અરબી સમુદ્રમાં સર્જાયેલી હવામાન ક્ષેત્રની પલટાની શક્યતાઓને પગલે તંત્ર સંપૂર્ણ રીતે સતર્ક બની ગયું છે. સાવચેતીના ભાગરૂપે અમરેલી જિલ્લાના જાફરાબાદ બંદર પર ૩ નંબરનું ચેતવણી સિગ્નલ લગાવી દેવામાં આવ્યું છે. દરિયામાં પવનની ઝડપ અને મોજાંની સ્થિતિ સતત બદલાઈ રહી હોવાથી વહીવટી તંત્ર દ્વારા સલામતી માટે જરૂરી પગલાં ભરવામાં આવ્યા છે. માછીમારોની સુરક્ષાને પ્રાથમિકતા આપતાં તેમને હાલ દરિયો ન ખેડવા અને હવામાન અંગેની પૂરતી તકેદારી રાખવા કડક અપીલ કરવામાં આવી છે. કોઈપણ આકસ્મિક પરિસ્થિતિને પહોંચી વળવા માટે સ્થાનિક તંત્ર દ્વારા સમગ્ર જાફરાબાદના દરીયાકાંઠાના વિસ્તારમાં ચાંપતી નજર રાખવામાં આવી રહી છે.
