અમેરિકામાં કાયદાનું શાસન મરી રહ્યું હોય તેવું લાગે છે. રૂઢિચુસ્ત કાર્યકર્તા અને રાષ્ટ્રપતિ ટ્રમ્પના મિત્ર ચાર્લી કિર્કની હત્યાના થોડા કલાકો પછી, હવે એક સ્કૂલમાં ૨ વિદ્યાર્થીઓની ગોળી મારીને હત્યા કરવામાં આવી છે. તેનાથી લોકોમાં ગભરાટનું વાતાવરણ સર્જાયું છે. આ ઘટના અમેરિકાના ડેનવર શહેરની એક હાઇસ્કૂલમાં બની હતી, જ્યાં એક વિદ્યાર્થીએ તેના બે સહાધ્યાયીઓને ગોળી મારી અને પછી પોતાને ગોળી મારી દીધી, જેના કારણે તેનું મોત થયું.
અમેરિકન અધિકારીઓએ જણાવ્યું હતું કે આરોપી વિદ્યાર્થીએ તેના બે સહાધ્યાયીઓને ગોળી મારી અને પછી પોતાના પર ગોળીબાર કર્યો. આ ઘટના કોલોરાડોની એવરગ્રીન હાઇસ્કૂલમાં બની હતી, જે ડેનવરથી લગભગ ૩૦ માઇલ પશ્ચિમમાં રોકી માઉન્ટેનની તળેટીમાં સ્થિત છે. અમેરિકન પોલીસને બપોરે લગભગ ૧૨:૩૦ વાગ્યે ગોળીબારની માહિતી મળી હતી. આ પછી, પોલીસ ઘટનાસ્થળે પહોંચી અને તપાસ કરી રહી છે.
જેફરસન કાઉન્ટી શેરિફ ઓફિસના પ્રવક્તા જેકી કેલીએ જણાવ્યું હતું કે શાળાની ઇમારતની અંદર અને બહાર બંને જગ્યાએ ગોળીઓ ચલાવવામાં આવી હતી અને પોલીસ પાંચ મિનિટમાં ઘટનાસ્થળે પહોંચી અને હુમલાખોરને શોધી કાઢ્યો. કેલીએ જણાવ્યું હતું કે નજીકના વિસ્તારોમાંથી ૧૦૦ થી વધુ પોલીસ અધિકારીઓ ઘટનાસ્થળે પહોંચી ગયા હતા. ૧૯૯૯માં, આ જ કાઉન્ટીની કોલમ્બાઇન હાઇ સ્કૂલમાં ગોળીબારની ઘટનામાં ૧૪ લોકો માર્યા ગયા હતા. સેન્ટ એન્થોની હોસ્પિટલના ચીફ એક્ઝિક્યુટિવ ઓફિસર કેવિન કુલીનને જણાવ્યું હતું કે કિશોરોને પહેલા ગંભીર હાલતમાં લાવવામાં આવ્યા હતા. તેમની ઉંમર હજુ સુધી જાણી શકાઈ નથી.
ડા. બ્રાયન બ્લેકવુડે જણાવ્યું હતું કે ઘાયલ કિશોરોમાંથી એકની હાલત સાંજ સુધીમાં સ્થિર થઈ ગઈ હતી અને તેના જીવને કોઈ ખતરો નથી. શાળામાં ૯૦૦ થી વધુ વિદ્યાર્થીઓ અભ્યાસ કરે છે અને તે જંગલથી ઘેરાયેલી છે. સ્થાનિક રહેવાસી ડોન સાયગને જણાવ્યું હતું કે ૧૮ વિદ્યાર્થીઓએ તેના ઘરમાં આશરો લીધો છે.
