કર્ણાટકમાં મુખ્યમંત્રી પરિવર્તન અને મંત્રીમંડળમાં ફેરબદલનો મુદ્દો ફરી એકવાર જાર પકડી રહ્યો છે. રાજ્યના ઘણા વરિષ્ઠ મંત્રીઓ દિલ્હીની મુલાકાતે છે. અગાઉ, ૧૮ ધારાસભ્યોએ કોંગ્રેસ પ્રમુખ સાથે મુલાકાત કરી હતી અને રાજ્યમાં મંત્રીમંડળમાં ફેરબદલની માંગ કરી હતી. કોંગ્રેસ હાઈકમાન્ડ આવતા મહિને કર્ણાટક મુદ્દા પર નિર્ણય લે તેવી અપેક્ષા છે. ગઈકાલે મોડી રાત્રે, સતીશ જરકીહોલી અને મહાદેવપ્પા (બંને મુખ્યમંત્રીના નજીકના) કોંગ્રેસ અધ્યક્ષ સાથે મળ્યા હતા. આજે, બી.કે. હરિપ્રસાદ અને કે.એચ. મુનિયપ્પાએ પણ કોંગ્રેસ અધ્યક્ષ સાથે મુલાકાત કરી હતી.
રાજ્ય મંત્રી કે.એચ. મુનિયપ્પા અને હરિયાણા કોંગ્રેસ પાર્ટીના પ્રભારી બી.કે. હરિપ્રસાદે પણ કોંગ્રેસ અધ્યક્ષ સાથે મુલાકાત કરી હતી અને મંત્રીમંડળ વિસ્તરણ અને રાજ્ય રાજકારણ અંગે ચર્ચા કરી હતી. જ્યારે નાયબ મુખ્યમંત્રી ડી.કે. શિવકુમાર સત્તા પરિવર્તન માટે પાર્ટી હાઈકમાન્ડ પર દબાણ કરવાનું ચાલુ રાખે છે, ત્યારે વર્તમાન મુખ્યમંત્રી સત્તા પરિવર્તનને બદલે મંત્રીમંડળમાં ફેરબદલ ઇચ્છે છે. અહેવાલો અનુસાર, કોંગ્રેસ હાઈકમાન્ડે રાજ્ય એકમને ૪ મે સુધી રાહ જાવાનું કહ્યું હતું.
કર્ણાટકમાં નેતૃત્વ પરિવર્તનની નવી અટકળો વચ્ચે, વરિષ્ઠ કોંગ્રેસ નેતા કે.એન. રાજન્નાએ પણ મંગળવારે એક મહત્વપૂર્ણ નિવેદન આપ્યું હતું. રાજન્નાએ જણાવ્યું છે કે કર્ણાટકના મુખ્યમંત્રી સિદ્ધારમૈયા રાહુલ ગાંધીના નિર્દેશ મુજબ રાજીનામું આપવા અથવા ટોચના પદ પર રહેવા માટે તૈયાર છે. રાજન્નાને મુખ્યમંત્રી સિદ્ધારમૈયાના નજીકના વિશ્વાસુ માનવામાં આવે છે. તેમણે પાર્ટી નેતૃત્વમાં પરિવર્તનના વિચારને પણ ટેકો આપ્યો હતો. આ સંદર્ભ કર્ણાટક કોંગ્રેસ પ્રમુખ ડી.કે. શિવકુમાર તરફ નિર્દેશિત હોવાનું માનવામાં આવે છે, જેમના સમર્થકો તેમને મુખ્યમંત્રી બનાવવાની માંગ કરી રહ્યા છે.
દરમિયાન, કર્ણાટકમાં નેતૃત્વ પરિવર્તનની ચર્ચાઓ વચ્ચે, કર્ણાટકના મંત્રી જી. પરમેશ્વરે પણ એક મહત્વપૂર્ણ નિવેદન આપ્યું છે. ગૃહમંત્રી જી. પરમેશ્વરે મંગળવારે કહ્યું હતું કે કોંગ્રેસ હાઇકમાન્ડ ટૂંક સમયમાં આ મુદ્દા પર પ્રતિક્રિયા આપશે, અને હાઇકમાન્ડનો નિર્ણય બધાને સ્વીકાર્ય હશે.
