સીબીઆઈએ ૬૬૧ કરોડના સરકારી ભંડોળ કૌભાંડના સંદર્ભમાં હરિયાણા અને ચંદીગઢમાં છ સ્થળોએ દરોડા પાડ્યા છે. ૬ જૂને ચંદીગઢ, પંચકુલા અને દિલ્હી-એનસીઆરમાં છ પરિસરમાં દરોડા પાડવામાં આવ્યા હતા. આ દરોડા આઇડીએફસી ફર્સ્ટ બેંક અને છેં ફાઇનાન્સ બેંક દ્વારા સરકારી ભંડોળના કથિત દુરુપયોગ સાથે સંબંધિત છે. તપાસમાં હરિયાણા સરકારના આઠ વિભાગો અને ચંદીગઢ વહીવટના બે વિભાગોના ભંડોળમાં ગેરરીતિઓ બહાર આવી છે. ચંદીગઢ મ્યુનિસિપલ કોર્પોરેશન, ચંદીગઢ અને ક્રેસ્ટ ચંદીગઢના ખાતાઓમાં અનિયમિતતાઓ મળી આવી હતી.
સીબીઆઈએ હરિયાણા કેડરના વરિષ્ઠ સરકારી કર્મચારીઓના નિવાસસ્થાનોની પણ તપાસ કરી હતી. વરિષ્ઠ અધિકારીઓ અને કંપનીના પરિસરમાં દરોડા પાડવામાં આવ્યા હતા. વિપમ કન્સલ્ટન્સી પ્રાઇવેટ લિમિટેડ અને તેના ડિરેક્ટરના પરિસરમાં પણ તપાસ કરવામાં આવી હતી.
એજન્સીને શંકા છે કે ગુનામાંથી મળેલી રકમ કંપનીના ખાતામાં પ્રવેશી હતી અને બાદમાં ડિરેક્ટરના અંગત ખાતામાં ટ્રાન્સફર કરવામાં આવી હતી. તપાસમાં બહાર આવ્યું છે કે કેટલાક સરકારી કર્મચારીઓએ બેંક અધિકારીઓ સાથે મળીને ખાતાઓના સંચાલન, ભંડોળ ટ્રાન્સફર અને ભંડોળના ડાયવર્ઝનમાં મદદ કરી હતી. એવો આરોપ છે કે તેમને બદલામાં અનુચિત લાભ મળ્યા હતા. તપાસ દરમિયાન, અસંખ્ય ગુનાહિત દસ્તાવેજા, ડિજિટલ ઉપકરણો, મિલકત દસ્તાવેજા અને અન્ય મહત્વપૂર્ણ પુરાવા જપ્ત કરવામાં આવ્યા હતા. આ કેસ હરિયાણા વિજિલન્સ અને એસીબી તરફથી ટ્રાન્સફર કરાયેલા કેસ અને ચંદીગઢ પોલીસના આર્થિક ગુના પોલીસ સ્ટેશનમાં નોંધાયેલા બે કેસ સાથે જાડાયેલો છે.
તપાસ મુજબ, આ કૌભાંડમાં આશરે ૬૬૧ કરોડના સરકારી ભંડોળનો કથિત રીતે ગેરઉપયોગ થયો હતો. સીબીઆઇએ પંચકુલાની ખાસ કોર્ટમાં તેની પહેલી ચાર્જશીટ દાખલ કરી દીધી છે. ચાર્જશીટમાં હરિયાણા પાવર જનરેશન કોર્પોરેશન લિમિટેડ અને હરિયાણા સ્કૂલ એજ્યુકેશન પ્રોજેક્ટ કાઉન્સીલના અધિકારીઓની ભૂમિકાની વિગતો આપવામાં આવી છે. તપાસ એજન્સીએ આઇડીએફસી ફર્સ્ટ બેંક અને છેં ફાઇનાન્સ બેંક દ્વારા સરકારી ભંડોળના કથિત ઉચાપતનો પણ ખુલાસો કર્યો છે.સીબીઆઇ અનુસાર, ત્રણેય કેસોની તપાસ ઝડપથી આગળ વધી રહી છે અને તેમાં સામેલ અન્ય આરોપીઓ સામે કાર્યવાહી કરવામાં આવશે. એજન્સી ટૂંક સમયમાં પૂરક ચાર્જશીટ દાખલ કરી શકે છે.
