હૈદરાબાદમાં આયોજિત વિંગ્સ ઇન્ડિયા ૨૦૨૬ એ ભારતીય ઉડ્ડયન ક્ષેત્રના બદલાતા લેન્ડસ્કેપને સંપૂર્ણ રીતે ઉજાગર કર્યો. દિલ્હી આંતરરાષ્ટીય એરપોર્ટે દેશના સૌથી મોટા અને સૌથી લોકપ્રિય મેટ્રોપોલિટન શહેરો, મુંબઈ અને બેંગલુરુને પાછળ છોડીને “વર્ષના શ્રેષ્ઠ એરપોર્ટ”નો પ્રતિષ્ઠિત ખિતાબ જીત્યો. આ પ્લેટફોર્મે માત્ર મુખ્ય એરપોર્ટ અને એરલાઇન્સને જ માન્યતા આપી ન હતી, પરંતુ એવા રાજ્યો અને પ્રદેશોને પણ સન્માનિત કર્યા હતા જે અગાઉ ઉડ્ડયનમાં પાછળ માનવામાં આવતા હતા. નોંધનીય છે કે, બિહારને પણ એવોર્ડ વિજેતા રાજ્યોની યાદીમાં સામેલ કરવામાં આવ્યું હતું.
દિલ્હી ઇન્ટરનેશનલ એરપોર્ટ લિમિટેડને વિંગ્સ ઇન્ડિયા ૨૦૨૬ એવોર્ડ્સમાં “વર્ષનું શ્રેષ્ઠ એરપોર્ટ” તરીકે પસંદ કરવામાં આવ્યું હતું. દિલ્હી એરપોર્ટને તેની શ્રેષ્ઠ મુસાફરોની સુવિધાઓ, ટેકનોલોજીનો ઉપયોગ, ટકાઉપણું અને કાર્યકારી કાર્યક્ષમતાને કારણે આ વિશિષ્ટતા પ્રાપ્ત થઈ. બેંગલુરુના કેમ્પેગૌડા ઇન્ટરનેશનલ એરપોર્ટને વાર્ષિક ૨૫ મિલિયનથી વધુ મુસાફરોને હેન્ડલ કરતી શ્રેણીમાં શ્રેષ્ઠ એરપોર્ટ તરીકે નામ આપવામાં આવ્યું હતું.
આ એરપોર્ટ્સને વિવિધ શ્રેણીઓમાં જીત મળી
પેસેન્જર ટ્રાફિકના આધારે અનેક એરપોર્ટને સન્માન પણ મળ્યા.
પુણે એરપોર્ટને ૧૦ થી ૨૫ મિલિયન મુસાફરો પ્રતિ વર્ષ શ્રેણીમાં ટોચનો એવોર્ડ મળ્યો.
લખનૌ ઇન્ટરનેશનલ એરપોર્ટને ૫ થી ૧૦ મિલિયન મુસાફરોના સેગમેન્ટમાં શ્રેષ્ઠ એરપોર્ટ તરીકે પસંદ કરવામાં આવ્યું.
પોર્ટ બ્લેરનું વીર સાવરકર આંતરરાષ્ટીય વિમાનમથક ૫૦ લાખથી ઓછા મુસાફરોની શ્રેણીમાં વિજેતા બન્યું.
આરસીએસ યુડીએએન યોજના હેઠળ ઇટાનગરના હોલોંગી એરપોર્ટને શ્રેષ્ઠ એરપોર્ટ જાહેર કરવામાં આવ્યું.
એરલાઇન્સ અને કનેક્ટિવિટી પણ માન્યતા આપવામાં આવી
એરલાઇન્સની વાત કરીએ તો, ઇન્દીગોને શ્રેષ્ઠ ઉડ્ડયન સેવા પ્રદાતાનો એવોર્ડ મળ્યો. એર ઈન્ડીય એક્સપ્રેસને ડોમેસ્ટિક કનેક્ટિવિટી માટે અને સ્ટાર એરને પ્રાદેશિક/યુડીએએન કનેક્ટિવિટી માટે સન્માનિત કરવામાં આવ્યું. એચએએલને ‘આત્મનિર્ભર ભારત’ માટે વિશેષ એવોર્ડ મળ્યો.
આ વખતે, રાજ્ય શ્રેણીમાં આશ્ચર્યજનક નામો પણ ઉભરી આવ્યા. ઉત્તર પ્રદેશ અને બિહારને સંયુક્ત રીતે આરસીએસ,યુડીએએન નોન-પ્રાયોરિટી એરિયામાં “મોસ્ટ પ્રોએકિતવ સ્ટેટ” એવોર્ડ મળ્યો. આ સૂચવે છે કે બિહાર જેવા રાજ્યોમાં પણ ઉડ્ડયન ક્ષેત્રમાં કનેક્ટિવિટી અને ઇન્ફ્રાસ્ટ્રક્ચર પર કામ ઝડપી બન્યું છે.
આ વિંગ્સ ઇન્ડિયા ૨૦૨૬ એવોર્ડ દર્શાવે છે કે ભારતનું ઉડ્ડયન ક્ષેત્ર હવે મોટા શહેરો સુધી મર્યાદિત નથી. નાના શહેરો, પછાત પ્રદેશો અને રાજ્યોમાં હવાઈ જાડાણનો વિસ્તાર થઈ રહ્યો છે, જે દેશની આર્થિક અને સામાજિક પ્રગતિ માટે ઉત્પ્રેરક સાબિત થઈ શકે છે.
