મોકામા જદયુ ધારાસભ્ય અનંત સિંહે શુક્રવારે બિહારના મુખ્યમંત્રી સમ્રાટ ચૌધરીને મુલાકાત કરી. મુખ્યમંત્રીને મળ્યા બાદ, અનંત સિંહે કહ્યું, “મેં સમ્રાટ ચૌધરીને અભિનંદન આપ્યા. મેં મોકામા વિસ્તાર માટે હોસ્પિટલની માંગણી કરી.” અનંત સિંહે કહ્યું, “મેં મુખ્યમંત્રીને કહ્યું હતું કે મોકામામાં એક સારી હોસ્પિટલ બનાવો જેથી લોકોને સારવાર માટે વારંવાર પટના ન આવવું પડે. પટના આવવાથી લોકોના પૈસા ખર્ચ થાય છે અને અસુવિધા થાય છે. મુખ્યમંત્રીએ તેમને હોસ્પિટલ બનાવવાની ખાતરી આપી છે.”
અનંત સિંહે કહ્યું, “મેં મુખ્યમંત્રીને કહ્યું હતું કે હું હવે ચૂંટણી નહીં લડું. મેં છેલ્લી વખત મારી છેલ્લી ચૂંટણી લડી ચુક્યો છું. મારો પુત્ર પણ રાજકારણમાં પ્રવેશ કરશે, પરંતુ જા તે ન ઇચ્છે તો હું શું કરી શકું?” નીતિશ કુમારના પુત્રના ડેપ્યુટી સીએમ ન બનવા અંગે પૂછવામાં આવતા અનંત સિંહે કહ્યું, “નિશાંત કુમારને લાગ્યું કે તે પહેલા શીખવા માંગે છે, પરંતુ જનતા ઇચ્છે છે કે તે પદ મેળવે.”
જેડીયુ ધારાસભ્યએ એમ પણ કહ્યું, “તેજસ્વી યાદવનું નામ લેવાનો કોઈ અર્થ નથી… અમે ફક્ત તેમના વિશે વાત કરીએ છીએ કારણ કે તે લાલુ યાદવનો પુત્ર છે.” અનંત સિંહે કહ્યું કે બિહારમાં પ્રતિબંધ હટાવવો જાઈએ. અહીં દારૂ વેચવો જાઈએ. તેમણે ઉમેર્યું કે બિહારમાં પણ લોકો છુપાઈને દારૂ પી રહ્યા છે.
અગાઉ અનંત સિંહે બિહારમાં નેતૃત્વ પરિવર્તનનું સ્વાગત કર્યું હતું. પત્રકારો સાથે વાત કરતા અનંત સિંહે કહ્યું હતું કે સારું કામ કરવામાં આવશે. નીતિશ કુમાર જે પણ આદેશ આપશે તે કરવામાં આવશે. નોંધનીય છે કે નીતિશ કુમારે તાજેતરમાં જ મુખ્યમંત્રી પદ પરથી રાજીનામું આપ્યું હતું. તેઓ છેલ્લા ૨૧ વર્ષથી આ પદ પર હતા. તેમણે ૧૦ એપ્રિલે રાજ્યસભાના સભ્ય તરીકે શપથ લીધા હતા.
