બીજા વર્ષના આઇઆઇટી બોમ્બેના વિદ્યાર્થી સાહિલ વાકોડેના મૃત્યુના ચાર દિવસ પછી પણ હોબાળો ચાલુ છે.આઇઆઇટી બોમ્બેના બોર્ડ ઓફ ગવર્નર્સે કેસની આસપાસના સંજાગોની તપા માટે ૧૦ સભ્યોની ઉચ્ચ સ્તરીય સમિતિની રચના કરી છે. સમિતિમાં વિદ્યાર્થી પ્રતિનિધિઓ અને ભૂતપૂર્વ વિજિલન્સ અધિકારીનો સમાવેશ થાય છે. બોર્ડે પ્રોફેસર સૂર્યનારાયણ દુલ્લાને પણ રજા પર ઉતારી દીધા છે. દુલ્લા પર વિદ્યાર્થીના મૃત્યુ માટે ઉશ્કેરણી કરવાનો આરોપ છે. સમિતિને એક અઠવાડિયામાં તેનો અહેવાલ રજૂ કરવાનો નિર્દેશ આપવામાં આવ્યો છે.
એક સૂત્રના જણાવ્યા અનુસાર, અહેવાલ પ્રાપ્ત થયા પછી અને તપાસ પૂર્ણ થયા પછી આગળના નિર્ણયો લેવામાં આવશે. બોર્ડે વિદ્યાર્થીઓ દ્વારા રજૂ કરાયેલી માંગણીઓ પર પણ વિચાર કર્યો અને સૂત્રોના જણાવ્યા અનુસાર, રાજીનામાની માંગ સિવાય તેમાંથી મોટાભાગની માંગણીઓ પર સંમતિ આપી. સમિતિની અધ્યક્ષતા આઇઆઇટી પલક્કડના બોર્ડ ઓફ ગવર્નર્સના અધ્યક્ષ પ્રોફેસર રમેશ વેંકટેશ્વરન કરશે.આઇઆઇટી બોમ્બેના પ્રોફેસર કે. નારાયણન, પ્રોફેસર સંદીપ કુમાર સાહા અને પ્રોફેસર દીપ્તિ કલસીનો સમાવેશ થાય છે. સમિતિમાં ત્રણ વિદ્યાર્થીઓ પણ છેઃ હોસ્ટેલ અફેર્સના જનરલ સેક્રેટરી આદિત્ય જાશી, વિદ્યાર્થી માર્ગદર્શક કાર્યક્રમના ઓવરઓલ કોઓર્ડિનેટર દેવ અરોરા અને સંશોધન વિદ્વાન દેવી લાલ. નિવૃત્ત આઇએએસ અધિકારી સહિત અન્ય સભ્યો પણ સમિતિનો ભાગ છે.
આઇઆઇટી બોમ્બેના વિદ્યાર્થી સાહિલ વાકોડેની આત્મહત્યાની તપાસ સતત આગળ વધી રહી છે.આઇઆઇટી બોમ્બે મેનેજમેન્ટે આ મામલાની તપાસ માટે ૧૦ સભ્યોની પેનલની રચના કરી છે. આ પેનલ કેસના તમામ પાસાઓની તપાસ કરશે અને એક અઠવાડિયામાં મેનેજમેન્ટને પોતાનો રિપોર્ટ સુપરત કરશે. દરમિયાન, મેનેજમેન્ટે પ્રોફેસર સૂર્યનારાયણ દુલ્લાને રજા પર ઉતારી દીધા છે. સૂત્રોના જણાવ્યા અનુસાર, ક્રાઈમ બ્રાન્ચ ટૂંક સમયમાં પ્રોફેસર દુલ્લાને બોલાવીને તેમનું નિવેદન નોંધી શકે છે. ગઈકાલે અગાઉ, ક્રાઈમ બ્રાન્ચે પીએચડી વિદ્યાર્થી સાહિલ વાકોડેના માતા-પિતાનું નિવેદન નોંધ્યું હતું. વિદ્યાર્થીના માતા-પિતાનો આરોપ છે કે તેમના પુત્રને નિશાન બનાવવામાં આવી રહ્યો છે.
બીજી તરફ, આ મામલાને લઈને રાજકીય ગતિવિધિઓ પણ તેજ બની રહી છે. સુજાતા આંબેડકર આજે સાંજે ૪ વાગ્યા પછી આઈઆઈટી બોમ્બે પહોંચશે અને વિદ્યાર્થીઓ સાથે વિરોધ પ્રદર્શનમાં જોડાશે. કોંગ્રેસ આ મામલાની સીબીઆઈ તપાસની માંગ કરી રહી છે. તે જ સમયે, સરકારનું કહેવું છે કે મુંબઈ પોલીસની ક્રાઈમ બ્રાન્ચ સક્ષમ છે અને કેસની તમામ ખૂણાથી તપાસ કરવામાં આવી રહી છે.