આરસીસી ક્લાસીસ સાથે સંકળાયેલા શિવરાજ મોટેગાંવકરનો આલીશાન બંગલો તપાસ એજન્સીઓ અને લોકોમાં ચર્ચાનો વિષય બન્યો છે
નીટ પેપર લીક કેસમાં ધરપકડ કરાયેલા નીટ ક્લાસીસ સાથે સંકળાયેલા શિવરાજ મોટેગાંવકર સરનો કાચનો મહેલ સમાચારમાં છે. લાતુરમાં નીટ પેપર લીક કેસની તપાસ જેમ જેમ આગળ વધી રહી છે, તેમ તેમ કરોડોની સંપત્તિ અને વૈભવી જીવનશૈલી અંગે નવા ખુલાસા થઈ રહ્યા છે.આરસીસી ક્લાસીસ સાથે સંકળાયેલા શિવરાજ મોટેગાંવકરનો આલીશાન બંગલો તપાસ એજન્સીઓ અને લોકોમાં ચર્ચાનો વિષય બન્યો છે.
અહેવાલો બહાર આવ્યા છે કે આ વૈભવી ઘરનો લેઆઉટ રામોજી ફિલ્મ સિટીના એÂન્જનિયરો દ્વારા તૈયાર કરવામાં આવ્યો હતો. આશરે પાંચ હજાર ચોરસ ફૂટમાં ફેલાયેલો આ આલીશાન બંગલો મહેલ જેવો દેખાય છે. વિશાળ પા‹કગ વિસ્તાર, રાજસ્થાની રાજપૂતાના શૈલીના રૂમ અને દરેક દિવાલ પર યુરોપિયન ડિઝાઇન કરેલા આંતરિક ભાગ તેને આકર્ષક બનાવે છે. ફક્ત દિવાલો જ નહીં, પરંતુ આખા ઘરનું ફ્લોર આયાતી લાકડાથી બનેલું છે. આ ચાર માળના બંગલામાં દરેક વૈભવી વસ્તુઓ હોવાનું કહેવાય છે. લાતુરના પોશ અને વીઆઇપી વિસ્તારમાં સ્થિત આ બંગલો લોકોમાં ચર્ચાનું કેન્દ્ર બન્યો છે. સ્થાનિક લોકો આટલી વિશાળ સંપત્તિના સ્ત્રોત વિશે પ્રશ્નો ઉઠાવી રહ્યા છે.
નીટ પેપર લીકની તપાસ વચ્ચે, મોટેગાંવકરની સંપત્તિ વિશે અનેક પ્રશ્નો ઉભા થઈ રહ્યા છે. તપાસ એજન્સીઓ હવે તેના નાણાકીય વ્યવહારો અને મિલકત નેટવર્કની તપાસ કરી રહી છે. તપાસ ચાલુ છે ત્યારે, લાતુરમાં ધ્યાન ફક્ત પેપર લીક પર જ નહીં, પરંતુ આ સમગ્ર નેટવર્કમાંથી ઉભરી આવેલા કથિત કાળા સામ્રાજ્ય પર પણ છે. માહિતી અનુસાર, દર વર્ષે આશરે ૪૦,૦૦૦ વિદ્યાર્થીઓ આરસીસીના વિવિધ કેન્દ્રોમાં નોંધણી કરાવે છે. ફી માળખાના આધારે, વાર્ષિક ટર્નઓવર ૧૦૦ કરોડથી વધુ હોવાનો અંદાજ છે.
