ઉત્તર પ્રદેશના બરેલીમાં શંકાસ્પદ સંજાગોમાં મૌલાનાના મૃત્યુ બાદ રાજકારણ વધુ ગરમાયું છે. બિહારના કિશનગંજ જિલ્લામાં મૌલાના તૌસીફ રઝા મઝહરીનું શંકાસ્પદ સંજાગોમાં મૃત્યુ થતાં વિસ્તારમાં શોક અને ગુસ્સાનું વાતાવરણ ફેલાયું છે. પરિવારના સભ્યો અને સ્થાનિક રહેવાસીઓએ આ ઘટનાને હત્યા ગણાવી છે અને નિષ્પક્ષ તપાસની માંગ કરી છે. તૌસીફ રઝા ઠાકુરગંજ બ્લોકના ભોગદાવર પંચાયતના બખોટોલી ગામના રહેવાસી હતા. તેઓ ગોરખપુરમાં ઇમામની ફરજ બજાવતા હતા.
સ્થાનિકો પાસેથી મળેલી માહિતી મુજબ, મૌલાના તૌસીફ રઝા ૨૪ અને ૨૫ તારીખે ઉર્સ-એ-તાજુશ્શરિયામાં ભાગ લેવા માટે બરેલી ગયા હતા. આ સમય દરમિયાન, તેમનો બરેલી કેન્ટોનમેન્ટ વિસ્તારમાં કેટલાક લોકો સાથે ઝઘડો થયો હોવાનું કહેવાય છે. પરિવારના સભ્યોનો આરોપ છે કે વિવાદ વધતાં મૌલાનાએ તેમની પત્નીને ફોન કરીને પરિસ્થિતિ વિશે માહિતી આપી અને પોલીસને જાણ કરવા કહ્યું. થોડા સમય પછી, તેમનો મોબાઇલ ફોન બંધ થઈ ગયો.
એવું કહેવાય છે કે થોડા સમય પછી બરેલી કેન્ટ નજીકથી તેમનો મૃતદેહ મળી આવ્યો હતો. પરિવારના સભ્યોનો દાવો છે કે મૌલાના અને તેમની પત્ની વચ્ચેની વાતચીતનું કોલ રેકો‹ડગ ઉપલબ્ધ છે, જેમાં તેમણે પોતાના જીવનો ભય વ્યક્ત કર્યો હતો. આ ઘટના બાદ, વિસ્તારમાં વિવિધ ચર્ચાઓ થઈ રહી છે, અને લોકો સત્ય જાહેર કરવાની માંગ કરી રહ્યા છે.
એઆઇએમઆઇએમ નેતા અને ધારાસભ્ય તૌસીફ આલમ, ધારાસભ્ય ગોપાલ અગ્રવાલ અને અન્ય નેતાઓએ ઊંડો શોક વ્યક્ત કર્યો અને કહ્યું કે આવી શંકાસ્પદ પરિસ્થિતિઓમાં ધાર્મિક વિદ્વાનનું મૃત્યુ ખૂબ જ ગંભીર બાબત છે. તેમણે કહ્યું કે કોલ રેકોર્ડીંગ અને અન્ય તથ્યોના આધારે ઉચ્ચ સ્તરીય અને નિષ્પક્ષ તપાસ થવી જાઈએ, જેથી ગુનેગારો સામે કડક કાર્યવાહી થાય.
નેતાઓએ યુપી સરકાર અને વહીવટીતંત્ર પાસેથી નિષ્પક્ષ તપાસની માંગ કરી છે. આ ઉપરાંત, કિશનગંજના પોલીસ અધિક્ષક, સાંસદ, ઠાકુરગંજના ધારાસભ્ય ગોપાલ કુમાર અગ્રવાલ, મુખ્યમંત્રી, વિરોધ પક્ષના નેતા અને એઆઇએમઆઇએમ બિહાર રાજ્ય પ્રમુખ અખ્તરુલ ઇમાનને પણ આ મામલાની ગંભીર નોંધ લેવા અને પીડિત પરિવારને ન્યાય અપાવવા અપીલ કરવામાં આવી છે.
