ભારતીય ક્રિકેટ નિયંત્રણ બોર્ડ (બીસીસીઆઇ) સેક્રેટરી દેવજીત સૈકિયાએ આઇપીએલ હરાજી અને આગામી ક્રિકેટ મેચો અંગે મહત્વપૂર્ણ માહિતી પૂરી પાડી. તેમણે જણાવ્યું હતું કે આ વષે આઇપીએલ હરાજી ડિસેમ્બરમાં ગોવામાં યોજાશે. વધુમાં, ધર્મશાળામાં ખરાબ હવામાનને કારણે ભારત છ મહિલા અને ઓસ્ટ્રેલિયા છ મહિલા વચ્ચેની આગામી ટી ૨૦ મેચો મોહાલી ખસેડવામાં આવી છે.
બીસીસીઆઇના સેક્રેટરી દેવજીત સૈકિયાએ જણાવ્યું હતું કે ગયા વર્ષે ત્રણ વિદેશી સ્થળો, સાઉદી અરેબિયા, દુબઈ અને અબુ ધાબીમાં આઇપીએલ હરાજી યોજ્યા બાદ, આ વર્ષે તે ભારતમાં યોજાશે. તેમણે જણાવ્યું હતું કે ડિસેમ્બરમાં ગોવામાં આઇપીએલ હરાજી યોજવાની યોજના છે.
ભારત એ મહિલા અને ઓસ્ટ્રેલિયા એ મહિલા વચ્ચેની આગામી ટી ૨૦ મેચો ધર્મશાળાથી મોહાલી ખસેડવાના નિર્ણય અંગે, સૈકિયાએ કહ્યું હતું કે ધર્મશાળામાં સતત વરસાદ પડી રહ્યો છે અને હાલનું હવામાન ક્રિકેટ માટે અનુકૂળ નથી. તેમણે કહ્યું, “ધર્મશાળામાં સતત વરસાદને કારણે, અમે આગામી ટી ૨૦ મેચો મોહાલી ખસેડવાનો નિર્ણય લીધો છે. અમારું લક્ષ્ય એ સુનિશ્ચિત કરવાનું છે કે હવામાન ક્રિકેટ પ્રવૃત્તિઓમાં વિક્ષેપ ન પાડે.”
દેવજીત સૈકિયાએ ભારતીય ટીમને ભારત અને જાપાનની પુરુષ ક્રિકેટ ટીમો વચ્ચેની મેચ માટે અભિનંદન આપ્યા. તેમણે કહ્યું કે આ મેચ ફક્ત જાપાન સામેની જીત વિશે નથી, પરંતુ ભારત અને જાપાન વચ્ચેના ક્રિકેટ સંબંધોમાં નવી શરૂઆતનું પ્રતીક પણ છે.
સૈકિયાએ સમજાવ્યું કે આ મેચનું આયોજન આઇસીસી ચેરમેન જય શાહની પહેલને કારણે શક્્ય બન્યું છે. તેમણે કહ્યું કે જય શાહે એડિનબર્ગમાં જાપાન ક્રિકેટ બોર્ડના તેમના સમકક્ષ સાથે મુલાકાત કરી હતી અને તેમને આ મેચનું આયોજન કરવા માટે કામ કરવા કહ્યું હતું. તેમણે કહ્યું, “આ મેચનું આયોજન ભારતીય ક્રિકેટ બોર્ડ અને જાપાન ક્રિકેટ બોર્ડ વચ્ચેની મિત્રતા તરીકે કરવામાં આવ્યું હતું. ગઈકાલની મેચમાં ઘણો ઉત્સાહ હતો. આ ક્રિકેટના વિકાસ, નવા સ્થળોએ તેના વિસ્તરણ અને બંને દેશો વચ્ચે મિત્રતાના નવા યુગની શરૂઆત દર્શાવે છે.”બીસીસીઆઇ સચિવે આશા વ્યક્ત કરી કે જાપાની લોકોમાં ક્રિકેટ પ્રત્યેનો ઉત્સાહ દેશ અને તેના પડોશી દેશોમાં આ રમતને લોકપ્રિય બનાવવામાં મદદ કરશે. તેમણે કહ્યું કે જાપાનમાં ક્રિકેટ પ્રત્યે વધતી જતી રુચિ રમતના વૈશ્વીક વિસ્તરણ માટે મહત્વપૂર્ણ સાબિત થઈ શકે છે.
બીસીસીઆઇ સચિવ દેવજીત સૈકિયાએ એશિયન ગેમ્સમાં ભારતીય મહિલા ક્રિકેટ ટીમના ગોલ્ડ મેડલ જીતવા પર ખુશી વ્યક્ત કરી. તેમણે ટીમના ઉત્કૃષ્ટ પ્રદર્શનની પ્રશંસા કરી અને કેપ્ટન હરમનપ્રીત કૌર, ઉપ-કેપ્ટન સ્મૃતિ મંધાના અને તમામ ખેલાડીઓને અભિનંદન આપ્યા.
સૈકિયાએ કહ્યું કે ગયા વર્ષે ૩ નવેમ્બરના રોજ મુંબઈમાં ભારતીય ટીમના વનડે આઇસીસી વર્લ્ડ ચેમ્પીયન બનવાથી શરૂ થયેલ જીતનો સિલસિલો ચાલુ છે. તેમણે આ સફળતા માટે મુખ્ય કોચ અમોલ મુઝુમદાર અને સમગ્ર સપોર્ટ સ્ટાફને પણ શ્રેય આપ્યો. તેમણે આશા વ્યક્ત કરી કે ભારતીય મહિલા ટીમનો વિજયનો સિલસિલો ભવિષ્યમાં પણ ચાલુ રહેશે.
