નેપાળના વડા પ્રધાન બાલેન શાહે સંયુક્ત રાષ્ટ્ર મહાસભા ના ૮૧મા સત્રને સંબોધિત કર્યું. તેમણે આબોહવા પરિવર્તન પર વધુ વૈશ્વિક સહયોગ માટે અપીલ કરી. બાલેન શાહે નેપાળ, ભારત અને ચીનના નેતૃત્વમાં હિમાલયી આબોહવા સ્થિતિસ્થાપકતા પદ્ધતિ બનાવવાનો પણ પ્રસ્તાવ મૂક્્યો. તેમણે જણાવ્યું હતું કે ભોટેકોશી-ત્રિશુલી આપત્તિ ફક્ત સ્થાનિક દુર્ઘટના નહોતી, પરંતુ વિશ્વ માટે એક ચેતવણી હતી. તેમણે પ્રશ્ન કર્યો કે શું વૈશ્વિક સમુદાયે તે ચેતવણી પર ધ્યાન આપ્યું હતું. તેમણે આપત્તિ પછી નેપાળને મદદ કરનારા દેશો અને સંગઠનોનો આભાર માન્યો. તેમણે ભારત તરફથી મળેલી સહાયનો ખાસ ઉલ્લેખ કર્યો.
નેપાળના પીએમ બાલેન શાહે કહ્યું, “ભોટેકોશી-ત્રિશુલી આપત્તિ ફક્ત સ્થાનિક દુર્ઘટના નહોતી. તે વિશ્વ માટે એક ચેતવણી હતી. અને આજે હું તમને પૂછું છું, શું આપણે ખરેખર તે ચેતવણી પર ધ્યાન આપ્યું છે? નેપાળ માટે, આબોહવા આપત્તિ ફક્ત માનવ ઘટના નથી, પરંતુ વિકાસની કટોકટી છે.” તેમણે વધુમાં કહ્યું, “પૂર પછી અમને મદદ કરવા આગળ આવેલા બધા લોકોનો હું આભાર વ્યક્ત કરવા માંગુ છું. અમારા નજીકના પડોશીઓ, ભારત અને ચીને તાત્કાલિક અને ઉદાર સહાય પૂરી પાડી. અન્ય મિત્ર દેશો, સંયુક્ત રાષ્ટÙ પ્રણાલી, માનવતાવાદી એજન્સીઓ, પરોપકારી સંસ્થાઓ અને વિશ્વભરના લોકોએ નેપાળને ટેકો આપ્યો. હું નેપાળના કૃતજ્ઞ લોકો વતી તે બધાનો આભાર માનું છું.”
બાલેન શાહે એવા દેશોને અપીલ કરી જે ઐતિહાસિક રીતે આબોહવા પરિવર્તનમાં વધુ યોગદાન આપ્યું છે અને તેને સંબોધવાની વધુ ક્ષમતા ધરાવે છે. તેમણે કહ્યું, “યુનાઇટેડ નેશન્સ ફ્રેમવર્ક કન્વેન્શન ઓન ક્લાઇમેટ ચેન્જ દ્વારા, આંતરરાષ્ટ્રીય સમુદાય પહેલાથી જ ‘સામાન્ય પરંતુ અલગ જવાબદારી અને સંબંધિત ક્ષમતાઓ’ ના સિદ્ધાંત પર સંમત થઈ ગયો છે. જેમણે ઐતિહાસિક રીતે આ સમસ્યામાં વધુ યોગદાન આપ્યું છે અને તેને સંબોધવાની વધુ ક્ષમતા ધરાવે છે તેઓએ વધુ કરવું જાઈએ.” હિન્દુ કુશ-હિમાલય ક્ષેત્રના મહત્વ પર ભાર મૂકતા શાહે કહ્યું કે આ પર્વતો પાણી, ઇકોસિસ્ટમ, કૃષિ અને રોજગાર દ્વારા લગભગ બે અબજ લોકોને ટેકો આપે છે.
બાલેન શાહે નેપાળ, ભારત અને ચીનના નેતૃત્વમાં હિમાલય આબોહવા સ્થિતિસ્થાપકતા પદ્ધતિ બનાવવાની દરખાસ્ત કરી. તેમણે ઉપગ્રહ ડેટા શેર કરવા, ખતરનાક હિમનદી તળાવોનું નિરીક્ષણ કરવા અને પ્રારંભિક ચેતવણી પ્રણાલીઓને મજબૂત કરવા માટે સાથે મળીને કામ કરવા હાકલ કરી. તેમણે કહ્યું, “યુએન દસ્તાવેજમાં આબોહવા ન્યાય ફક્ત એક સુંદર વાક્ય ન રહી શકે. આપણા દેશના લોકોને તેમના ભૂતકાળને વારંવાર યાદ કરવાને બદલે તેમના ભવિષ્યને ઘડવાની તક મળવી જોઈએ. મહામહિમ, હિન્દુ કુશ-હિમાલય લગભગ ૨ અબજ લોકોનું ઘર છે. આ પર્વતો નેપાળથી દૂરની વસ્તીને પાણી, ઇકોસિસ્ટમ, કૃષિ અને રોજગાર પૂરો પાડે છે. હિમાલય ફક્ત ગ્રહનો એક ભાગ નથી, પરંતુ તે ગ્રહની જીવન-સહાયક પ્રણાલીનો ભાગ છે.” શાહે કહ્યું કે હિમાલય ખંડિત માહિતી શેર કરવાને બદલે આંતરરાષ્ટ્રીય સહયોગનું કેન્દ્ર બનવું જોઈએ.
તેમણે કહ્યું, “અમે પ્રસ્તાવ મૂકીએ છીએ કે આપણે નેપાળ, ભારત અને ચીનના નેતૃત્વમાં હિમાલય ક્લાયમેટ સ્થિતિસ્થાપકતા પદ્ધતિ સ્થાપિત કરીએ. આ પદ્ધતિ દ્વારા, ચાલો આપણે સેટેલાઇટ ડેટા અને કુશળતા શેર કરીએ. ચાલો આપણે ખતરનાક હિમનદી તળાવોનું નિરીક્ષણ કરીએ. ચાલો આપણે સંયુક્ત પ્રારંભિક ચેતવણી પ્રણાલીઓને મજબૂત કરીએ. જ્યારે આપત્તિઓ આવે છે, ત્યારે ચાલો આપણે સરહદો પાર સહાયનું સંકલન કરીએ.