ફિલિપાઇન્સની રાજધાની મનીલાની ઉત્તરે આવેલા એક શહેરમાં નિર્માણાધીન ૯ માળની ઇમારત અચાનક ધરાશાયી થઈ ગઈ. અકસ્માત સમયે ઘણા કામદારો ઇમારતમાં હાજર હતા અને હવે કાટમાળ નીચે દટાયા છે. આ અકસ્માત વહેલી સવારે થયો હોવાનું જાણવા મળે છે. જાકે કેટલાક કામદારોને બચાવી લેવામાં આવ્યા છે, પરંતુ ડઝનબંધ કામદારો હજુ પણ અંદર ફસાયેલા છે. કાટમાળમાં ફસાયેલા કામદારોને બહાર કાઢવા માટે બચાવ કામગીરી ચાલી રહી છે. વાવાઝોડા દરમિયાન બાંધકામ હેઠળની ઇમારત ધરાશાયી થઈ હોવાનું જાણવા મળે છે.
પોલીસ અને અન્ય અધિકારીઓએ અહેવાલ આપ્યો છે કે ૨૨ કામદારો ભાગી છૂટવામાં સફળ રહ્યા છે, પરંતુ ઘણા લોકો હજુ પણ ગુમ છે. આ ઘટના મનીલાના ઉત્તરમાં પમ્પાંગા પ્રાંતના એન્જલસ સિટીમાં બની હતી. વાવાઝોડા દરમિયાન ઇમારત ધરાશાયી થઈ હોવાનું જાણવા મળે છે. પોલીસ બ્રિગેડિયર જનરલ જેસ મેન્ડેઝે જણાવ્યું હતું કે કાટમાળમાં ફસાયેલા લોકોને બચાવવા માટે પોલીસ અને અન્ય સરકારી વિભાગોના ૧૦૦ થી વધુ કર્મચારીઓ બચાવ કામગીરીમાં રોકાયેલા છે.
જોકે, પોલીસ બ્રિગેડિયર જનરલ જેસ મેન્ડેઝ તાત્કાલિક કહી શક્યા નથી કે હજુ પણ કેટલા કામદારો કાટમાળમાં ફસાયેલા છે. એન્જલસ સિટી ઇન્ફર્મેશન ઓફિસના વડા જય પેલાયોએ જણાવ્યું હતું કે ઓછામાં ઓછા ૩૦ કામદારો કાટમાળ નીચે ફસાયેલા હોવાની આશંકા છે. તેમણે એક બાંધકામ કામદારનો ઉલ્લેખ કર્યો છે જે ધસી પડવા દરમિયાન ભાગી છૂટવામાં સફળ રહ્યો હતો.
પોલીસ અને અન્ય અધિકારીઓએ અહેવાલ આપ્યો કે બચાવકર્તાઓને કાટમાળમાંથી “અવાજા” સંભળાઈ રહ્યા હતા, જ્યારે ૨૪ કામદારો ભાગી જવામાં સફળ રહ્યા હતા અથવા તેમને બચાવી લેવામાં આવ્યા હતા. જાહેર બાંધકામ સચિવ વિન્ઝોન ડીઝોને પત્રકારોને જણાવ્યું હતું કે ફાયર ફાઇટર, પોલીસ અને આપત્તિ પ્રતિભાવ ટીમો સહિતના બચાવકર્તાઓ અત્યંત જોખમી પરિસ્થીતિઓમાં પોતાની જાતે અને સ્નિફર ડોગ્સની મદદથી ફસાયેલા લોકોને શોધી રહ્યા છે. ડીઝોને કહ્યું, “જીવનના કેટલાક સંકેતો છે. કેટલાક અવાજા સંભળાઈ રહ્યા છે.” તેમણે ઉમેર્યું કે બચાવકર્તાઓ અત્યંત સાવધાની સાથે આગળ વધી રહ્યા છે. “સ્થળ અત્યંત અસ્થીર છે, અને લોકોને બહાર કાઢવા એ પ્રાથમિકતા છે,” તેમણે કહ્યું.
