દિલ્હી હાઈકોર્ટે ટીએમસી સાંસદ મહુઆ મોઈત્રાના કેસની સુનાવણી કરી. મોઈત્રા દ્વારા પૈસા લેવાના આરોપો અંગે, કોર્ટે કહ્યું કે લોકપાલે કાયદા અનુસાર આ મામલાનો નિર્ણય લેવો જાઈએ. કોર્ટે લોકપાલને પણ બે મહિનાનો વધારાનો સમય આપ્યો.
હકીકતમાં, ગયા વર્ષે, હાઇકોર્ટે લોકપાલના સીબીઆઈને મોઇત્રા સામે ચાર્જશીટ દાખલ કરવાની મંજૂરી આપતા આદેશને રદ કર્યો હતો.હાઇકોર્ટમાં સુનાવણી દરમિયાન, જેન્સ્ત અનિલ ક્ષેત્રપાલ અને હરીશ વૈદ્યનાથન શંકરની બેન્ચે જણાવ્યું હતું કે લોકપાલને આ કેસમાં કાયદેસર રીતે ચાર્જશીટ દાખલ કરવી જાઈએ કે નહીં તે નક્કી કરવા માટે બે મહિનાનો વધારાનો સમય આપવામાં આવે છે.
બેન્ચે જણાવ્યું હતું કે કેસ પૂર્ણ કરવાનો સમય બે મહિના લંબાવવામાં આવ્યો છે. વધુ મુદત વધારવાની કોઈ વિનંતી સ્વીકારવામાં આવશે નહીં. આ અંગે મહુઆ અને સીબીઆઈ બંનેના વકીલોએ જણાવ્યું હતું કે તેઓ લોકપાલને આપવામાં આવેલા સમયનો વિરોધ કરી રહ્યા નથી. હકીકતમાં, લોકસભા એથિક્સ કમિટી દ્વારા મહુઆને દોષિત ઠેરવ્યા બાદ આ કેસ કોર્ટમાં પહોંચ્યો હતો. ત્યારથી હાઈકોર્ટ આ મામલાની સુનાવણી કરી રહી છે. શુક્રવારની કોર્ટ સુનાવણી બાદ, એવું માનવામાં આવે છે કે મહુઆ મોઇત્રાને નજીકના ભવિષ્યમાં નોંધપાત્ર રાહત મળી શકે છે.
આ કેસ ઓક્ટોબર ૨૦૨૩ માં શરૂ થયો હતો. ભાજપના સાંસદ નિશિકાંત દુબેએ તૃણમૂલ કોંગ્રેસના સાંસદ મોઇત્રા પર આરોપ લગાવ્યો હતો કે તેમણે મોંઘી ભેટો અને પૈસાના બદલામાં ઉદ્યોગપતિ દર્શન હિરાનંદાનીના કહેવા પર અદાણી જૂથ અને વડા પ્રધાન નરેન્દ્ર મોદીને નિશાન બનાવીને લોકસભામાં પ્રશ્નો પૂછ્યા હતા. મહુઆ પર રાષ્ટÙીય સુરક્ષા સાથે ચેડા કરવાનો પણ આરોપ મૂકવામાં આવ્યો હતો. ત્યારબાદ, આ મામલો લોકસભા એથિક્સ કમિટીને મોકલવામાં આવ્યો હતો, જ્યાં મહુઆને દોષી ઠેરવવામાં આવી હતી. ત્યારબાદ મહુઆને લોકસભામાંથી હાંકી કાઢવામાં આવી હતી.
એવું જાણવા મળે છે કે લોકસભા એથિક્સ કમિટી દ્વારા તેમને દોષી ઠેરવ્યા બાદ આ કેસ લોકપાલને મોકલવામાં આવ્યો હતો. લોકપાલ અને લોકાયુક્ત અધિનિયમ, ૨૦૧૩ હેઠળ, સંસદસભ્યો (સાંસદો) લોકપાલના અધિકારક્ષેત્ર હેઠળ આવે છે. જા આરોપોમાં લાંચ, લાભ અથવા અયોગ્ય પ્રભાવનો સમાવેશ થાય છે તો લોકપાલ તપાસ કરી શકે છે. ત્યારબાદ મહુઆએ હાઇકોર્ટનો સંપર્ક કર્યો, અને કેસ હાલમાં સુનાવણી હેઠળ છે.
