ભારત અને પાકિસ્તાન ૧૫ ફેબ્રુઆરીએ કોલંબોમાં હાઈ-વોલ્ટેજ ટી ૨૦ વર્લ્ડ કપ ૨૦૨૬ ના મુકાબલામાં સામસામે આવશે. હંમેશની જેમ, બધાની નજર આ મેચ પર રહેશે. આ પહેલા, પાકિસ્તાનના ઓપનિંગ બેટ્સમેન સાહિબજાદા ફરહાને પોતાનો ઘમંડ બતાવ્યો છે. તેમણે કહ્યું કે તેમની ટીમ ભારત સામેની મેચમાં સામાન્ય મેચની જેમ રમશે. તેમની ટીમ પર કોઈ દબાણ નથી.
ફરહાને કહ્યું, “જ્યારે તમે સતત બે મેચ જીતો છો, ત્યારે તમારો આત્મવિશ્વાસ વધે છે. આગામી મેચ મોટી વાત નથી. આ અમારી સામે પહેલી વાર રમવું નથી. અમે તેમની સામે પહેલા પણ રમી ચૂક્્યા છીએ. આ વખતે, અમે તેમની સામે અલગ માનસિકતા સાથે રમીશું.”
તેમણે વધુમાં કહ્યું, “તમે અમને પહેલા પણ મુશ્કેલ પરિસ્થિતિ ઓમાં સંઘર્ષ કરતા જાયા હશે, પરંતુ હવે શાદાબ અને નવાઝ રન બનાવી રહ્યા છે. તેથી આશા છે કે, તેમની સામેની અમારી મેચ રોમાંચક રહેશે અને તમે બધા તેનો આનંદ માણશો.”
તાજેતરના વર્ષોમાં, ભારત અને પાકિસ્તાન વચ્ચેની મેચો એકતરફી રહી છે, જેમાં ભારત સરળતાથી જીતી રહ્યું છે.
આ પ્રશ્નના જવાબમાં ફરહાને કહ્યું, “મને લાગે છે કે એશિયા કપ દરમિયાન અમારી મેચ એકતરફી નહોતી. અમે અંત સુધી રમ્યા અને લડ્યા. આશા છે કે, અમે આ વખતે શાનદાર પ્રદર્શન કરીશું.”
ફરહાને કહ્યું, “મને લાગે છે કે જ્યારે તમે રન બનાવો છો, ત્યારે તમારો આત્મવિશ્વાસ વધે છે. છેલ્લી બે ઇનિંગ્સ પછી મારો આત્મવિશ્વાસ પણ વધ્યો છે. અમે ભારત સામેની મેચને સામાન્ય મેચની જેમ જ ગણીશું અને રવિવારની મેચમાં શાંત મનથી રમવા માટે તૈયાર છીએ.”
સાહિબજાદા ફરહાને પાકિસ્તાનની ઓપનિંગ બેટિંગને મજબૂત બનાવી છે.
નેધરલેન્ડ્સ સામેની પહેલી મેચમાં, તેણે ૩૧ બોલમાં ૪૭ રન બનાવ્યા.
તે જ સમયે, તે અમેરિકા સામે ૪૧ બોલમાં ૭૩ રનની ઇનિંગ રમીને પ્લેયર ઓફ ધ મેચ રહ્યો.
