હજ ૨૦૨૬ ના સફળ સંચાલન બાદ, હજ ૨૦૨૭ ની તૈયારીઓ ચાલી રહી છે. દરમિયાન, સાઉદી અરેબિયામાં ચાલી રહેલા ફ્લાઇટ વિક્ષેપો વચ્ચે જેદ્દાહમાં ભારતીય કોન્સ્યુલેટે ભારતીય નાગરિકો, ખાસ કરીને ઉમરાહ યાત્રાળુઓને મદદ કરવા માટે એક મહત્વપૂર્ણ પગલું ભર્યું છે. દૂતાવાસે ફ્લાઇટ વિક્ષેપથી પ્રભાવિત ભારતીય નાગરિકોને જરૂરી સહાય પૂરી પાડવા માટે મક્કામાં ભારતીય હજ યાત્રાળુ કાર્યાલય ખાતે એક વધારાનો કંટ્રોલ રૂમ સ્થાપિત કર્યો છે.કોન્સ્યુલેટ દ્વારા જાહેર કરાયેલી માહિતી અનુસાર, જેદ્દાહમાં પહેલાથી કાર્યરત ૨૪ કલાક કંટ્રોલ રૂમ અને તેની હેલ્પલાઇન સેવાઓ ચાલુ રહેશે. આવી પરિસ્થિતિઓમાં, જરૂરિયાતમંદ ભારતીય નાગરિકો મક્કામાં નવા કંટ્રોલ રૂમ અથવા જેદ્દાહમાં હાલના કંટ્રોલ રૂમનો સંપર્ક કરી શકે છે.
મક્કામાં સ્થાપિત નવા કંટ્રોલ રૂમ માટે હેલ્પલાઇન નંબર +૯૬૬ ૫૫૩૬૪૬૯૬૬ છે. ફ્લાઇટ વિક્ષેપને કારણે જા ભારતીય નાગરિકોને સહાયની જરૂર હોય તો તેઓ આ નંબર પર સંપર્ક કરી શકે છે.દૂતાવાસે જણાવ્યું હતું કે જેદ્દાહમાં હાલનો ૨૪ટ૭ કંટ્રોલ રૂમ અને તેની હેલ્પલાઇન સેવાઓ પણ પહેલાની જેમ કાર્યરત રહેશે.આ વ્યવસ્થાનો હેતુ ફ્લાઇટ વિક્ષેપથી પ્રભાવિત ભારતીય નાગરિકો, ખાસ કરીને ઉમરાહ યાત્રાળુઓને સહાય પૂરી પાડવાનો છે. ભારતીય કોન્સ્યુલેટે જરૂરિયાતમંદ નાગરિકોને સહાય માટે જારી કરાયેલ હેલ્પલાઇન નંબરોનો ઉપયોગ કરવાની અપીલ કરી છે. મક્કામાં કંટ્રોલ રૂમનું સ્થાન પણ ગૂગલ મેપ્સ પર ઉપલબ્ધ કરાવવામાં આવ્યું છે જેથી જરૂરિયાતમંદ લોકો તેનો સંપર્ક કરી શકે.નવી દિલ્હીમાં તાજેતરમાં યોજાયેલી હજ સમીક્ષા બેઠકની અધ્યક્ષતા કરતી વખતે, કેન્દ્રીય લઘુમતી બાબતોના મંત્રી કિરેન રિજિજુએ હજ ૨૦૨૬ ની કામગીરીની સમીક્ષા કરી અને તમામ સંબંધિત પક્ષોને આગામી વર્ષની હજ યાત્રા માટે પ્રાથમિકતાના ધોરણે તૈયારીઓ શરૂ કરવાનો નિર્દેશ આપ્યો. તેમણે જણાવ્યું કે હજ ૨૦૨૬ દરમિયાન, આશરે ૧.૭૫ લાખ ભારતીય યાત્રાળુઓએ સાઉદી અરેબિયામાં વાર્ષિક હજ યાત્રા પૂર્ણ કરી.લઘુમતી બાબતોના મંત્રાલયે હજ નીતિ ૨૦૨૭ ની જાહેરાત કરી છે. હજ ૨૦૨૭ માટે હજ કરવામાં રસ ધરાવતા લોકો હજ સમિતિ ઓફ ઈÂન્ડયા પોર્ટલ તેમજ હજ સુવિધા એપ દ્વારા ઓનલાઈન અરજી કરી શકે છે.
