દિલ્હીના અરુણ જેટલી સ્ટેડિયમમાં રમાઈ રહેલી આઇપીએલ મેચો માટે કોમ્પ્લિમેન્ટરી ટિકિટોના બ્લેક માર્કેટિંગ અંગે નવા ખુલાસા થઈ રહ્યા છે. આ રેકેટમાં ડીડીસીએના એક વરિષ્ઠ અધિકારી, સ્ટેડિયમની બાજુમાં આવેલા પેટ્રોલ પંપના કર્મચારી અને ડઝનબંધ યુવાનો સંડોવાયેલા હોવાનું કહેવાય છે. પોલીસ આ કેસમાં અજય નામના એક વ્યક્તિને શોધી રહી છે.
અજય પર અરુણ જેટલી સ્ટેડિયમની બહાર ડીડીસીએ સ્ટાફ પાસેથી મેળવેલા ટિકિટ અને કોમ્પ્લિમેન્ટરી પાસ વેચવાનો આરોપ છે. અજય ગઈકાલે લખનૌમાં એક મેચ માટે ટિકિટ વેચી રહ્યો હતો. તેના પર દિલ્હીના અનેક સિનેમાઘરોમાં મૂવી ટિકિટ અને કોમનવેલ્થ ગેમ્સની ટિકિટ વેચવાનો આરોપ છે.
અજય પર ભારતભરમાં કોઈપણ ઇવેન્ટ અથવા મેચ માટે બ્લેક ટિકિટ વેચવાનો આરોપ છે. તે ડિÂસ્ટ્રક્ટ એપ, બુક માય શો અને સ્ટેડિયમ સ્ટાફ સાથે મળીને કામ કરતો હતો.
પોલીસ અનુસાર સૂત્રોના મતે, આ કોઈ નાની શેરી-બાજુ ટિકિટ વેચતી ગેંગ નહોતી, પરંતુ એક વીઆઇપી પાસ સિન્ડિકેટ હતી જે સંપૂર્ણ આયોજન અને નેટવ‹કગ સાથે ચાલતી હતી. એવો આરોપ છે કે દરેક મેચ પહેલાં ટિકિટની માંગનું મૂલ્યાંકન કરવામાં આવતું હતું અને તે મુજબ દર નક્કી કરવામાં આવતા હતા. પ્રખ્યાત ખેલાડીઓ, ખાસ કરીને વિરાટ કોહલી જેવા સ્ટાર્સ ધરાવતી મેચો માટે ટિકિટના ભાવ આસમાને પહોંચ્યા હતા.
દિલ્હી પોલીસની તપાસમાં જાણવા મળ્યું છે કે રોયલ ચેલેન્જર્સ બેંગ્લોર અને દિલ્હી કેપિટલ્સ વચ્ચેની મેચ દરમિયાન સૌથી વધુ કાળાબજારી થઈ હતી. વિશાળ ભીડ અને વિરાટ કોહલીને જાવાની તીવ્ર માંગનો લાભ લઈને, કોમ્પ્લિમેન્ટરી પાસ ૮૦,૦૦૦ રૂપિયા સુધી વેચવામાં આવ્યા હતા.
