દિવાળીના પર્વને હવે ગણતરીના દિવસો બાકી રહ્યા છે ત્યારે રોજગારી અર્થે અમરેલી જિલ્લામાં વસવાટ કરતા પરપ્રાંતિય શ્રમિકો પોતાના વતન તરફ પ્રયાણ કરી રહ્યા છે. દિવાળીનો તહેવાર પોતાના પરિવારજનો સાથે ઉજવી શકાય તે માટે મોટી સંખ્યામાં શ્રમિકો વતન જવા નીકળતાં એસ.ટી. બસોમાં મુસાફરોની ભારે ભીડ જોવા મળી રહી છે. પરપ્રાંતિય મુસાફરોની વધતી સંખ્યાને ધ્યાનમાં રાખીને અમરેલી એસ.ટી. ડિવિઝન દ્વારા અલગ-અલગ ડેપોમાંથી વધારાની બસો દોડાવવાની વ્યવસ્થા કરવામાં આવી છે.
અમરેલી જિલ્લામાં વિવિધ ઉદ્યોગો, બાંધકામ ક્ષેત્ર, કારખાનાંઓ તેમજ ખેતીકામમાં મોટી સંખ્યામાં પરપ્રાંતિય શ્રમિકો રોજગારી મેળવી રહ્યા છે. ખાસ કરીને દિવાળી જેવા મોટા તહેવારો દરમિયાન આ શ્રમિકો પોતાના વતન જઈ પરિવારજનો સાથે તહેવારની ઉજવણી કરવાનું પસંદ કરતા હોય છે. જેના કારણે દિવાળીના દિવસો નજીક આવતાં જ વતન જવા માટેની મુસાફરીમાં વધારો જોવા મળે છે.હાલમાં અમરેલી એસ.ટી. ડિવિઝન હેઠળ આવતા વિવિધ બસ ડેપોમાં પરપ્રાંતિય મુસાફરોની અવરજવર વધી છે. નિયમિત બસોમાં મુસાફરોની સંખ્યા વધતાં ભારે ટ્રાફિકની સ્થિતિ ઊભી થઈ રહી છે. મુસાફરોને મુસાફરીમાં મુશ્કેલી ન પડે અને સમયસર પોતાના વતન પહોંચી શકે તે હેતુથી એસ.ટી. વિભાગ દ્વારા વધારાની બસોનું આયોજન કરવામાં આવ્યું છે.દિવાળીના તહેવાર દરમિયાન મુસાફરોની સંખ્યાને ધ્યાનમાં રાખીને જરૂરિયાત મુજબ અલગ-અલગ ડેપોમાંથી એક્સ્ટ્રા બસો દોડાવવામાં આવી રહી છે. આ વ્યવસ્થાના કારણે વતન જવા ઇચ્છતા શ્રમિકોને મુસાફરીની વધારાની સુવિધા મળી રહી છે. ખાસ કરીને ઉત્તર પ્રદેશ, બિહાર, મધ્યપ્રદેશ, રાજસ્થાન સહિતના વિવિધ રાજ્યોમાંથી અમરેલી જિલ્લામાં રોજગારી મેળવવા આવેલા શ્રમિકો દિવાળી નિમિત્તે પોતાના વતન તરફ જઈ રહ્યા છે.
એસ.ટી. વિભાગ દ્વારા તહેવારો દરમિયાન મુસાફરોની વધતી સંખ્યાને પહોંચી વળવા વધારાની બસોની વ્યવસ્થા કરવામાં આવતાં શ્રમિકોમાં રાહત જોવા મળી રહી છે. રોજગારી માટે ઘરથી દૂર રહેતા શ્રમિકો પણ દિવાળીનો પર્વ પોતાના પરિવાર અને સ્વજનો સાથે આનંદથી ઉજવી શકે તે માટે એસ.ટી. વિભાગની આ વ્યવસ્થા ઉપયોગી બની રહી છે.
