૧૨ રાજ્યોમાં ચૂંટણી પંચના સ્પેશિયલ ઇંનટેસિવ રિવિઝન (એસઆઇઆર) રાજકીય રીતે ગરમાયો છે. રાહુલ ગાંધી અને તેજસ્વી યાદવ પછી, પશ્ચિમ બંગાળના મુખ્યમંત્રી મમતા બેનર્જી પણ ખુલ્લેઆમ સામે આવ્યા છે. સિલિગુડીની બે દિવસીય મુલાકાત દરમિયાન મીડિયા સાથે વાત કરતા મમતા બેનર્જીએ જણાવ્યું હતું કે બે મહિનામાં જીંઇ લાગુ કરવું સંપૂર્ણપણે અશક્્ય છે. સરકાર નોટબંધીની જેમ સામાન્ય લોકો પર જીંઇ લાદી રહી છે. નોટબંધીની જેમ, આ મતદાન પર પ્રતિબંધ છે.કેન્દ્ર સરકાર પર પ્રહાર કરતા મમતા બેનર્જીએ કહ્યું, “તમે મારું ગળું કાપી શકો છો, મને જેલમાં મોકલી શકો છો, પરંતુ રાજ્યના એક પણ સાચા મતદારનું નામ ડિલીટ ન કરો. જા તમે આમ કરશો તો વિરોધ થશે.” તેમણે ઉમેર્યું હતું કે કેન્દ્ર સરકાર આ ખોટું કરવા માટે ચૂંટણી પંચ સાથે સાંઠગાંઠ કરી રહી છે. સરકારને ડર છે કે જનતા હવે તેમના જુઠ્ઠાણા પકડી રહી છે. એટલા માટે જીંઇ દ્વારા મતોની ચોરી થઈ રહી છે. મમતા બેનર્જીએ કહ્યું કે સરકાર જાણી જાઈને અધિકારીઓને વ્યસ્ત રાખી રહી છે જેથી તેઓ ત્રણ મહિના સુધી કામ ન કરી શકે. ટૂંકમાં, આ એક પ્રકારની સુપર ઇમરજન્સી છે.પશ્ચિમ બંગાળના મુખ્યમંત્રી મમતા બેનર્જીએ કહ્યું, ટીએમસી હજુ પણ એસઆઇઆર બંધ કરવા પર અડગ છે. આ સમગ્ર પ્રક્રિયા રાજ્યના લોકોને બદનામ કરવાનો પ્રયાસ છે.એસઆઇઆર દરમિયાન રાજ્યમાં ઘણા લોકો મૃત્યુ પામ્યા, છતાં ચૂંટણી પંચ તરફથી એક પણ શોક સંદેશ આવ્યો નથી. વાસ્તવમાં, ચૂંટણી પંચ સંપૂર્ણપણે કેન્દ્ર સરકારના ઈશારે કામ કરી રહ્યું છે. કેન્દ્ર સરકાર ચૂંટણી પંચને કાર્યો આપી રહી છે, જે તે વારાફરતી પૂર્ણ કરી રહી છે, પરંતુ પશ્ચિમ બંગાળમાં આવું થવા દેવામાં આવશે નહીં.”મમતા બેનર્જીએ વધુમાં કહ્યું કે સરકાર બિહારમાં ઘૂસણખોરો વિશે વાત કરે છે. ગૃહમંત્રી વારંવાર આનો ઉલ્લેખ કરે છે. બિહાર ચૂંટણી દરમિયાન તેમણે દરેક ભાષણમાં વારંવાર આ વિશે વાત કરી છે. હવે મને એક વાત કહો. બિહારમાં તમારી સરકાર છે, છતાં ઘૂસણખોરો ત્યાં ફરતા હોય છે. આવી સ્થિતિમાં, ગૃહમંત્રી તરીકે, તમારે તમારા પદ પરથી રાજીનામું આપવું જાઈએ. કારણ કે દેશની આંતરિક સુરક્ષા, સરહદો, સીઆરપીએફ અને બીએસએફ તમારી જવાબદારી છે.મમતા બેનર્જીના નિવેદનથી ખ્યાલ આવે છે કે તેઓ એસઆઇઆરના બહાને ભાજપનો સામનો કરવા માટે કટિબદ્ધ છે. અગાઉ, તેમણે કોલકાતામાં તેમના મંત્રીઓ અને ધારાસભ્યો સાથે એસઆઇઆર વિરુદ્ધ રેલી યોજી હતી. સિલિગુડીમાં આ નિવેદન બાદ, આગામી સમયમાં એસઆઇઆર અંગે પશ્ચિમ બંગાળના રાજકારણમાં મોટો હોબાળો કે હંગામો થઈ શકે છે. બંગાળમાં તૃણમૂલ કોંગ્રેસ અને ભાજપ વચ્ચે પણ સંઘર્ષની સ્થિતિ ઊભી થઈ શકે છે.
