રણબીર કપૂર આ દિવસોમાં નિતેશ તિવારીની ‘રામાયણ’ માટે સતત સમાચારમાં છે, અને અભિનેતાનું સંપૂર્ણ ધ્યાન ફક્ત ‘રામાયણ’ પર છે. તાજેતરમાં આંખના ચેપથી પીડાતા હોવા છતાં, તેમણે નવી દિલ્હીના ભારત મંડપમ ખાતે આયોજિત એક કાર્યક્રમમાં હાજરી આપી હતી અને પછી તેમની ફિલ્મના પ્રમોશન માટે વિદેશ જવા રવાના થઈ ગયા હતા. રણબીર, “રામાયણ”ની આખી ટીમ સાથે, તાજેતરમાં “રામાયણ” ના પ્રમોશન માટે સાન ડિએગો કોમિક કોનમાં હાજરી આપી હતી. રણબીરની સાથે ફિલ્મના દિગ્દર્શક નિતેશ તિવારી, નિર્માતા નમિત મલ્હોત્રા અને યશ પણ હતા. આ કાર્યક્રમમાં રણબીરે “રામાયણ” અને તેના આગામી પ્રોજેક્ટ્સ વિશે વાત કરી હતી, અને “ધૂમ ૪” વિશે પણ ખુલ્લેઆમ ચર્ચા કરી હતી. વાતચીત દરમિયાન, તેમણે સ્પષ્ટપણે કહ્યું હતું કે તે “ધૂમ ૪” નો ભાગ નથી.
રણબીર કપૂરે રિવ્યુ નેશનની યુટ્યુબ ચેનલ પર વાતચીત દરમિયાન તેમના આગામી પ્રોજેક્ટ્સ વિશે ખુલ્લેઆમ ચર્ચા કરી. વાતચીત દરમિયાન, જ્યારે હોસ્ટે ઉલ્લેખ કર્યો કે રણબીર “રામાયણ” ઉપરાંત “ટોક્સિક” અ ફેરી ટેલ ફોર ગ્રોન-અપ્સ” અને “ધૂમ ૪” માં જાવા મળશે, ત્યારે રણબીરે તરત જ જવાબ આપ્યો, “ના, હું સંજય લીલા ભણસાલી દ્વારા દિગ્દર્શિત બીજી ફિલ્મ “લવ એન્ડ વોર” પર કામ કરી રહ્યો છું. આ ફિલ્મ ૨૪ જાન્યુઆરી, ૨૦૨૭ ના રોજ રિલીઝ થવાની ધારણા છે.” રણબીરના નિવેદનથી સ્પષ્ટ થાય છે કે તે “ધૂમ ૪” નો ભાગ નથી.
રણબીર કપૂરના મતે, “લવ એન્ડ વોર” ૨૪ જાન્યુઆરીએ રિલીઝ થશે. જાકે, અગાઉના કેટલાક અહેવાલોમાં ફિલ્મની રિલીઝ તારીખ ૨૧ જાન્યુઆરી પણ જણાવવામાં આવી છે. વાતચીત દરમિયાન, રણબીરે “એનિમલ પાર્ક” વિશે પણ કોઈ અપડેટ આપ્યું ન હતું, જે તેની ૨૦૨૩ ની હિટ ફિલ્મ “એનિમલ” ની સિક્વલ છે, જેની દર્શકો રાહ જાઈ રહ્યા હતા. નિર્માતાઓએ હજુ સુધી “એનિમલ પાર્ક” પર કોઈ ટિપ્પણી કરી નથી. આનો અર્થ એ છે કે દર્શકોને “એનિમલ પાર્ક” માટે લાંબો સમય રાહ જાવી પડશે. સંજય લીલા ભણસાલી આ ફિલ્મનું દિગ્દર્શન કરી રહ્યા છે. આ એક રોમાન્ટિક પીરિયડ ડ્રામા ફિલ્મ છે જેમાં રણબીર કપૂર, આલિયા ભટ્ટ અને વિકી કૌશલ મુખ્ય ભૂમિકામાં છે. આ ફિલ્મ ૨૦૨૭ માં રિલીઝ થવાની છે. ભણસાલી પ્રોડક્શન્સની તાજેતરની પોસ્ટમાં ફિલ્મની રિલીઝ તારીખ ૨૧ જાન્યુઆરી જણાવવામાં આવી હતી, પરંતુ હવે, રણબીરના મતે, આ ફિલ્મ ૨૪ જાન્યુઆરીએ રિલીઝ થશે. ફિલ્મના સેટ પરથી ઘણા ફોટા અને વીડિયો વાયરલ થયા છે, જે સ્પષ્ટપણે ભણસાલીના જાદુને દર્શાવે છે. તાજેતરમાં, ફિલ્મના સેટ પર અકસ્માતના અહેવાલો આવ્યા હતા. એક ટેકનિશિયનનું વીજળીના કરંટથી મૃત્યુ થયું હતું. અકસ્માત બાદ, પ્રોડક્શન હાઉસે ટેકનિશિયનના પરિવારને ?૪૦ લાખનું વળતર આપ્યું હતું.
