દિલ્હી પોલીસના એક એસીપીએ તેમના સાથીદારો સાથે દિલ્હી પોલીસ મુખ્યાલયમાં વિરોધ પ્રદર્શન કર્યું હતું. આ વિરોધ સંદર્ભે હવે કાર્યવાહી કરવામાં આવી છે. હકીકતમાં, ગૃહ મંત્રાલયની સૂચના પર, દિલ્હી પોલીસે એસીપી મનસ્વી વશિષ્ઠને સસ્પેન્ડ કર્યા છે, જેમણે ગઈકાલે તેમના સાથી અધિકારીઓ સાથે દિલ્હી પોલીસ મુખ્યાલયમાં મોટો વિરોધ પ્રદર્શન કર્યું હતું. વકીલો સાથેના વિવાદ બાદ એસીપીની બદલી કરવામાં આવી હતી, ત્યારબાદ ગઈકાલે મનસ્વી વશિષ્ઠ અને તેમના સાથીઓએ દિલ્હી પોલીસ મુખ્યાલય ખાતે વિરોધ પ્રદર્શન કર્યું હતું.
પોલીસ સૂત્રોએ મંગળવારે જણાવ્યું હતું કે દિલ્હી પોલીસ એસીપી મનસ્વી વશિષ્ઠને સસ્પેન્ડ કરવામાં આવ્યા છે. તેઓ બે અધિકારીઓની બદલી સામે પોલીસ મુખ્યાલયની બહાર વિરોધ પ્રદર્શન કરી રહેલા પોલીસ અધિકારીઓ સાથે જાડાયા હતા. આ સસ્પેન્શન વિરોધને ઘેરી લેતા વિવાદ વચ્ચે આવ્યું છે, જેમાં અધિકારીઓ ટ્રાન્સફર ઓર્ડર રદ કરવાની માંગણી સાથે મુખ્યાલયની બહાર એકઠા થયા હતા. પોલીસ સૂત્રોએ જણાવ્યું હતું કે છઝ્રઁ સામે આ કાર્યવાહી આ ઘટનાના સંદર્ભમાં કરવામાં આવી હતી, અને વધુ માહિતીની રાહ જોવાઈ રહી છે.
પ્રદર્શન કરી રહેલા પોલીસ અધિકારીઓએ માંગ કરી હતી કે એસીપી મનસ્વી વશિષ્ઠ અને શાહદરા ભૂતપૂર્વ એસએચઓ અરુણ કુમારની બદલી રદ કરવામાં આવે અને બંને અધિકારીઓને તેમના અગાઉના હોદ્દા પર પુનઃસ્થાપિત કરવામાં આવે. તેમણે કોર્ટ પરિસર અને પોલીસ સ્ટેશનોમાં પોલીસ અધિકારીઓ અને વકીલો વચ્ચેના સંઘર્ષોને પહોંચી વળવા માટે સ્પષ્ટ સ્ટાન્ડર્ડ ઓપરેટિંગ પ્રોસિજર બનાવવાની પણ માંગ કરી હતી. બીજી મુખ્ય માંગ એ હતી કે વિરોધ પ્રદર્શનમાં ભાગ લેનારા પોલીસ અધિકારીઓ સામે કોઈ શિસ્તભંગની કાર્યવાહી ન કરવામાં આવે.
વિરોધ પ્રદર્શન દરમિયાન, મનસ્વી વશિષ્ઠે સમજાવ્યું કે વિરોધ કરી રહેલા પોલીસ અધિકારીઓએ પોલીસ કમિશનરને તેમની ચિંતાઓ જણાવી દીધી છે અને એક બેઠક દરમિયાન પાંચ મુખ્ય માંગણીઓ રજૂ કરી છે. વશિષ્ઠે કહ્યું, “અમે પોલીસ કમિશનરને અમારી માંગણીઓ રજૂ કરી હતી. તેમણે અમને બેઠક માટે સમય આપ્યો, જ્યાં અમે અમારી ચિંતાઓ રજૂ કરી. જોકે દરેકને ખુલ્લેઆમ બોલવાની તક મળી ન હતી, અમે અમારી પાંચ મુખ્ય માંગણીઓ તેમને પહોંચાડવામાં સફળ રહ્યા.”
