બોટાદ ટાઉન પોલીસ સ્ટેશનમાં ફરજ બજાવતા એક છજીં અને તેમના ખાનગી વચેટિયાએ એક આરોપીને જામીન મુક્ત કરાવવા અને મામલતદાર કચેરીમાં અટકાયતી પગલાં ન લેવડાવવા માટે ૩૦ હજાર રૂપિયાની લાંચ માંગી હતી. ભાવનગર છઝ્રમ્ની ટીમે સફળ ટ્રેપ ગોઠવીને પ્રથમ હપ્તા તરીકે ૧૦ હજાર રૂપિયા લેતા બંનેને રંગેહાથ પકડી પાડ્યા છે.
મળતી માહિતી અનુસાર, આરોપી નં.૧ છજીં જયેશ જેન્તીભાઈ જાખણીયા અને આરોપી નં.૨ નિલેશ ઉર્ફે લાલો ઘનશ્યામભાઈ ભરાડીયા વિરુદ્ધ લાંચ રૂશ્વત વિરોધી અધિનિયમ હેઠળ કેસ નોંધવામાં આવ્યો છે. ભાવનગર એસીબીના પીઆઇની આગેવાની હેઠળની ટીમે આ કાર્યવાહી કરી હતી.
બોટાદ ટાઉન પોલીસ સ્ટેશનમાં નોંધાયેલા એક ગુનાની તપાસ એએસઆઇ જયેશ જાખણીયા પાસે હતી. ફરિયાદીએ આરોપીને જામીન મુક્ત કરાવવા અને વધુ હેરાનગતિ ન થાય તે માટે મદદ માંગી હતી. આરોપીઓએ આ સેવાના બદલામાં કુલ રૂ. ૩૦,૦૦૦ની લાંચ માંગી હતી, જેમાંથી પ્રથમ હપ્તા તરીકે રૂ. ૧૦,૦૦૦ આપવાનું નક્કી થયું હતું.
ફરિયાદીએ એસીબીમાં ફરિયાદ નોંધાવી ત્યારબાદ એજન્સીએ છટકું ગોઠવ્યું. પાળીયાદ વિસ્તારમાં અથવા નજીકના સ્થળે લાંચની રકમ સ્વીકારતા વચેટિયા નિલેશ ભરાડીયાને રંગેહાથ પકડવામાં આવ્યો.એએસઆઇ જાખણીયા પણ આ કાવતરામાં સંકળાયેલા હોવાનું સામે આવ્યું છે.ભાવનગર એસીબીની ટીમે ત્વરિત કાર્યવાહી કરીને બંને આરોપીઓને ઝડપી લીધા. તેમની પાસેથી લાંચની રકમ જપ્ત કરવામાં આવી છે. આરોપીઓ વિરુદ્ધ ભ્રષ્ટાચાર નિવારણ અધિનિયમ હેઠળ વધુ તપાસ ચાલી રહી છે.
