અમરેલી જિલ્લાના રોજગારવાંચ્છુ ઉમેદવારોને રોજગારીની તકો પૂરી પાડવા માટે જિલ્લા રોજગાર વિનિમય કચેરી દ્વારા અનુબંધમ પોર્ટલના માધ્યમથી સ્વરોજગાર શિબિર અને ભરતીમેળાનું આયોજન કરવામાં આવ્યું છે. આ ભરતીમેળો આગામી ૨ નવેમ્બર, સોમવારે સવારે ૧૧ વાગ્યે જિલ્લા રોજગાર વિનિમય કચેરી, અમરેલી ખાતે યોજાશે.આ ભરતીમેળામાં એચડીએફસી લાઈફ ઈન્સ્યોરન્સ દ્વારા વિકાસ વ્યવસ્થાપકની જગ્યા માટે ઉમેદવારોની પસંદગી કરવામાં આવશે. ૧૮ થી ૪૦ વર્ષની વયમર્યાદા ધરાવતા સ્ત્રી અને પુરુષ ઉમેદવારો, ધોરણ-૧૨ પાસ અથવા સ્નાતકની લાયકાત સાથે ભાગ લઈ શકશે.અંશકાલીન કામગીરી માટે કમિશન અને કચેરી ભથ્થા સહિત માસિક રૂ. ૭,૦૦૦થી રૂ. ૨૬,૫૦૦ સુધીનું મહેનતાણું મળશે. પૂર્ણકાલીન કામગીરી માટે ઓછામાં ઓછા બે વર્ષનો અનુભવ જરૂરી છે અને વાર્ષિક રૂ. ૩,૧૫,૦૦૦ સુધીનું પેકેજ મળવાપાત્ર રહેશે. પસંદગી પામેલા ઉમેદવારોનું કાર્યસ્થળ અમરેલી જિલ્લો રહેશે.ભરતીમેળામાં ભાગ લેવા ઉમેદવારોએ જીવનવૃત્તાંત, શૈક્ષણિક પ્રમાણપત્રો, અનુભવનું પ્રમાણપત્ર, આધારકાર્ડ અને પાસપોર્ટ કદના ફોટા સાથે ઉપસ્થિત રહેવું. દિવ્યાંગ ઉમેદવારો માટે કોઈ જગ્યા નોંધાવવામાં આવી નથી. વધુ માહિતી માટે ૦૨૭૯૨-૨૨૩૩૯૪ પર સંપર્ક કરવો.
