લોકસભામાં રાષ્ટ્રપતિના ભાષણ પર આભાર પ્રસ્તાવના વડા પ્રધાન નરેન્દ્ર મોદીના જવાબ દરમિયાન ઉદ્ભવેલો વિવાદ હવે વધુ ઘેરો બની રહ્યો છે. ગયા બુધવારે વડા પ્રધાન નરેન્દ્ર મોદી ગૃહને સંબોધવાના હતા તે પહેલાં, મહિલા કોંગ્રેસ સાંસદોએ તેમની બેઠકને ઘેરી લીધી, તેમને ગૃહમાં પ્રવેશતા અટકાવ્યા અને તેમનું ભાષણ મુલતવી રાખવાની ફરજ પાડી. આ હોબાળા બાદ, કોંગ્રેસના મહિલા સાંસદો હવે સત્તાવાર રીતે પોતાનો વાંધો નોંધાવવાની તૈયારી કરી રહ્યા છે. વિવાદનું મુખ્ય કારણ લોકસભા અધ્યક્ષ ઓમ બિરલાની આ ઘટના પરની ટિપ્પણી હોવાનું કહેવાય છે, જેનાથી કોંગ્રેસ છાવણીમાં રોષ ફેલાયો છે.પક્ષના સૂત્રો કહે છે કે અધ્યક્ષની ટિપ્પણીઓ માત્ર અયોગ્ય જ નહીં પણ ટાળી શકાય તેવી પણ હતી, અને તેનાથી ગૃહની અંદર અને બહાર રાજકીય તણાવ વધવાની શક્યતા છે.
સૂત્રોના જણાવ્યા અનુસાર, કોંગ્રેસ પાર્ટી પોતાનો વાંધો નોંધાવશે અને લોકસભા સ્પીકરને પત્ર લખશે. આ પત્ર પર વિવાદના કેન્દ્રમાં રહેલી તમામ મહિલા સાંસદો દ્વારા સહી કરવામાં આવે તેવી શક્્યતા છે. આમાં પાર્ટીના સાંસદો જ્યોતિમણિ, વર્ષા ગાયકવાડ, આર. સુધા, જેની બેન ઠાકોર, કે. કાવ્યા અને શોભા બચ્છવનો સમાવેશ થાય છે. જાણવા મળ્યું છે કે ડ્રાફ્ટ પત્રનું સંચાલન પ્રિયંકા ગાંધી દ્વારા સીધી રીતે કરવામાં આવી રહ્યું છે. ગુરુવારે ઓમ બિરલાની ટિપ્પણી બાદ, પ્રિયંકા ગાંધીએ કહ્યું હતું કે તેમણે સરકારના દબાણમાં આવી ટિપ્પણી કરી હતી. જોકે, બિરલાએ તેમની ટિપ્પણીમાં કોઈ સાંસદનું નામ લીધું ન હતું.
વડા પ્રધાન નરેન્દ્ર મોદી બુધવારે ભાષણ આપવા માટે ગૃહમાં પ્રવેશ કરે તે પહેલાં, કોંગ્રેસના છ મહિલા સાંસદોએ વડા પ્રધાન માટે નિયુક્ત બેઠકને ઘેરી લીધી. આમાંથી, વર્ષા ગાયકવાડ અને જ્યોતિમણિ સહિત ત્રણ સાંસદો વડા પ્રધાનના માર્ગમાં ઊભા રહ્યા. પરિસ્થિતિને જોતાં, વડા પ્રધાને ગૃહમાં આવવાનું યોગ્ય ન માન્યું, અને તેમનું ભાષણ રદ કરવામાં આવ્યું.
આ ઘટનાના બીજા દિવસે, ગુરુવારે, લોકસભાના અધ્યક્ષ ઓમ બિરલાએ લોકસભામાં એક નિવેદન આપ્યું, જેમાં એક મહત્વપૂર્ણ ખુલાસો થયો. બિરલાએ જણાવ્યું કે બુધવારે ગૃહમાં પરિસ્થિતિને જાતાં, તેમણે વડા પ્રધાનને ગૃહમાં ન આવવાની સલાહ આપી હતી, જેને વડા પ્રધાને સ્વીકારી અને હાજરી આપી નહીં. બિરલાએ ખુલાસો કર્યો કે,
પરિસ્થિતિને જોતાં, તેમને વિશ્વસનીય માહિતી મળી હતી કે કોંગ્રેસના સાંસદો વડા પ્રધાનની બેઠક પર પહોંચી શકે છે અને અણધારી ઘટના સર્જી શકે છે.
કોંગ્રેસ પાર્ટી કહે છે કે આખો વિવાદ ત્યારે શરૂ થયો જ્યારે લોકસભામાં વિપક્ષના નેતા રાહુલ ગાંધીને રાષ્ટ્રપતિના ભાષણ પર ચર્ચા દરમિયાન તેમનું ભાષણ પૂર્ણ કરવા દેવામાં આવ્યું ન હતું. પાર્ટીના નેતાઓના મતે, પાર્ટીના સાંસદોને વિરોધ કરવાનો અધિકાર છે. રાહુલ ગાંધી પર બોલવાની મંજૂરી ન હોવાનો આરોપ લગાવતા, પાર્ટીના સાંસદોએ મંગળવારે જારદાર વિરોધ પ્રદર્શન કર્યું, કાગળના ટુકડા ફાડીને લોકસભામાં ફેંકી દીધા. પરિણામે, કોંગ્રેસના સાંસદો સહિત આઠ વિપક્ષી સાંસદોને બજેટ સત્રના બાકીના સમય માટે ગૃહમાંથી સસ્પેન્ડ કરવામાં આવ્યા છે.
આમાં પાર્ટીના સાંસદો જ્યોતિમણિ, વર્ષા ગાયકવાડ, આર. સુધા, જીની બેન ઠાકોર, કે. કાવ્યા અને શોભા બચ્છાવનો સમાવેશ થાય છે એક ખાનગી ટીવી અનુસાર, પત્રનો ડ્રાફ્ટ પ્રિયંકા ગાંધીની દેખરેખ હેઠળ સીધા તૈયાર કરવામાં આવી રહ્યો છે. ગુરુવારે ઓમ બિરલાની ટિપ્પણી બાદ, પ્રિયંકા ગાંધીએ કહ્યું કે તેમણે સરકારના દબાણમાં આવી ટિપ્પણીઓ કરી છે. જોકે, બિરલાએ પોતાની ટિપ્પણીમાં કોઈ સાંસદનું નામ લીધું નથી.
