અભિનેત્રી જેકલીન ફર્નાન્ડીઝે છેતરપિંડી કરનાર સુકેશ ચંદ્રશેખરના ૨૦૦ કરોડ રૂપિયાના મની લોન્ડરિંગ કેસમાં સરકારી સાક્ષી બનવાની માંગ કરી હતી. તેણીએ ગયા મહિને કોર્ટમાં અરજી દાખલ કરી હતી. જોકે, એ આ કેસમાં તેમની અરજીનો વિરોધ કર્યો છે. ઈડ્ઢ એ અભિનેત્રીને છેતરપિંડીમાં સમાન ભાગીદાર ગણાવી છે.
ઈડીએ જેકલીનની અરજીનો વિરોધ કરતા કહ્યું કે તે પીડિત નથી. તે છેતરપિંડી કરનારના ભૂતકાળથી વાકેફ હતી, છતાં તેણે ભેટો સ્વીકારી. સુકેશ ચંદ્રશેખરના ગુનાહિત ઇતિહાસ વિશે જાણતા હોવા છતાં, તે તેના સંપર્કમાં રહી. ઈડીએ જણાવ્યું હતું કે જેકલીનને સાક્ષીનો દરજ્જા આપવો ન્યાયનું ઉલ્લંઘન હશે અને ગુનાની ગંભીરતા ઓછી કરશે.
ઈડીએ દિલ્હીની કોર્ટને જણાવ્યું હતું કે તેની વિરુદ્ધ પૂરતા પુરાવા છે. એન્ફોર્સમેન્ટ ડિરેક્ટોરેટ (ઈડી) એ કોર્ટને જણાવ્યું હતું કે જેકલીન ફર્નાન્ડીઝ સુકેશ ચંદ્રશેખરના ગુનાહિત પૃષ્ઠભૂમિથી સંપૂર્ણપણે વાકેફ હતી, છતાં તેણીએ તેની સાથે તેના સંબંધો જાળવી રાખવાનું પસંદ કર્યું, મોંઘા ભેટો સ્વીકારી, અને તેની ગેરકાયદેસર રીતે મેળવેલી સંપત્તિનો એક ભાગ પણ વાપર્યો. ઈડીએ ૨૦૦ કરોડના મની લોન્ડરિંગ કેસમાં સરકારી સાક્ષી બનવા માટે અભિનેત્રીની અરજીનો વિરોધ કર્યો, અને કહ્યું કે પીડિત હોવાનો તેણીનો દાવો રેકોર્ડ પરના પુરાવાઓથી સંપૂર્ણપણે વિપરીત છે.
જેક્વેલિને તાજેતરમાં દિલ્હીની કોર્ટને જણાવ્યું હતું કે તે આ કેસમાં સરકારી સાક્ષી બનવા માંગે છે. સુપ્રીમ કોર્ટે તેની સામેની ફોજદારી કાર્યવાહી રદ કરવાનો ઇનકાર કર્યાના મહિનાઓ પછી આ પગલું લેવામાં આવ્યું છે. ચંદ્રશેખર, જે હાલમાં ઘણા કેસોના સંદર્ભમાં જેલમાં છે, તે સતત અભિનેત્રીનો બોયફ્રેન્ડ હોવાનો દાવો કરે છે. જાકે લીક થયેલા ફોટા દર્શાવે છે કે બંને એકબીજાને નજીકથી ઓળખતા હતા, જેક્વેલિને કોર્ટમાં પુનરાવર્તન કર્યું છે કે સુકેશે તેણીને ગેરમાર્ગે દોરી હતી અને તેણીને એવું માનવા માટે દોરી હતી કે તે એક કાયદેસર ઉદ્યોગપતિ છે.
