ત્રીજા તબક્કાના મતદાનની શરૂઆત પહેલા વડાપ્રધાન નરેન્દ્ર મોદીએ કર્ણાટકના બેલાગવીમાં પ્રચાર કર્યો હતો. આ દરમિયાન એક રેલીને સંબોધતા તેમણે કોંગ્રેસ પર જારદાર નિશાન સાધ્યું હતું. તેમણે કહ્યું કે કોંગ્રેસ રાષ્ટ્રહિતથી એટલી દૂર થઈ ગઈ છે કે તેને દેશની ઉપલબ્ધીઓ પસંદ નથી. તેમણે આરોપ લગાવ્યો કે કોંગ્રેસ ભારતની ઉપલબ્ધીઓ પર શરમ અનુભવે છે. પીએમ મોદીએ હુબલી હત્યાકાંડને લઈને રાજ્યની સત્તાધારી પાર્ટી કોંગ્રેસ પર પણ આકરા પ્રહારો કર્યા છે. પીએમ મોદીએ કોંગ્રેસ પર છત્રપતિ શિવાજી મહારાજ અને રાણી ચિન્નમ્માનું અપમાન કરવાનો આરોપ પણ લગાવ્યો છે. રેલીને સંબોધતા પીએમ મોદીએ કહ્યું, “જ્યારે ભારત મજબૂત બને છે, ત્યારે દરેક ભારતીય ખુશ થાય છે, પરંતુ કોંગ્રેસ રાષ્ટ્રહિતથી એટલી દૂર થઈ ગઈ છે કે તેને દેશની ઉપલબ્ધીઓ પસંદ નથી. તેઓ ભારતની દરેક સફળતા પર શરમ અનુભવે છે.” ઈવીએમના બહાને સમગ્ર વિશ્વમાં ભારતને બદનામ કરવાનો પ્રયાસ કર્યો.
પીએમ મોદીએ કહ્યું કે કોંગ્રેસ માનસિક રીતે અંગ્રેજાની ગુલામીમાં જીવી રહી છે. તેમણે કહ્યું, “છેલ્લા ૧૦ વર્ષોમાં, ભાજપ અને એનડીએ સરકારોએ દેશના નાગરિકોના જીવન સરળતા માટે ઘણું કામ કર્યું છે. આનું એક મોટું ઉદાહરણ છે ભારતીય ન્યાયિક સંહિતા, કોંગ્રેસ માનસિક રીતે જીવી રહી હતી. અંગ્રેજાની ગુલામી હવે ભારતની ન્યાયિક સંહિતામાં ન્યાય આપવાને પ્રાથમિકતા આપવામાં આવી છે, સજાને નહીં.
કોંગ્રેસ પર નિશાન સાધતા તેમણે કહ્યું કે, “કોંગ્રેસના રાજકુમાર કહે છે કે ભારતના રાજાઓ અને મહારાજાઓ અત્યાચારી હતા. તેઓ ગરીબોની જમીન છીનવી લેતા હતા. કોંગ્રેસના રાજકુમારે છત્રપતિ શિવાજી મહારાજ, રાણી ચિન્નમ્માનું અપમાન કર્યું છે.” કોંગ્રેસના રાજકુમાર આ નિવેદન મત બેંકની રાજનીતિ અને તુષ્ટિકરણ માટે જાણીજાઈને આપવામાં આવેલ નિવેદન છે.”
તેમણે વધુમાં કહ્યું કે, “કોંગ્રેસના રાજકુમારને રાજા-મહારાજાઓનું યોગદાન યાદ નથી. વોટબેંક ખાતર તેઓ રાજા-મહારાજાઓ વિરુદ્ધ બોલે છે પણ નવાબો વિરુદ્ધ એક શબ્દ પણ ઉચ્ચારવાની તેમની તાકાત નથી, કોંગ્રેસની આ માનસિકતા હવે ખુલ્લેઆમ સામે આવી રહી છે.
