ભારત અને અમેરિકા વેપાર કરારની ખૂબ નજીક છે. યુએસ રાષ્ટÙપતિ ડોનાલ્ડ ટ્રમ્પે આ વાતની પુષ્ટિ કરી અને કહ્યું કે આ કરાર અગાઉના કરારો કરતા ખૂબ જ અલગ હશે. મંગળવારે ઓવલ ઓફિસમાં પત્રકારોના પ્રશ્નોના જવાબ આપતા ટ્રમ્પે કહ્યું કે ભારત અને અમેરિકા વેપાર કરાર સુધી પહોંચવાની ખૂબ નજીક છે.એક પ્રશ્નના જવાબમાં, ડોનાલ્ડ ટ્રમ્પે કહ્યું, “તેઓ (ભારત) એક કરાર પર પહોંચવા માંગે છે. અમે એક કરાર પરપહોંચીશું. હા, અમે તેની ખૂબ નજીક છીએ.” આ કરાર અમે પહેલા કરેલા કોઈપણ કરાર કરતા નોંધપાત્ર રીતે અલગ હશે.ટ્રમ્પનું આ નિવેદન ત્યારે આવ્યું છે જ્યારે યુએસ વિદેશ સચિવ માર્કો રુબિયોએ ભારતની તેમની મુલાકાત દરમિયાન વેપાર, ઉર્જા, ટેકનોલોજી, સંરક્ષણ અને લોકો-થી-લોકોના સંબંધો જેવા ક્ષેત્રો પર ધ્યાન કેન્દ્રિત કરીને દ્વિપક્ષીય સંબંધોને વધુ મજબૂત બનાવવાની ચર્ચા કરી હતી.
એક પ્રશ્નના જવાબમાં, માર્કો રુબિયોએ કહ્યું કે બંને પક્ષો કરારને અંતિમ સ્વરૂપ આપવાની નજીક છે, જેમાં ફક્ત થોડા મુદ્દાઓ પર ચર્ચા બાકી છે. તેમણે કહ્યું, “હું કહીશ કે અમે કરાર વિના શક્ય તેટલા નજીક છીએ. મને લાગે છે કે પૂર્ણ થવાની થોડી જ બાબતો બાકી છે.” રુબિયોએ આશા વ્યક્ત કરી કે બાકીના મુદ્દાઓ ટૂંક સમયમાં ઉકેલાઈ જશે, જેનાથી વેપાર કરારની જાહેરાતનો માર્ગ મોકળો થશે, અને કદાચ તે પછી, બંને દેશોના નેતાઓ તેના પર હસ્તાક્ષર કરી શકશે.વાણિજ્ય મંત્રી પીયૂષ ગોયલે આ મહિનાની શરૂઆતમાં મિલવૌકી અને વોશિંગ્ટનમાં યુએસ ટ્રેડ રિપ્રેઝન્ટેટિવ જેમીસન ગ્રીર સાથે મુલાકાત કરીને વેપાર કરારની વિગતોની ચર્ચા કરી હતી. ભારત અને અમેરિકાએ ફેબ્રુઆરીમાં દ્વિપક્ષીય વેપાર કરારના પ્રથમ તબક્કા માટે માળખાને અંતિમ સ્વરૂપ આપવાની જાહેરાત કરી હતી. જાકે, યુએસ ટેરિફ નીતિઓમાં ફેરફારને કારણે વધુ વાટાઘાટોની જરૂર પડી.
યુએસ એમ્બેસેડર સર્જિયો ગોરે કહ્યું, “મુખ્ય મુદ્દાઓ ઉકેલાયા છે, સોદો ટૂંક સમયમાં અમલમાં મૂકવામાં આવશે.” ભારતમાં યુએસ એમ્બેસેડર સર્જિયો ગોરે તાજેતરમાં નવી દિલ્હીમાં બ્લૂમબર્ગ ન્યૂ ઇકોનોમી ફોરમમાં જણાવ્યું હતું કે બંને દેશોએ મુખ્ય મુદ્દાઓ ઉકેલ્યા છે અને ટૂંક સમયમાં કરાર લાગુ કરવા માટે તૈયાર છે. વિદેશ મંત્રી એસ. જયશંકરે પણ વાટાઘાટો અંગે આશાવાદ વ્યક્ત કર્યો હતો, અને કહ્યું હતું કે બંને પક્ષો અંતિમ નિર્ણય લેશે અને તેનો અમલ કરશે. જા કે, આ નેતાઓના નિવેદનો સૂચવે છે કે કોઈ સોદો થશે. પરંતુ ટ્રમ્પના નિવેદન છતાં કે આ સોદો અગાઉના કરતા અલગ હશે, સોદાની અંતિમ શરતો અસ્પષ્ટ છે.એ નોંધવું જાઈએ કે ગયા અઠવાડિયે ટ્રમ્પ વહીવટીતંત્રે ભારતને મોટી રાહત આપી હતી. ટ્રમ્પે રશિયન નિકાસ પરના અનેક પ્રતિબંધો અને ટેરિફ હટાવી લીધા હતા. આ પ્રતિબંધો અને ટેરિફ ગયા મહિને ટ્રમ્પ દ્વારા હસ્તાક્ષર કરાયેલા કાયદા હેઠળ લાગુ કરવાના હતા. શુક્રવારે મોડી રાત્રે જારી કરાયેલા એક એક્ઝિક્યુંટિવ ઓર્ડરમાં, ટ્રમ્પે કહ્યું, “હું ગ્રેહામ એક્ટ હેઠળ લાદવામાં આવેલા આ પ્રતિબંધો અને ટેરિફના અમલને માફ કરી રહ્યો છું. મેં કોંગ્રેસને એક પ્રમાણપત્ર સુપરત કર્યું છે જેમાં કહેવામાં આવ્યું છે કે આ સમયે આવી છૂટ આપવી એ યુનાઇટેડ સ્ટેટ્સના રાષ્ટÙીય હિતમાં છે.”
