બોલીવુડ ગાયક રાહુલ ફાઝિલપુરિયા અંગે ચોંકાવનારા સમાચાર સામે આવ્યા છે. ગાયકના ઇવેન્ટ ઓર્ગેનાઇઝર, સૌરભ યાદવ પર હુમલો કરવામાં આવ્યો છે. બાઇક પર આવેલા બે યુવાનોએ સૌરભ યાદવ પર ગોળીબાર કર્યો હતો, જેમાં સૌરભ યાદવના સુરક્ષા ગાર્ડ કુલવિંદરને બે ગોળીઓ વાગી હતી. આ ઘટના બાદ, કુલવિંદરને ગંભીર હાલતમાં ગુડગાંવની મેદાંતા હોસ્પિટલમાં દાખલ કરવામાં આવ્યો હતો અને હાલમાં તેની સારવાર ચાલી રહી છે. હુમલાખોરોનું નિશાન સૌરભ યાદવ હોવાનું કહેવાય છે, પરંતુ ગોળી કુલવિંદરને વાગી હતી, જે તેમની સુરક્ષા માટે તૈનાત કોન્સ્ટેબલ હતો અને તેમની હાલત ગંભીર હોવાનું જાણવા મળે છે. પોલીસ ઘટનાસ્થળે પહોંચી અને તપાસ શરૂ કરી.
સાયબર સિટી ગુરુગ્રામના પોશ વિસ્તાર સેક્ટર ૪૦, શનિવારે મોડી રાત્રે ગોળીબારથી ગુંજી ઉઠ્યું જ્યારે બે મોટરસાઇકલ પર સવાર સશ† માણસોએ સૌરભ યાદવના ઘર બહાર ગોળીબાર કર્યો. ગોળીબાર સાંભળીને, સૌરભ યાદવના સુરક્ષા ગાર્ડ કુલવિંદર ઘરમાંથી બહાર આવ્યો અને તેણે પોતાની રાઇફલ હુમલાખોરો તરફ તાકી, ત્યારે બાઇક પર આવેલા સશ† માણસોએ કુલવિંદર પર ગોળીબાર કર્યો. હુમલામાં કુલવિંદરને બે ગોળી વાગી.
હુમલામાં કુલવિંદર ગંભીર રીતે ઘાયલ થયો હતો. તેને ગુરુગ્રામની મેદાંતા હોસ્પિટલમાં દાખલ કરવામાં આવ્યો છે, જ્યાં તેની હાલત ગંભીર હોવાનું જણાવવામાં આવ્યું છે. અહેવાલ છે કે વિદેશમાં રહેતા ગેંગસ્ટર દીપક નંદલે બોલીવુડ ગાયક રાહુલ ફાઝિલપુરિયાના ઇવેન્ટ ઓર્ગેનાઇઝર સૌરભ યાદવને મારી નાખવાની ધમકી આપી હતી. પરિસ્થિતિની ગંભીરતાને ધ્યાનમાં રાખીને, ગુડગાંવ પોલીસે સૌરભ યાદવ માટે બે સશસ્ત્ર સુરક્ષા ગાર્ડ પૂરા પાડ્યા હતા. જાકે, શનિવારે મોડી રાત્રે સૌરભ યાદવ પર જીવલેણ હુમલો કરવામાં આવ્યો હતો. સૌરભ યાદવ બચી ગયા હતા, જ્યારે તેમના સુરક્ષા ગાર્ડ, કોન્સ્ટેબલ કુલવિંદર ગંભીર રીતે ઘાયલ થયા હતા.
ઘટના બાદ ઘટનાસ્થળે પહોંચેલા ગુડગાંવ પોલીસ અધિકારીઓએ આસપાસના વિસ્તારના સીસીટીવી ફૂટેજ જપ્ત કર્યા છે અને કેસની તપાસ કરી રહ્યા છે. એવું જાણવા મળ્યું છે કે ઘટના સમયે સૌરભ યાદવ ઘરના પહેલા માળે હાજર હતો, જ્યારે ફરજ પર હાજર કુલવિંદર સુરક્ષા ઓફિસના ગેટ પાસે હતો. આરોપીએ ગોળીબાર કરતાની સાથે જ કુલવિંદરે પણ પોતાની સ્થિતિ સંભાળી લીધી, જે દરમિયાન બે ગોળીઓ તેને વાગી ગઈ.
