દિલ્હીમાં હેડ કોન્સ્ટેબલ પર હુમલો કરવા બદલ એફઆઇઆર દાખલ કરવામાં આવી છે. આ એફઆઇઆર આમ આદમી પાર્ટીના દિલ્હી કન્વીનર સૌરભ ભારદ્વાજ, તિલક નગરના ધારાસભ્ય જરનૈલ સિંહ અને એક આપ કાર્યકર સામે છે. તેમના પર હુમલો કરવાનો અને સરકારી કામમાં અવરોધ લાવવાનો આરોપ છે. સાહિબ સિંહ સામે પણ એક અલગ કેસ નોંધવામાં આવ્યો છે.
દિલ્હી પોલીસે જણાવ્યું હતું કે ગઈકાલે અરવિંદ કેજરીવાલ તિલક નગરની મુલાકાતે ગયા ત્યારે આ ઘટના બની હતી. સાદા કપડામાં દિલ્હી પોલીસનો એક હેડ કોન્સ્ટેબલ ત્યાં વીડિયો રેકોર્ડ કરી રહ્યો હતો. આમ આદમી પાર્ટીના સમર્થકોના ટોળાએ તેમને ઘેરી લીધા હતા.
ટોળાએ હેડ કોન્સ્ટેબલ પર હુમલો કર્યો. હુમલા બાદ, હેડ કોન્સ્ટેબલની તબીબી તપાસ કરવામાં આવી. પોલીસે તેમના પર સરકારી કર્મચારીને અવરોધવાનો આરોપ મુક્યો છે. હુમલા સંબંધિત કલમો હેઠળ કેસ નોંધવામાં આવ્યો છે. પોલીસ આ મામલાની વધુ તપાસ કરી રહી છે.
સોમવારે, દિલ્હી પોલીસે આમ આદમી પાર્ટી દિલ્હી પ્રદેશ પ્રમુખ સૌરભ ભારદ્વાજ અને પાર્ટીના અનેક ધારાસભ્યો અને કાઉન્સીલરોની અટકાયત કરી હતી. આ કાર્યવાહી વિકાસપુરી પોલીસ સ્ટેશનની બહાર ત્યારે કરવામાં આવી હતી જ્યારે આપ નેતાઓ દિલ્હી સરકારના મંત્રી પરવેશ વર્મા સામે નોંધવાની માંગણી સાથે વિરોધ પ્રદર્શન કરી રહ્યા હતા.
આ સમગ્ર વિવાદ રોડ બાંધકામમાં કથિત ભ્રષ્ટાચારના તાજેતરના ખુલાસા અને ત્યારબાદ થયેલા હોબાળા સાથે જાડાયેલો છે. સૌરભ ભારદ્વાજના જણાવ્યા મુજબ, આપ ધારાસભ્ય જરનૈલ સિંહે મીડિયા કેમેરા સામે પોતાના હાથે રસ્તાનો એક ભાગ તોડીને નબળી ગુણવત્તા અને ભંડોળના ઉચાપતનો પર્દાફાશ કર્યો. ભારદ્વાજે આરોપ લગાવ્યો છે કે આ ખુલાસાથી ગુસ્સે ભરાયેલા મંત્રી પ્રવેશ વર્માએ કેમેરામેન પર હુમલો કર્યો, તેમનો ફોન છીનવી લીધો અને તેમને થપ્પડ મારી. તેમણે ભ્રષ્ટાચારના પુરાવાનો નાશ કરવાનો પણ પ્રયાસ કર્યો.
વિરોધ દરમિયાન કડક વલણ અપનાવતા સૌરભ ભારદ્વાજે કહ્યું, “બે દિવસ વીતી ગયા, પરંતુ પ્રવેશ વર્મા સામે કોઈ એફઆઇઆર દાખલ કરવામાં આવી નથી. આ સ્પષ્ટપણે દર્શાવે છે કે ભાજપને ડર છે કે જો જનતા દરેક શેરી અને મહોલ્લામાં ભ્રષ્ટાચાર જાવા લાગશે, તો તેઓ પોતે જ રસ્તાઓ ખુલ્લા પાડશે.”
આપ નેતાઓએ ચેતવણી આપી છે કે તેમનું આંદોલન અહીં નહીં અટકે. તેમણે પોલીસ વહીવટીતંત્રને ચેતવણી આપી છે કે જા વિરોધ દરમિયાન મહિલાઓ સાથે કોઈપણ પ્રકારનો દુર્વ્યવહાર કરવામાં આવશે, તો પાર્ટીના કાર્યકરો પોલીસ કમિશનરની ઓફિસની બહાર ધરણા કરશે. આ હાઈ-વોલ્ટેજ રાજકીય નાટક બાદ, દિલ્હીનું રાજકારણ ફરી એકવાર ગરમાયું છે, જેના કારણે આપ અને ભાજપ આમને-સામને આવી ગયા છે.
