બિહાર સરકારના કૃષિ મંત્રી વિજય કુમાર સિંહાએ વિભાગોમાં સતત થતા ફેરફારો પર કટાક્ષભર્યા સ્વરમાં પોતાનો રોષ વ્યક્ત કર્યો છે. તેમણે કહ્યું, “હું ખંતથી અભ્યાસ કરું છું, પરંતુ પરીક્ષા દરમિયાન વિષય બદલાય છે.”
મંત્રી મુઝફ્ફરપુરના રાષ્ટÙીય લીચી સંશોધન કેન્દ્રમાં આયોજિત “બિહાર લીચી સંગમ બગીચાથી નિકાસ સુધી” કાર્યક્રમમાં હાજરી આપી રહ્યા હતા. કોઈનું નામ લીધા વિના, તેમણે વિભાગીય ફેરબદલ પર નારાજગી વ્યક્ત કરી. તેમણે કહ્યું કે જ્યારે તેઓ કોઈ વિભાગને સમજે છે અને અપ્રમાણિક લોકો સામે કાર્યવાહી કરવાની તૈયારી કરે છે, ત્યારે તેમનો વિભાગ બદલી નાખવામાં આવે છે. “જ્યારે હું અભ્યાસ કરું છું, ત્યારે શિક્ષણ આપનારા લોકો અપ્રમાણિક નીકળી જાય છે, અને જ્યારે હું કાર્યવાહી કરવા જાઉં છું, ત્યારે વિષય બદલાઈ ગયો હોય છે.”
રાજકીય વર્તુળોમાં મંત્રીના આ નિવેદનને તેમના તાજેતરના વિભાગીય ફેરબદલ સાથે જાડવામાં આવી રહ્યું છે. તેઓ અગાઉ નીતિશ કુમાર સરકારમાં નાયબ મુખ્યમંત્રી અને જમીન સુધારણા મંત્રી તરીકે સેવા આપી ચૂક્્યા હતા, જ્યારે હાલમાં સમ્રાટ ચૌધરી સરકારમાં કૃષિ મંત્રીનું પદ સંભાળી રહ્યા છે.
મંત્રી વિજય સિંહાએ પોતાને “એવરગ્રીન સ્ટુડન્ટ” તરીકે વર્ણવતા કહ્યું કે તેઓ દરેક વિભાગના કામકાજ શીખવાનો પ્રયાસ કરે છે. તેમણે એમ પણ કહ્યું કે વિભાગના પરિવર્તનથી કોઈએ ખુશ ન થવું જાઈએ, કારણ કે જમીન આખરે ખેડૂતોની છે. આ કાર્યક્રમ દરમિયાન, મંત્રીએ ખેડૂતોના હિતમાં ઘણી મહત્વપૂર્ણ ટિપ્પણીઓ કરી. મુઝફ્ફરપુરની પ્રખ્યાત શાહી લીચી અંગે મંત્રીએ કહ્યું કે લીચીને અસર કરતી જીવાતોને દૂર કરવા માટે વૈજ્ઞાનિક પહેલ કરવામાં આવશે. ટૂંક સમયમાં કોલ્ડ સ્ટોરેજ ચેઇન પોલિસી રજૂ કરવામાં આવશે. ખેડૂત પ્રોત્સાહન નીતિ લાગુ કરવામાં આવશે. વિજય સિન્હાનું આ નિવેદન માત્ર વિભાગીય ફેરફારો પર કટાક્ષ કરતું નથી પરંતુ વહીવટી તંત્ર પ્રત્યેની તેમની અગવડતાને પણ સ્પષ્ટપણે દર્શાવે છે.