મોદીએ હુબલીમાં કોંગ્રેસના કાઉન્સીલરની પુત્રીની હત્યા પર પ્રતિક્રિયા આપી છે. આ મામલે તેમણે રાજ્યની સત્તાધારી પાર્ટીને પણ ઘેરી છે. પીએમ મોદીએ કહ્યું, “હુબલીમાં કોલેજ કેમ્પસમાં જે બન્યું તેનાથી દેશભરમાં આઘાત ફેલાયો છે, પુત્રીના પરિવારે કાર્યવાહીની માંગણી કરી હતી પરંતુ કોંગ્રેસ સરકાર તુષ્ટિકરણના દબાણને પ્રાથમિકતા આપે છે.”
કોંગ્રેસ પર કટાક્ષ કરતા વડાપ્રધાને કહ્યું કે તેમના માટે નેહા જેવી દીકરીઓના જીવની કોઈ કિંમત નથી, તેઓ પોતાની વોટ બેંકની ચિંતા કરે છે. બેંગલુરુના એક કેફેમાં બોમ્બ બ્લાસ્ટ થયો ત્યારે પણ તેણે તેને ગંભીરતાથી ન લીધો, તેણે તો એમ પણ કહ્યું કે ગેસ સિલિન્ડર ફાટ્યો હશે. કોંગ્રેસ દેશની જનતાની આંખમાં ધૂળ કેમ ફેંકી રહી છે?
સિરસીમાં જનસભાને સંબોધતા પીએમ મોદીએ કહ્યું કે મોદી મોજ કરવા માટે જન્મ્યા નથી. ભગવાને મને તમારી સેવા કરવા માટે બનાવ્યો છે. તમારું સ્વપ્ન એ મોદીનો સંકલ્પ છે. આ મારી ગેરંટી છે. મારી દરેક ક્ષણ તમારા નામે છે, મારી દરેક ક્ષણ તમારા બાળકોના ભવિષ્યના નામે છે, મારી દરેક ક્ષણ તમારા સપનાને સાકાર કરવાના નામે છે, મારી દરેક ક્ષણ દેશના નામે છે. તેમણે કહ્યું કે તમારા આશીર્વાદથી જ ૨૦૧૪ અને ૨૦૧૯માં દેશમાં પૂર્ણ બહુમતી સાથે ભાજપની મજબૂત સરકાર બની. અમે દેશના વિકાસ માટે પૂરી ઇમાનદારી સાથે કામ કર્યું છે. અહીં ઉત્તર કન્નડમાં એનડીએ સરકારે આવાસ, વીજળી અને પાણી જેવી યોજનાઓ પર ઘણું કામ કર્યું છે. ભાજપ સરકાર ‘વિકાસ પણ, વારસો પણ’ના મંત્રને અનુસરે છે.
નોંધનિય છે કે, તાજેતરમાં જ કોંગ્રેસના પૂર્વ અધ્યક્ષ અને વાયનાડના સાંસદ રાહુલ ગાંધી દ્વારા રાજપૂત સમુદાય પર કરવામાં આવેલી ટિપ્પણીને લઈને રાજકીય વાતાવરણ ગરમાયું છે. મોદીએ કહ્યું કે , કોંગ્રેસે આપણાં સ્વાતંત્ર્ય સંગ્રામને પણ તુષ્ટિકરણના પરિપ્રેક્ષ્યમાં લખાવ્યો છે. આ સાથે કહ્યુ કે, કોંગ્રેસના રાજકુમારે ક્ષત્રપતિ શિવાજી મહારાજ જેવી મહાન વ્યક્તિનું અપમાન કર્યું છે, તેમણે રાજાઓનું અપમાન કર્યું છે. ભારતમાં અત્યાચાર સુલતાનો, નિઝામો અને રાજાઓએ કર્યો હતો પરંતુ તમે રાજાઓનું અપમાન કરો છો. કોંગ્રેસને ઔરંગઝેબના અત્યાચારો યાદ નથી, તેઓ તેને સમર્થન આપતી પાર્ટી સાથે ગઠબંધન કરે છે. તેઓને ભારતના ભાગલામાં ભૂમિકા ભજવનાર નવાબોને યાદ નથી આવતા, કોંગ્રેસના રાજકુમાર પાસે નવાબો સામે એક શબ્દ પણ બોલવાની તાકાત નથી. કોંગ્રેસના ઢંઢેરામાં પણ આ માનસિકતા દેખાઈ રહી છે. જ્યાં કોંગ્રેસ આવે છે ત્યાં વિકાસ અટકી જાય છે.
