તાજેતરમાં, પંજાબી ગાયક એકમ બાવાએ સોશિયલ મીડિયા પર વીડિયો શેર કર્યો હતો, જેમાં ખુલાસો થયો હતો કે રીતિએ શો પરના તેના ખર્ચ વિશે ખોટું બોલ્યું હતું અને રીતિના સાવકા પિતા હોવાનો પણ દાવો કર્યો હતો. હવે, રીતિ અને તેની માતા પ્રતિમા પાંડેએ પંજાબી ગાયક એકમ બાવાના દાવાઓનો જવાબ આપ્યો છે.
તાજેતરમાં, રીતિએ બિગ બોસ ૨૦ ના ઘરમાં તેની નાણાકીય પરિસ્થિતિ વિશે ચર્ચા કરી હતી. તેણીએ ખુલાસો કર્યો હતો કે તેના પિતા, અભિનેતા-રાજકારણી મનોજ તિવારી, તેને દર મહિને લગભગ ૨૦,૦૦૦ થી ૨૫,૦૦૦ રૂપિયા આપતા હતા.
રીતિએ એ પણ ખુલાસો કર્યો હતો કે એક સમય હતો જ્યારે તે ૧૦ રૂપિયાના બે વડાપાંઉ ખાઈને દિવસ જીવતી હતી. તેણીએ તેના માતાપિતાના છૂટાછેડા પછીના દિવસો વિશે પણ વાત કરી.
રીતિના દાવાઓ પછી, એકમ બાવાએ સોશિયલ મીડિયા પર તેના દાવાઓ પર સવાલ ઉઠાવતા ઘણા વીડિયો શેર કર્યા. એક વીડિયોમાં, તેણે રીતીના મોંઘા હેન્ડબેગ, લક્ઝરી કાર અને મિલકતોનો ઉલ્લેખ કર્યો, અને પ્રશ્ન કર્યો કે આ તેના ૨૫,૦૦૦ રૂપિયા દર મહિને મેળવવાના દાવા સાથે કેવી રીતે મેળ ખાય છે.
એકમે રીતિના કથિત વ્યવસાય અને મુંબઈમાં મિલકતો વિશે પણ પ્રશ્નો ઉઠાવ્યા. તેણે રીતિની માતા સાથેના તેના કથિત સંબંધ અને લગ્નની પણ ચર્ચા કરી. પછી શેર કરાયેલા બીજા વીડિયોમાં, એકમ બાવાએ દાવો કર્યો કે રીતિ અને તેની માતાએ તેને “ટોર્ચર” કર્યો હતો.
મુંબઈ Âસ્થત એક કાયદાકીય પેઢીએ સોમવારે રીતિ અને તેની માતા વતી જાહેર કાનૂની નોટિસ જારી કરી. તેમાં જણાવાયું છે કે એકમ બાવા, જેને પરમિન્દર કુમાર બાવા અને એકમ બેન્સ તરીકે પણ ઓળખવામાં આવે છે, તેમણે જાહેરમાં પોતાને રીતી તિવારીના “સાવકા પિતા” અને પ્રતિમા પાંડેના “કાયદેસર પતિ” તરીકે વર્ણવ્યા છે. નોટિસ આ બંને દાવાઓને સંપૂર્ણપણે નકારી કાઢે છે.
નોટિસ અનુસાર, એકમ બાવાનો રીતી કે તેની માતા સાથે આવો કોઈ કાનૂની સંબંધ નથી. પરિવારે તેમના નિવેદનો, વીડિયો અને સોશિયલ મીડિયા પોસ્ટ્સને ખોટા અને બદનક્ષીકારક ગણાવ્યા છે. નોટિસમાં એમ પણ કહેવામાં આવ્યું છે કે તેમની સામે સિવિલ અને ફોજદારી બંને પ્રકારની કાનૂની કાર્યવાહી શરૂ કરવામાં આવી છે.
જારી કરાયેલ કાનૂની નોટિસમાં હવે મીડિયા સંગઠનો, પ્રકાશકો, પ્લેટફોર્મ અને ચેનલોને એકમ બાવાના દાવાઓ સંબંધિત સામગ્રી દૂર કરવા અથવા ફરીથી પ્રકાશિત ન કરવા કહેવામાં આવ્યું છે. પરિવારે મીડિયાને રીતિ અને તેના પરિવાર સંબંધિત કોઈપણ દાવા પ્રકાશિત અથવા પ્રસારિત કરતા પહેલા સ્વતંત્ર રીતે ચકાસવાની અપીલ કરી છે.નોટિસમાં એમ પણ કહેવામાં આવ્યું છે કે કોઈપણ મીડિયા સંગઠન જે ચકાસણી વિના આ દાવાઓને ફરીથી પોસ્ટ કરશે તેને કાનૂની કાર્યવાહીનો સામનો કરવો પડશે.
