પાકિસ્તાન ક્રિકેટ બોર્ડ (પીસીબી) એ મોટો નિર્ણય લીધો. બોર્ડે ઓપનર સાહિબઝાદા ફરહાનને પાકિસ્તાનની ટી ૨૦ ટીમના નવા કેપ્ટન તરીકે નિયુક્ત કર્યા છે. તેઓ સલમાન અલી આગાના સ્થાન લેશે. તેમના કેપ્ટનશીપ હેઠળ, ટીમ એશિયા કપ અને ટી ૨૦ વર્લ્ડ કપમાં સારું પ્રદર્શન કરવામાં નિષ્ફળ રહી. સલમાન અલી આગાને માત્ર કેપ્ટનશીપમાંથી જ દૂર કરવામાં આવ્યા નથી, પરંતુ શ્રીલંકા સામેની આગામી શ્રેણી માટે ટીમમાંથી પણ બહાર કરવામાં આવ્યા છે.
બાબર આઝમ, શાહીન શાહ આફ્રિદી અને હરિસ રૌફને પાકિસ્તાનની ટી ૨૦ ટીમમાંથી બહાર કરવામાં આવ્યા છે. જાકે, આ ત્રણ ખેલાડીઓને ઇંગ્લેન્ડ અને શ્રીલંકા સામેની વનડે ત્રિકોણીય શ્રેણી માટે વનડે ટીમમાં સામેલ કરવામાં આવ્યા છે.ટી ૨૦ ફોર્મેટમાં બાબર અને શાહીનનું પ્રદર્શન તાજેતરમાં સારું રહ્યું નથી, જેના કારણે તેમને ટીમમાંથી બહાર રાખવામાં આવ્યા હતા. બોર્ડે ટી ૨૦ ટીમમાં કેટલાક નવા ખેલાડીઓને તકો આપી છે.
તાજેતરમાં, સાહિબજાદા ફરહાનની કેપ્ટનશીપમાં, પાકિસ્તાનની ટીમ એશિયન ગેમ્સની ફાઇનલમાં પહોંચી હતી, જ્યાં તેઓ ભારત સામે હારી ગયા હતા. ફાસ્ટ બોલર શાહીન શાહ આફ્રિદીને ટી ૨૦ ટીમમાંથી બહાર કરવામાં આવ્યા હોવા છતાં, તે વનડે ટીમનો કેપ્ટન રહેશે. વધુમાં, ભારત સામેની એશિયન ગેમ્સની ફાઇનલમાં વિકેટ પાછળ ખરાબ પ્રદર્શનને કારણે પાકિસ્તાનના વિકેટકીપર-બેટ્સમેન ઉસ્માન ખાનને પણ ટી ૨૦ ટીમમાંથી બહાર કરવામાં આવ્યો છે.
ઈંગ્લેન્ડ સામેની ત્રીજી અને અંતિમ ટેસ્ટમાં નવ છગ્ગા ફટકારીને પાકિસ્તાનની જીતમાં આગેવાની લેનાર રઝાઉલ્લાહને પણ બંને ટીમોમાં સામેલ કરવામાં આવ્યો છે. આ તેમનો પ્રથમ વખત સફેદ બોલવાળી પાકિસ્તાની ટીમમાં પસંદગી કરવામાં આવી છે.પાકિસ્તાન અને શ્રીલંકા વચ્ચેની ટી ૨૦ શ્રેણીની બધી મેચ રાવલપિંડી ક્રિકેટ સ્ટેડિયમ ખાતે રમાશે. શ્રેણીની પહેલી મેચ ૯ ઓક્ટોબરે રમાશે, જ્યારે બીજી અને ત્રીજી ટી ૨૦ મેચ ૧૧ અને ૧૩ ઓક્ટોબરે રમાશે.ટી ૨૦ શ્રેણી પછી, પાકિસ્તાન ઈંગ્લેન્ડ અને શ્રીલંકા સામે સાત મેચની વનડે ત્રિકોણીય શ્રેણી રમશે. ટુર્નામેન્ટની પહેલી ત્રણ મેચ રાવલપિંડીમાં રમાશે, ત્યારબાદ બાકીની મેચો અને ફાઇનલ લાહોરમાં રમાશે.
ટી-૨૦ શ્રેણી માટે પાકિસ્તાનની ટીમઃ સાહિબજાદા ફરહાન (કેપ્ટન), અબ્દુલ સમદ, અબરાર અહેમદ, અરાફાત મિન્હાસ, ફખર જમાન, હસન નવાઝ, ખ્વાજા નાફે (વિકેટકીપર), માઝ સદાકત, મોહમ્મદ સલમાન મિર્ઝા, મોહમ્મદ ઈમરાન રંધાવા, નસીમ શાહ, રઝાઉલ્લાહ, સૈમ અયુબ, શૌમ ખાન અને શૌફ ખાન.ત્રિકોણીય શ્રેણી માટે પાકિસ્તાનની ટીમઃ ૧૬ સભ્યોની વનડે ટીમઃ શાહીન શાહ આફ્રિદી (કેપ્ટન), અબરાર અહેમદ, અરાફત મિન્હાસ, બાબર આઝમ, ફહીમ અશરફ, ફખર ઝમાન, હારીસ રઉફ, હસન નવાઝ, મોહમ્મદ ગાઝી ઘોરી (વિકેટકીપર), નસીમ શાહ, સાપેર શાહ, નસીમ શાહ (વિકેટકીપર) અયુબ, સલમાન અલી આગા, શાદાબ ખાન અને સુફિયાન મોકીમ
