણ માટે ઝઝૂમી રહ્યો છે.
