મનસે પ્રમુખ રાજ ઠાકરેએ આઇઆઇટી બોમ્બેના વિદ્યાર્થીના આત્મહત્યા કેસ પર એક મહત્વપૂર્ણ નિવેદન બહાર પાડ્યું છે. તેમણે આ ઘટના માટે શિક્ષણ પ્રણાલીમાં તણાવ અને વધતી જતી જાતિગત રાજકારણને જવાબદાર ઠેરવ્યું છે. રાજ ઠાકરેએ ૨૦ વર્ષીય આઇઆઇટી બોમ્બેના વિદ્યાર્થી સાહિલ વાકોડેની આત્મહત્યા પર પણ ઊંડો શોક વ્યક્ત કર્યો હતો.
મહારાષ્ટÙ નવનિર્માણ સેના (મનસે)ના પ્રમુખ રાજ ઠાકરેએ ૨૦ વર્ષીય આઇઆઇટી બોમ્બેના વિદ્યાર્થી સાહિલ વાકોડેની આત્મહત્યા પર ઊંડો દુઃખ વ્યક્ત કર્યો. તેમણે આઇઆઇટી પ્રશાસનની ટીકા કરી કે તેમણે તપાસ પૂર્ણ કર્યા વિના પરીક્ષા દરમિયાન વિદ્યાર્થી પર મોબાઇલ ફોન અને ચેટ જીપીટીનો ઉપયોગ કરવાનો આરોપ લગાવ્યો.
ઠાકરેએ જણાવ્યું હતું કે પરીક્ષામાં ગેરરીતિઓ અટકાવવાનું પ્રોફેસરોનું કર્તવ્ય છે, પરંતુ તપાસ પહેલાં વિદ્યાર્થીને દોષી ઠેરવવા અને બીજી તરફ, જાતિ આધારિત ઉત્પીડનના આરોપો લગાવવામાં આવે ત્યારે તપાસ વિના પ્રોફેસરોને દોષિત માની લેવા બંને અયોગ્ય છે.
તેમણે ચિંતા વ્યક્ત કરી હતી કે આ સમગ્ર ઘટનામાં મુખ્ય મુદ્દો એ હોવો જાઈએ કે એક યુવાન વિદ્યાર્થીને આત્મહત્યા કરવાની ફરજ કેમ પડી, પરંતુ તેના બદલે, સમગ્ર મામલાને જાતિના દ્રષ્ટિકોણથી જાવામાં આવી રહ્યો છે. ઠાકરેએ જણાવ્યું હતું કે ૨૦૦૦ થી મહારાષ્ટÙમાં જાતિવાદ એટલો વધી ગયો છે કે તે હવે આઇઆઇટી જેવી પ્રતિષ્ઠિત સંસ્થાઓ સુધી પહોંચી ગયો છે, જેને પંડિત નેહરુએ આધુનિક ભારતના મંદિરો કહ્યા હતા. તેમણે કહ્યું કે પ્રવેશ પરીક્ષાઓમાં તીવ્ર સ્પર્ધા, ભારે અભ્યાસનો ભાર અને કેમ્પસ પ્લેસમેન્ટ તણાવને કારણે, ફક્ત આઇઆઇટીનો જ નહીં, પરંતુ જીવનના તમામ ક્ષેત્રોના યુવાનો હતાશાથી પીડાઈ રહ્યા છે.
મનસે વડાએ વિદ્યાર્થીઓને જાતિ અને ધર્મના આધારે વિચલિત કરનારા રાજકારણમાં ન ફસાવવા અને શિક્ષણ પ્રણાલીની ખામીઓ સામે અવાજ ઉઠાવવાની અપીલ કરી. તેમણે આઇઆઇટી બોમ્બેના વિદ્યાર્થીઓની માંગણીઓનું સમર્થન કર્યું, જેમાં મનોચિકિત્સકોની ૨૪ કલાક ઉપલબ્ધતા, પારદર્શક ફરિયાદ નિવારણ પ્રણાલી અને સંવેદનશીલ શિસ્ત પ્રક્રિયાઓનો સમાવેશ થાય છે. તેમણે કહ્યું કે શિક્ષણ પ્રણાલીની ખામીઓને દૂર કરવી એ સાહિલને સાચી શ્રદ્ધાંજલિ હશે અને તેમના પક્ષની હૃદયપૂર્વકની શ્રદ્ધાંજલિ આપી.
અગાઉ, સમાચાર આવ્યા હતા કે આઇઆઇટી બોમ્બે આત્મહત્યા કેસમાં પ્રોફેસર સૂર્યનારાયણ દુલ્લાને રજા પર મોકલી દેવામાં આવ્યા છે અને તપાસ માટે ૧૦ સભ્યોની સમિતિની રચના કરવામાં આવી છે.
