મહેશ બાબુ અને પ્રિયંકા ચોપરા અભિનીત ફિલ્મ “વારાણસી” ની આતુરતાથી રાહ જોઈ રહેલા ચાહકો આઘાત પામ્યા છે. આ ઘટના મેકસીકોમાં સીસીએકસપી ઇવેન્ટમાં બની હતી, જ્યાં દિગ્દર્શક એસએસ રાજામૌલીએ તેમની ખૂબ જ અપેક્ષિત ફિલ્મના પ્રમોશનની શરૂઆત કરી હતી. સીસીએકસપી એક વૈશ્વીક પોપ કલ્ચર ઇવેન્ટ છે, જેમાં ફિલ્મના સહ-નિર્માતા એસએસ કાર્તિકેય હાજર હતા. રાજામૌલીએ વીડિયો દ્વારા પોતાનો સંદેશ આપ્યો. આ ઇવેન્ટમાં ફિલ્મ “વારાણસી” ના કેટલાક અદ્રશ્ય ફૂટેજ બતાવવામાં આવી રહ્યા હતા. આશ્ચર્યજનક રીતે, ઉપસ્થિતો ઇવેન્ટમાંથી બહાર જતા જાવા મળ્યા. આના ઘણા વીડિયો સોશિયલ મીડિયા પર ફરતા થઈ રહ્યા છે. આવા જ બીજા એક વીડિયોમાં સ્ટેજની સામેની બધી ખુરશીઓ ખાલી દેખાય છે. આનાથી ભારતીય ચાહકો નારાજ થયા છે. રાજામૌલીની “બાહુબલી” ફ્રેન્ચાઇઝી અને વિદેશમાં “આરઆરઆર” ની ઐતિહાસિક સફળતા છતાં આ ઘટના બની છે.
સોશિયલ મીડિયા પર દેખાતા વીડિયો, ખાસ કરીને એકસ યોજાયેલા ‘વારાણસી’ ના પ્રમોશનલ પેનલ ઇવેન્ટને દર્શાવે છે. ગયા વર્ષે હૈદરાબાદમાં ફિલ્મનો પહેલો લુક રજૂ થયો ત્યારથી, દર્શકો ખૂબ જ ઉત્સાહિત છે. પરંતુ જે રીતે મેક્સીકન પ્રેક્ષકો તેમની બેઠકો છોડીને કાર્યક્રમ છોડીને જતા જોવા મળ્યા તેનાથી મહેશ બાબુ, રાજામૌલીના ચાહકો અને ભારતીય પ્રેક્ષકો ખૂબ જ આઘાત પામ્યા છે.
સીસીએકસપી ખાતે ‘વારાણસી’ પેનલનું સંચાલન સ્ક્રીનરેન્ટના લિયામ ક્રોલી દ્વારા કરવામાં આવ્યું હતું. નિર્માતા એસએસ કાર્તિકેયે ફિલ્મને મોટા પાયે બનાવવાના તેમના વિઝન વિશે વાત કરી. દિગ્દર્શક એસએસ રાજામૌલીએ પણ એક વિડિઓ સંદેશ દ્વારા દર્શકો સાથે વાત કરી, જેમાં “બાહુબલી” માં મેક્સીકન પ્રભાવ અને આરઆરઆરની વૈશ્વીક લોકપ્રિયતા વિશે ચર્ચા કરવામાં આવી. ત્યારબાદ આ ઇવેન્ટમાં “વારાણસી” ના અદ્રશ્ય ફૂટેજ અને પડદા પાછળના દ્રશ્યોની ઝલક દર્શાવવામાં આવી.
યુઝર્સે કહ્યું, “આ શરમજનક છે કે ‘વારાણસી’ને તે મહત્વ આપવામાં આવ્યું ન હતું જે તે લાયક છે.” પેનલનો ફોટો શેર કરતા, એક દર્શકે ઇન્સ્ટાગ્રામ પર લખ્યું, “કાર્તિકેય સ્ટેજ પર છે, અને ‘વારાણસી’ સંબંધિત કેટલીક સામગ્રી ચાલી રહી હતી. પરંતુ આગળની બધી સીટો ખાલી હતી.” આ ફોટો ઇન્સ્ટાગ્રામ પર વ્યાપકપણે શેર થઈ રહ્યો છે. એક ભારતીય યુઝરે લખ્યું, “આ ખરેખર શરમજનક છે. જીજીઇ એ વૈશ્વીક સ્તરે ભારતનું પ્રતિનિધિત્વ કર્યું, પરંતુ મેકસીકો કોમિક કોન પ્રેક્ષકો ‘વારાણસી’ને તે મહત્વ આપી રહ્યા નથી જે તે લાયક છે.” ખાલી સીટો બધું કહી દે છે.
