ટેલિવિઝન અભિનેત્રી સિમ્પલ કૌલે શરારત, તારક મહેતા કા ઉલ્ટા ચશ્મા અને ઝિદ્દી દિલ માને ના જેવી લોકપ્રિય સિરિયલોમાં કામ કરીને પોતાનું નામ બનાવ્યું છે. હવે મીડિયા રિપોર્ટ્સ અનુસાર, સિમ્પલે તેનું ૧૫ વર્ષનું લગ્નજીવન તોડી નાખ્યું છે. એવું કહેવામાં આવી રહ્યું છે કે સિમ્પલ ૧૫ વર્ષ પછી તેના પતિ રાહુલ લુંબાથી છૂટાછેડા લઈ રહી છે. બંનેના લગ્ન વર્ષ ૨૦૧૦ માં થયા હતા.અહેવાલ મુજબ, સિમ્પલ કૌલ અને તેના પતિ રાહુલ લુમ્બાએ અલગ થવાનો નિર્ણય લીધો છે. ૨૦૧૦ માં લગ્ન કરનારી અભિનેત્રીએ તાજેતરમાં છૂટાછેડા માટે અરજી કરી છે.
અહેવાલોમાં જણાવ્યું હતું કે સિમ્પલે છૂટાછેડાના નિર્ણયની પુષ્ટિ કરી છે. સિમ્પલ કહે છે, ‘આ ખૂબ જ તાજેતરની વાત છે. આ પરસ્પર સંમતિથી થયું છે અને અમે ખૂબ જ પરિપક્વ લોકો છીએ. અમે એક પરિવાર કરતાં વધુ છીએ. મારા મગજમાં એવું નથી આવતું કે આ બધું એટલા માટે કરવામાં આવે છે કારણ કે હું આ વ્યક્તિને ઘણા વર્ષોથી ઓળખું છું. જ્યારે તમે લગ્ન કરો છો, ત્યારે તમારા જીવનસાથી, તમારા પરિવાર અને આ બધું આવું જ રહે છે. મને ખબર નથી કે લોકો કેવી રીતે અલગ થઈ જાય છે. તે મારા મગજમાં નથી આવતું. હું પ્રેમથી જીવું છું, અને હું મારા જીવનમાં ખૂબ પ્રેમ, ઘણી ખુશી અને આધ્યાત્મીક જાગૃતિ સાથે ચાલું છું. હું આ રીતે જીવું છું.’
સિમ્પલ કૌલનો જન્મ મુંબઈમાં થયો હતો અને તેણે ૨૦૦૨ માં એકતા કપૂરની સીરિયલ કેકુસુમથી પોતાની કારકિર્દીની શરૂઆત કરી હતી. આ પછી, તે પ્રખ્યાત કોમેડી સીરિયલ શરારતમાં પણ મહત્વપૂર્ણ ભૂમિકામાં જાવા મળી હતી. આ સાથે, તેણીએ ખીચડી, બા બહુ ઔર બેબી, સાસ બિના સસુરાલ અને તારક મહેતા કા ઉલ્ટા ચશ્મા જેવી ઘણી સીરિયલોમાં કામ કર્યું છે અને ટીવીની દુનિયામાં ઘણું નામ કમાયું છે. હવે આ દિવસોમાં તે તેના છૂટાછેડાને લઈને હેડલાઇન્સમાં છે.
