આઇસીસી મહિલા ટી ૨૦ વર્લ્ડ કપ ૨૦૨૬ ની બીજી સેમિફાઇનલ લંડનના કેનિંગ્ટન ઓવલ સ્ટેડિયમ ખાતે યજમાન ઇંગ્લેન્ડ અને દક્ષિણ આફ્રિકા વચ્ચે રમાઈ હતી. ઇંગ્લેન્ડની મહિલા ટીમે ૫ જુલાઈના રોજ ૪૦ રનના માર્જિનથી મેચ જીતીને ફાઇનલમાં પોતાનું સ્થાન નિશ્ચિત કર્યું. ઇંગ્લેન્ડની મહિલા ટીમે ઇતિહાસમાં પાંચમી વખત ્૨૦ વર્લ્ડ કપમાં પોતાનું સ્થાન નિશ્ચિત કર્યું છે. હવે તેઓ ફાઇનલમાં ઓસ્ટ્રેલિયન મહિલા ટીમ, જે ટુર્નામેન્ટની સૌથી સફળ ટીમ છે, સામે ટકરાશે. અત્યાર સુધી, ઇંગ્લેન્ડ ટી ૨૦ વર્લ્ડ કપમાં અજેય રહ્યું છે, અને બધાની નજર તેના પર છે કે શું તેઓ ફાઇનલમાં આ સિલસિલો જાળવી શકશે કે નહીં.
દક્ષિણ આફ્રિકાની મહિલા ટીમ સામે ટોસ હારીને પ્રથમ બેટિંગ કરવાનો નિર્ણય લીધા પછી, ઇંગ્લેન્ડની શરૂઆત ખૂબ જ ખરાબ રહી, તેણે ૨૩ રનમાં ત્રણ વિકેટ ગુમાવી દીધી. ત્યારબાદ ઇંગ્લેન્ડની કેપ્ટન નેટ સ્ક્વાયર બ્રન્ટ અને હીથર નાઈટે માત્ર ઇનિંગને Âસ્થર કરી નહીં પણ ટીમને લડાયક સ્કોર સુધી પહોંચવામાં મદદ કરવામાં મહત્વપૂર્ણ ભૂમિકા ભજવી, ૯૦ બોલમાં ચોથી વિકેટ માટે ૧૩૩ રનની ભાગીદારી કરી. નાઈટના ૪૭ બોલમાં ૫૮ રન મેચનું મુખ્ય આકર્ષણ રહ્યા, જ્યારે બ્રન્ટના ૪૭ બોલમાં ૭૫ રન ઇંગ્લેન્ડને આ મહત્વપૂર્ણ મેચમાં ૧૬૯ રનના મહત્વપૂર્ણ લક્ષ્ય સુધી પહોંચવામાં મદદ કરી.
ઈંગ્લેન્ડ મહિલા ટીમ સામે સેમિફાઇનલમાં ૧૭૦ રનના લક્ષ્યનો પીછો કરતા, તેઓએ ૪૩ રન પર પોતાની પહેલી વિકેટ ગુમાવી દીધી, પરંતુ પછી ૬૮ રન સુધી પહોંચતા સુધીમાં ત્રણ વિકેટ ગુમાવી દીધી. ત્યારબાદ, નિયમિત અંતરાલે વિકેટો પડતી ગઈ, જેના કારણે રન રેટ પર દબાણ વધ્યું. દક્ષિણ આફ્રિકા તરફથી ફક્ત તાજમિન બ્રિટ્સ ૫૧ રન બનાવી શક્્યા, જ્યારે અન્ય કોઈ બેટ્સમેન ૨૦ રન સુધી પણ પહોંચી શક્્યા નહીં. ઈંગ્લેન્ડ તરફથી લોરેન બેલ અને ચાર્લોટ ડીન શ્રેષ્ઠ રહ્યા, તેમણે બે-બે વિકેટ લીધી, જ્યારે લિન્સે સ્મિથ, સોફી એક્લેસ્ટોન અને ફ્રેયા કેમ્પે એક-એક વિકેટ લીધી.
