રશિયાએ આરોપ લગાવ્યો કે યુક્રેને રશિયન રાષ્ટ્રપતિ વ્લાદિમીર પુતિનના નિવાસસ્થાન પર ડ્રોન હુમલો કર્યો હતો. જોકે, હુમલા સમયે પુતિન ક્યાં હતા તે જાહેર કરવામાં આવ્યું નથી. રાષ્ટ્રપતિ પુતિનના નિવાસસ્થાન પર હુમલા બાદ રશિયા ગુસ્સે ભરાયું છે. રશિયન ડ્રોન દ્વારા યુક્રેનિયન શહેર ઓડેસામાં રહેણાંક ઇમારતો અને પાવર ગ્રીડને નિશાન બનાવવામાં આવ્યું હતું, જેમાં ત્રણ બાળકો સહિત છ લોકો ઘાયલ થયા હતા.
રશિયન હુમલાઓ બાદ, સ્થાનિક લશ્કરી વહીવટીતંત્રના વડા, ઓલેહ કિપરે જણાવ્યું હતું કે બોમ્બમારાથી ચાર ઇમારતોને નુકસાન થયું હતું. ઊર્જા કંપની ડીટીઇકેએ અહેવાલ આપ્યો હતો કે હુમલામાં તેના બે મહત્વપૂર્ણ પાવર ઇન્સ્ટોલેશનને ભારે નુકસાન થયું હતું. કંપનીના જણાવ્યા અનુસાર, ડિસેમ્બરમાં ઓડેસા શહેરમાં વીજળીનું વિતરણ કરતા ૧૦ સબસ્ટેશનને પહેલાથી જ નુકસાન થયું છે.
નોંધપાત્ર રીતે, રશિયાએ પુતિનના નિવાસસ્થાન પરના હુમલા માટે યુક્રેનને દોષી ઠેરવ્યું છે, જે દાવાને યુક્રેનિયન અધિકારીઓએ નકારી કાઢ્યો છે. યુક્રેનિયન અધિકારીઓ કહે છે કે તે શાંતિ મંત્રણામાં પ્રગતિને અવરોધવા માટે એક કાવતરું હતું. દરમિયાન, રશિયન સંરક્ષણ મંત્રાલયે તોડી પાડવામાં આવેલા ડ્રોનનો વિડિઓ રજૂ કર્યો છે, જેનો દાવો છે કે હુમલામાં ઉપયોગ કરવામાં આવ્યો હતો.
વિડિઓમાં બરફીલા વિસ્તારમાં ક્ષતિગ્રસ્ત ડ્રોન દેખાય છે. મંત્રાલયે કહ્યું કે હુમલો આયોજનબદ્ધ હતો. રશિયન વાયુસેનાના મેજર જનરલ એલેક્ઝાન્ડર રોમેનેનકોવે દાવો કર્યો હતો કે ડ્રોન યુક્રેનના સુમી અને ચેર્નિહિવ પ્રદેશોમાંથી ઉડાન ભરી હતી.
રશિયાએ તેને આતંકવાદી હુમલો તેમજ પુતિન પર વ્યક્તિગત હુમલો ગણાવ્યો છે. રશિયન સંરક્ષણ મંત્રાલયે જણાવ્યું હતું કે હુમલો ૨૮ ડિસેમ્બરે સાંજે ૭ઃ૦૦ વાગ્યાની આસપાસ થયો હતો. મંત્રાલયે એમ પણ કહ્યું હતું કે હુમલામાં પુતિનના નિવાસસ્થાનને કોઈ નુકસાન થયું નથી. યુક્રેન-રશિયા સંઘર્ષનું દસ્તાવેજીકરણ કરતી યુએસ સ્થિત ઇÂન્સ્ટટ્યૂટ ફોર ધ સ્ટડી ઓફ વોરએ કહ્યું હતું કે તેણે પુતિનના નિવાસસ્થાન પર હુમલાની પુષ્ટિ કરી શકે તેવા કોઈ ફૂટેજ કે રિપો‹ટગ જોયા નથી.
