ભારતીય બેટ્સમેન શેફાલી વર્માને આઇસીસી મહિલા ટી ૨૦ રેન્કિંગમાં એશિયન ગેમ્સમાં તેના પ્રભાવશાળી બેટિંગ પ્રદર્શન બદલ પુરસ્કાર આપવામાં આવ્યો છે. બાંગ્લાદેશ સામે સેમિફાઇનલમાં સદી ફટકારનાર શેફાલી નવીનતમ રેન્કિંગમાં બે સ્થાન ઉપર આવીને ચોથા સ્થાને પહોંચી ગઈ છે. ભારતે ૨૦૨૬ એશિયન ગેમ્સમાં શ્રીલંકાને હરાવીને ગોલ્ડ મેડલ જીત્યો હતો.
શેફાલીએ નિસિનમાં બાંગ્લાદેશ સામેની એશિયન ગેમ્સની સેમિફાઇનલમાં અણનમ ૧૦૦ રન બનાવ્યા. આ તેની ટી ૨૦ કારકિર્દીની પહેલી સદી હતી. તે પહેલાં, તેણે જાપાન સામે ભારતની જીતમાં અણનમ ૪૦ રન બનાવ્યા હતા. આ ઇનિંગ્સને કારણે, શેફાલી હવે આઇસીસી મહિલા ટી ૨૦ બેટિંગ રેન્કિંગમાં ચોથા ક્રમે પહોંચી ગઈ છે. જાકે, ભારતની સ્મૃતિ મંધાના અને હેલી મેથ્યુઝ દરેક એક સ્થાન નીચે ઉતર્યા છે. હેલી પાંચમા ક્રમે સરકી ગઈ છે, જ્યારે મંધાના છઠ્ઠા ક્રમે આવી ગઈ છે. ટોચના ૧૦ ટી ૨૦ બેટ્સમેનોમાં ત્રણ ભારતીય ખેલાડીઓનો સમાવેશ થાય છે. કેપ્ટન હરમનપ્રીત કૌરનું રેન્કિંગ યથાવત છે. તે ૧૦મા ક્રમે યથાવત છે.ભારતીય ખેલાડીઓ આઇસીસી મહિલા ટી ૨૦ બોલર્સ રેન્કિંગમાં પ્રભુત્વ જાળવી રાખે છે. નવીનતમ આઇસીસી મહિલા ટી ૨૦ બોલિંગ રેન્કિંગમાં, શ્રી ચરણીની ૭૯૯ રેટિંગ સાથે નંબર ૧ પર યથાવત છે. દીપ્તિ શર્મા બીજા સ્થાને ૭૦ રેટિંગ પોઈન્ટ પાછળ છે. આ બે ભારતીય બોલરો ટોચના ૧૦ બોલરોમાં સામેલ છે. ત્રીજાથી છઠ્ઠા સ્થાન પર ઇંગ્લેન્ડના બોલરોનો દબદબો ચાલુ છે. સોફી એક્લેસ્ટોન ત્રીજા સ્થાને, ચાર્લી ડીન ચોથા સ્થાને, લોરેન બેલ પાંચમા સ્થાને અને લિન્ડસે Âસ્મથ છઠ્ઠા સ્થાને છે. નોનકુલુલેકો મ્લબા એક સ્થાન નીચે સરકીને સાતમા સ્થાને પહોંચી ગયા છે.
ભારતની ક્રાંતિ ગૌર અને નંદની શર્માને પણ તેમના એશિયન ગેમ્સના પ્રદર્શનનો ફાયદો થયો છે. ક્રાંતિ ૧૫ સ્થાન ઉપર ચઢીને ૫૭મા સ્થાને પહોંચી ગઈ છે, જ્યારે નંદની ૨૨ સ્થાન ઉપર ચઢીને ૭૨મા સ્થાને પહોંચી ગઈ છે. બંને ખેલાડીઓએ આ સમયગાળા દરમિયાન તેમના કારકિર્દીના શ્રેષ્ઠ રેટિંગ પણ પ્રાપ્ત કર્યા છે. ક્રાંતિના ૪૬૧ રેટિંગ પોઈન્ટ છે અને નંદનીના ૪૩૨ રેટિંગ પોઈન્ટ છે.
