ભારતીય રૂપિયો ડોલર સામે ૩૨ પૈસા ઘટીને ૯૫.૨૦ ની સર્વકાલીન નીચી સપાટીએ પહોંચ્યો. આ તીવ્ર ઘટાડો મુખ્યત્વે આંતરરાષ્ટ્રીય ક્રૂડ ઓઇલના ભાવમાં વધારો, મજબૂત યુએસ ડોલર અને પશ્ચિમ એશિયામાં વધતા ભૂ-રાજકીય તણાવને કારણે છે. ચલણ બજારમાં આ ઉથલપાથલ વચ્ચે, સ્થાનિક શેરબજારોમાં પણ ભારે વેચવાલી જાવા મળી છે.
આંતરબેંક વિદેશી વિનિમય બજારમાં રૂપિયો ૯૫.૦૧ પર ખુલ્યો અને ટૂંક સમયમાં ૩૨ પૈસા ઘટીને ૯૫.૨૦ પર પહોંચી ગયો. બુધવારે પણ રૂપિયો ૨૦ પૈસા ઘટીને ૯૪.૮૮ ની નીચી સપાટીએ બંધ થયો હતો. હકીકતમાં, યુએસ ફેડરલ રિઝર્વ દ્વારા વ્યાજ દરો યથાવત રાખવાના નિર્ણય અને વોશિંગ્ટન અને તેહરાન વચ્ચે વધતા રાજદ્વારી વિવાદને કારણે સલામત રોકાણ તરીકે યુએસ ડોલરની માંગમાં નોંધપાત્ર વધારો થયો છે. ડોલર ઇન્ડેક્સ, જે છ મુખ્ય ચલણો સામે ડોલરની મજબૂતાઈને માપે છે, તે ૦.૦૧ ટકા વધીને ૯૮.૯૬ પર ટ્રેડ થઈ રહ્યો હતો.
વૈશ્વિક તેલ બેન્ચમાર્ક, બ્રેન્ટ ક્રૂડ ફ્યુચર્સ, ૩.૧૬ ટકા વધીને ઇં૧૨૧.૭૬ પ્રતિ બેરલ પર પહોંચ્યો, જે ૧૨૨ ની આસપાસ રહ્યો. ફિનરેક્સ ટ્રેઝરી એડવાઇઝર્સ એલએલપી ના ટ્રેઝરી હેડ અને એકજીકયુટિવ ડિરેક્ટર અનિલ કુમાર ભણસાલીના જણાવ્યા અનુસાર, રૂપિયા પર સૌથી મોટી અસર ક્રૂડ તેલના વધતા ભાવની છે, જે ઇં૧૨૦ પ્રતિ બેરલને સ્પર્શી ગયા હતા. વર્તમાન પરિસ્થિતિ સમજાવતા, ભણસાલીએ કહ્યું, “યુએસએ ઈરાની બંદરો પર નાકાબંધી ચાલુ રાખવા અને કોઈપણ જહાજા અથવા ટેન્કરોને હોર્મુઝ સ્ટ્રેટમાંથી પસાર થવા દેવાનો ઈરાન દ્વારા ઇનકારને કારણે તેલના ભાવમાં વધુ વધારો થવાની ધારણા છે.”
નિષ્ણાતોનું માનવું છે કે વિદેશી પોર્ટફોલિયો રોકાણકારો સતત ભારતીય ઇકવીટી અને ડેટ વેચી રહ્યા છે (જેની ઉપજ બુધવારે ૭ ટકા સુધી પહોંચી હતી) અને સતત ડોલર ખરીદી રહ્યા છે. ફોરેક્સ વેપારીઓના મતે, યુએસ ડોલર સામે રૂપિયામાં વધુ ઘટાડો જાવા મળી શકે છે. ક્રૂડ ઓઇલના ભાવમાં વધારો થવાથી ભારતના આયાત ખર્ચમાં નોંધપાત્ર વધારો થવાની ધારણા છે, જે અર્થતંત્રને નોંધપાત્ર ફટકો પહોંચાડશે. પશ્ચિમ એશિયામાં સંભવિત વ્યાપક સંઘર્ષની ચિંતા રોકાણકારોની ચિંતામાં વધારો કરી રહી છે, જે નજીકના ભવિષ્યમાં બજારને અસ્થિર રાખવાની શક્યતા છે.
