દિવાળીના તહેવારો નજીક આવી રહ્યા છે ત્યારે ગુજરાત સરકારે રાજ્યના કર્મચારીઓ અને પેન્શનરો માટે ખુશીના સમાચાર આપ્યા છે. સરકારી કર્મચારી સંગઠનોની લાંબા સમયની માંગણીઓ અને રજૂઆતોને ધ્યાને રાખીને રાજ્ય સરકારે મોંઘવારી ભથ્થા (ડીએ)માં ૩ ટકાનો વધારો કરવાનો મહ¥વપૂર્ણ નિર્ણય લીધો છે.રાજ્ય સરકારના આ નિર્ણયથી અંદાજે ૪ લાખથી વધુ કાર્યરત કર્મચારીઓ અને ૪.૮૨ લાખ જેટલા પેન્શનરો મળીને કુલ ૮.૮૨ લાખથી વધુ લોકોને સીધો આર્થિક ફાયદો થશે. આ વધારામાં રાજ્ય સરકારી કર્મચારીઓ તેમજ પંચાયત સેવાના ર્મચારીઓનો પણ સમાવેશ થાય છે. આ અંગેનો સત્તાવાર પરિપત્ર અને અમલીકરણની તારીખ વિશે ટૂંક સમયમાં કેબિનેટ નિર્ણય બાદ આખરી વિગતો જાહેર કરવામાં આવશે.
ઉલ્લેખનીય છે કે, અગાઉ મે ૨૦૨૬માં ૭મા પગારપંચ હેઠળ કર્મચારીઓના મોંઘવારી ભથ્થામાં ૨ ટકાનો વધારો કરવામાં આવ્યો હતો, જેથી ભથ્થું ૫૮ ટકાથી વધીને ૬૦ ટકા થયું હતું. હવે આ નવા ૩ ટકાના વધારા સાથે જ કર્મચારીઓનું મોંઘવારી ભથ્થું ૬૦ ટકાથી વધીને ૬૩ ટકાની સપાટીએ પહોંચી જશે. દાખલા તરીકે, જા કોઈ સરકારી કર્મચારીનો મૂળ પગાર ૩૦,૦૦૦ હોય, તો અત્યાર સુધી ૬૦% લેખે ૧૮,૦૦૦ ડીએ મળતું હતું. હવે ૬૩% લેખે ૧૮,૯૦૦ મળશે, જેનાથી કર્મચારીના હાથમાં દર મહિને ૯૦૦નો સીધો રોકડ ફાયદો થશે.મોંઘવારી ભથ્થાના વધારા ઉપરાંત તહેવારોને ધ્યાનમાં રાખીને રજાઓ અંગે પણ મહ¥વનો નિર્ણય લેવાયો છે. જે મુજબ ૯ નવેમ્બરના રોજ જાહેર રજા રહેશે, જ્યારે તેની ભરપાઈ રૂપે ૧૨ ડિસેમ્બરના શનિવારે તમામ સરકારી કચેરીઓ ચાલુ રાખીને કામકાજ કરવામાં આવશે.
