દિવાળીના આગમન સાથે, દરેક જગ્યાએ ઉજવણી અને ખુશીનો માહોલ છવાઈ જાય છે. બોલીવુડમાં પણ દિવાળી ખૂબ જ ઉત્સાહથી ઉજવવામાં આવે છે. ઘણી સેલિબ્રિટીઓ તેમના ઘરે દિવાળી પાર્ટીઓનું આયોજન કરે છે. તાજેતરમાં, મનીષ મલ્હોત્રાએ તેમના ઘરે દિવાળી પાર્ટીનું આયોજન કર્યું હતું, જ્યાં બોલિવૂડના ઘણા સ્ટાર્સ જાવા મળ્યા હતા. બોલિવૂડ સેલિબ્રિટીઓ દિવાળી પાર્ટીઓમાં હાજરી આપીને તેમના પ્રિયજનો સાથે ઉજવણી કરવાનું ચાલુ રાખે છે. દરમિયાન, શનિવારે સાંજે, અભિનેત્રી એશા દેઓલ તેના ભૂતપૂર્વ પતિ ભરત તખ્તાની સાથે દિવાળી પાર્ટીમાં જાવા મળી હતી. વધુમાં, બંનેએ સાથે પોઝ પણ આપ્યા હતા.
સેલિબ્રિટી પાપારાઝી વિરલ ભાયાણીએ એક વીડિયો શેર કર્યો છે જેમાં એશા દેઓલ અને ભરત તખ્તાની સાથે જાવા મળી રહ્યા છે. તેઓ પાપારાઝી માટે પોઝ આપતા જાઈ શકાય છે. એશા બેબી પિંક સિક્વીન સાડીમાં ખૂબ જ સુંદર દેખાતી હતી, જ્યારે ભરત તખ્તાનીએ ક્રીમ રંગનો બંધગલા પહેર્યો હતો. બંનેએ હસીને ફોટોગ્રાફરો માટે પોઝ આપ્યા હતા. જાકે, છૂટાછેડા પછી આ પહેલી વાર નથી જ્યારે બંને એકબીજા સાથે બોન્ડીગ કરતા જાવા મળ્યા હોય. થોડા મહિના પહેલા, એશાએ ભરતના જન્મદિવસ પર એક મીઠી પોસ્ટ શેર કરી હતી, જે દર્શાવે છે કે છૂટાછેડા છતાં તેઓ હજુ પણ મજબૂત બંધન ધરાવે છે.
એશા દેઓલ અને ભરત તખ્તાનીએ જૂન ૨૦૧૨ માં મુંબઈના ઇસ્કોન મંદિરમાં લગ્ન કર્યા હતા. તેઓએ પરંપરાગત દક્ષિણ ભારતીય લગ્ન સમારોહમાં લગ્ન કર્યા હતા. લગ્નના પાંચ વર્ષ પછી, તેમણે ૨૦૧૭ માં તેમની પહેલી પુત્રી રાધ્યાનું સ્વાગત કર્યું અને ત્યારબાદ ૨૦૧૯ માં તેમની નાની પુત્રી મીરાયાનું સ્વાગત કર્યું. જાકે, ૧૧ વર્ષનાં લગ્નજીવન પછી, તેમણે ફેબ્રુઆરી ૨૦૨૪ માં છૂટાછેડાની જાહેરાત કરીને બધાને આશ્ચર્યચકિત કર્યા. એક સંયુક્ત નિવેદનમાં, એશા અને ભરતે જાહેરાત કરી કે તેઓએ પરસ્પર અલગ થવાનો નિર્ણય લીધો છે.
એશા દેઓલના ભૂતપૂર્વ પતિ ભરત તખ્તાની, એશાથી છૂટાછેડાની જાહેરાત કર્યા પછી મેઘના લાખાણી સાથે સંબંધમાં છે. એશા દેઓલથી છૂટાછેડાની જાહેરાત કર્યાના એક વર્ષ કરતાં વધુ સમય પછી, ભરતે ઓગસ્ટ ૨૦૨૫ માં મેઘના લાખાણી સાથેના પોતાના સંબંધને સત્તાવાર બનાવ્યો. તેણે સ્પેનના મેડ્રિડમાં તેમના વેકેશન દરમિયાન મેઘના સાથેનો એક ફોટો શેર કર્યો, જેમાં કેપ્શન આપ્યું, “મારા પરિવારમાં આપનું સ્વાગત છે.” તેણે કેપ્શનમાં તેની સત્તાવાર હેશટેગ ઉમેરીને તેમના સંબંધને સત્તાવાર બનાવ્યો. મેઘનાએ ભરત સાથેનો ફોટો પણ શેર કર્યો અને લખ્યું, “યાત્રા અહીંથી શરૂ થાય છે.”
