ઇઝરાયલી સંરક્ષણ દળોએ જણાવ્યું હતું કે તેમને બિંત જ્બેઇલ વિસ્તારમાં એક શાળાની અંદર ૧૩૦ થી વધુ હિઝબુલ્લા શસ્ત્રો મળ્યા છે. ઠ પરની એક પોસ્ટમાં, તેઓએ અહેવાલ આપ્યો કે જપ્ત કરાયેલા શસ્ત્રોમાં કલાશ્નિકોવ એસોલ્ટ રાઇફલ્સ, પિસ્તોલ અને અન્ય શસ્ત્રોનો સમાવેશ થાય છે.આઇડીએફ અનુસાર, શસ્ત્રો સાથે, સૈનિકોને હિઝબુલ્લાહના ધ્વજ અને અન્ય આતંકવાદી સંગઠનોના ચિહ્નો પણ મળી આવ્યા.આઇડીએફ દ્વારા અગાઉ માત્ર એક મિનિટમાં આશરે ૭૦ હિઝબુલ્લાહ આતંકવાદી સ્થળોનો નાશ કરવાનો અહેવાલ આપ્યા પછી આ વાત સામે આવી છે.
એકસ પરની એક પોસ્ટમાં,આઇડીએફએ જણાવ્યું હતું કે સૈનિકોએ ડઝનેક શસ્ત્રો જપ્ત કર્યા છે. આ શસ્ત્રોમાં આરપીજી, કલાશ્નિકોવ એસોલ્ટ રાઇફલ્સ, દારૂગોળો, ગ્રેનેડ, એક એન્ટી-એરક્રાફ્ટ મિસાઇલ, સર્વેલન્સ સાધનો અને દારૂગોળો શામેલ છે. તેઓએ વધુમાં જણાવ્યું હતું કે આઇડીએફસૈનિકોએ બીજા એક ઓપરેશનમાં ડઝનેક આતંકવાદીઓને પણ મારી નાખ્યા.
અગાઉ, ઇઝરાયલી પીએમ બેન્જામિન નેતન્યાહૂએ ટ્વીવટર પર પોસ્ટ કરેલા એક વિડિઓ સંદેશમાં કહ્યું હતું કે, “હું ઉત્તરના રહેવાસીઓને સમર્થન આપું છું જેઓ મક્કમ છે. વધુમાં, અમારા દળો હિઝબુલ્લાહ પર હુમલો કરવાનું ચાલુ રાખી રહ્યા છે. બિંત જ્બેઇલમાં તીવ્ર લડાઈ ચાલી રહી છે.” તેમણે બિંત જ્બેઇલને હિઝબુલ્લાહનો મુખ્ય ગઢ ગણાવ્યો અને કહ્યું, “અમે બિંત જ્બેઇલને હરાવવા જઈ રહ્યા છીએ; અમે આ મુખ્ય હિઝબુલ્લાહ ગઢને સંપૂર્ણપણે ખતમ કરવા જઈ રહ્યા છીએ.”
આ દરમિયાન, યુએસ પ્રમુખ ડોનાલ્ડ ટ્રમ્પે તેમના સોશિયલ મીડિયા પ્લેટફોર્મ, ટ‰થ સોશિયલ પર પોસ્ટ કરીને જણાવ્યું હતું કે ઇઝરાયલ અને લેબનોન વચ્ચે ૧૦ દિવસનો યુદ્ધવિરામ થયો છે. ટ્રમ્પે કહ્યું, “મેં લેબનોનના રાષ્ટ્રપતિ જાસેફ ઓન અને ઇઝરાયલી વડા પ્રધાન બેન્જામિન નેતન્યાહૂ સાથે ખૂબ જ સારી વાતચીત કરી. બંને નેતાઓ શાંતિ સ્થાપિત કરવા માટે ઔપચારિક રીતે ૧૦ દિવસનો યુદ્ધવિરામ શરૂ કરવા સંમત થયા છે.
