સમાજવાદી પાર્ટીના વડા અને ઉત્તર પ્રદેશના ભૂતપૂર્વ મુખ્યમંત્રી અખિલેશ યાદવે દિલ્હી વિસ્ફોટ પર મોટું નિવેદન આપ્યું છે. અખિલેશ યાદવે કહ્યું કે વડા પ્રધાન નરેન્દ્ર મોદીએ કહ્યું છે કે જવાબદાર તમામ લોકોને ખુલ્લા પાડવામાં આવશે અને તેમને ન્યાય અપાવવામાં આવશે. આરોપીઓ સામે શક્્ય તેટલી કડક કાર્યવાહી કરવામાં આવશે.સપા નેતા અખિલેશે કહ્યું કે વડા પ્રધાને આ કહ્યું હોવાથી, અમને વિશ્વાસ છે કે તેઓ સત્ય બહાર લાવશે અને રાષ્ટ્રીય રાજધાનીના હૃદયમાં, જ્યાં આપણે આપણા સ્વતંત્રતા દિવસની ઉજવણી કરીએ છીએ, જ્યાંથી વડા પ્રધાન રારાષ્ટ્રને સંબોધન કરે છે, ત્યાં આ હુમલો કોણે કર્યો તે શોધી કાઢશે. આવી મોટી ઘટના એવી જગ્યાએ બની જે આપણી સ્વતંત્રતાનું પ્રતીક છે અને નિંદનીય છે. જાનહાનિની સંખ્યા દુર્ભાગ્યપૂર્ણ છે… આપણે વારંવાર આ ગુપ્તચર નિષ્ફળતાનો અનુભવ કેમ કરીએ છીએ?અગાઉ, યુપીના ભૂતપૂર્વ મુખ્યમંત્રી અખિલેશ યાદવે ટ્વીટ કર્યું હતું કે, “દિલ્હી વિસ્ફોટ ખૂબ જ દુઃખદ અને ગંભીર ઘટના છે. તેની દરેક દ્રષ્ટિકોણથી તપાસ થવી જાઈએ. રાષ્ટ્રીય રાજધાનીમાં આ વિસ્ફોટથી ફેલાયેલા ભયથી જનતાને દૂર કરવા માટે તાત્કાલિક સુરક્ષા વ્યવસ્થા કરવી જાઈએ. મૃતકો પ્રત્યે ઊંડી સંવેદના. તમામ ઘાયલો માટે શ્રેષ્ઠ શક્્ય સારવાર સુનિશ્ચિત કરવી જાઈએ.”આ દરમિયાન, સમાજવાદી પાર્ટી (સપા) ના પ્રમુખ અખિલેશ યાદવે મંગળવારે પાર્ટીના નવા રાષ્ટ્રીય કાર્યક્રમ, “વિઝન ઇન્ડિયા” ની શરૂઆતની જાહેરાત કરી, જેનો ઉદ્દેશ્ય વૈજ્ઞાનિક, પ્રગતિશીલ અને સમાવેશી વિચારસરણીથી પ્રેરિત “નવું ભારત” બનાવવાનો છે. ઉત્તર પ્રદેશના ભૂતપૂર્વ મુખ્યમંત્રીએ યુવા પેઢીની પ્રશંસા કરતા તેમને પ્રગતિશીલ, સહિષ્ણુ અને સમાવેશી ગણાવ્યા. તેમણે કહ્યું, “અમે યુવાનોના મુદ્દાઓને અન્ય મુદ્દાઓ સાથે જાડવા અને તેમની સાથે આગળ વધવા માંગીએ છીએ.”અખિલેશ યાદવે અહીં પાર્ટી મુખ્યાલય ખાતે એક પત્રકાર પરિષદમાં કહ્યું કે આ પહેલ હેઠળનો પહેલો કાર્યક્રમ બેંગલુરુમાં યોજાશે. તેમણે કહ્યું કે આ કાર્યક્રમમાં આધુનિક ભારત માટે સમાજવાદી પાર્ટીના વિઝનને પ્રોત્સાહન આપવા માટે દેશવ્યાપી પ્રવાસનો સમાવેશ થશે.
