કૃતિ સેનન હાલમાં તેની તાજેતરમાં રિલીઝ થયેલી ફિલ્મ, “કોકટેલ ૨” માટે સમાચારમાં છે. આ ફિલ્મ બોક્સ ઓફિસ પર સારી કમાણી કરી હતી અને કૃતિના અભિનયના વખાણ થયા છે. આ દરમિયાન, અભિનેત્રીના બ્રેકઅપની અફવાઓ સોશિયલ મીડિયા પર પણ ફેલાઈ રહી છે. આ અફવાઓ તેના કથિત બોયફ્રેન્ડ, ઉદ્યોગપતિ કબીર બાહિયાનો બીજી મહિલા સાથેનો ફોટો વાયરલ થયા પછી શરૂ થઈ હતી.
કબીર બાહિયાનો બીજી મહિલા સાથેનો ફોટો સોશિયલ મીડિયા પર વાયરલ થયા પછી, એવી અફવાઓ શરૂ થઈ હતી કે કૃતિ અને કબીરનું બ્રેકઅપ થઈ ગયું છે. જોકે, કબીરની નજીકના એક સૂત્રએ હવે આ દાવાઓને ફગાવી દીધા છે અને સ્પષ્ટતા કરી છે કે વાયરલ ફોટોનું ખોટું અર્થઘટન કરવામાં આવ્યું છે.
કબીર બાહિયાના નજીકના એક સૂત્રએ જણાવ્યું હતું કે, “ઓનલાઈન ફરતા કબીર અને એક છોકરીના ફોટાનું સંપૂર્ણપણે ખોટું અર્થઘટન કરવામાં આવ્યું છે. તે એક પારિવારિક મિત્ર છે, જેને તે તેની બહેન માને છે. તે દુઃખદ છે કે લોકો કેટલી ઝડપથી નિષ્કર્ષ પર પહોંચે છે અને ખોટી માહિતી ફેલાવે છે.”
કૃતિ સેનન અને કબીર બાહિયાએ ક્યારેય જાહેરમાં ડેટિંગની અફવાઓની પુષ્ટિ કે ઇનકાર કર્યો નથી. તેમ છતાં, છેલ્લા એક વર્ષમાં તેમની ઘણી જાહેર હાજરીએ અટકળોને વેગ આપ્યો છે.
અહેવાલો અનુસાર, કૃતિના જન્મદિવસની ઉજવણી દરમિયાન બંને ગ્રીસમાં સાથે વેકેશન માણતા જોવા મળ્યા હતા. કબીરે કૃતિની બહેન નુપુર સેનનના લગ્નમાં ખાસ કાર્યક્રમોમાં પણ હાજરી આપી હતી. કબીર ઘણીવાર ડિનર પાર્ટીઓ અને અન્ય કાર્યક્રમોમાં સાથે જાવા મળ્યા છે, જેના કારણે ચાહકો તેમના સંબંધો વિશે ઉત્સુક બન્યા છે.
કામના મોરચે, કૃતિ સેનન હાલમાં તેની તાજેતરમાં રિલીઝ થયેલી ફિલ્મ ‘કોકટેલ ૨’ ની સફળતાનો આનંદ માણી રહી છે. આ ફિલ્મમાં શાહિદ કપૂર અને રશ્મીકા મંદન્ના પણ મુખ્ય ભૂમિકામાં છે.
