બિહાર વિધાનસભા ચૂંટણી ૨૦૨૫ નજીક આવતાની સાથે જ કેન્દ્રીય મંત્રી નિત્યાનંદ રાયના સમર્થકોએ તેમને મુખ્યમંત્રી પદના ઉમેદવાર તરીકે પ્રોજેક્ટ કરવાનું શરૂ કરી દીધું છે. બુધવારે રાત્રે જ્યારે કેન્દ્રીય ગૃહમંત્રી નિત્યાનંદ રાય નવાદા પહોંચ્યા ત્યારે તેમના સમર્થકોએ તેમને મુખ્યમંત્રી બનાવવા માટે સૂત્રોચ્ચાર કરવાનું શરૂ કર્યું. ગુરુવારે નવાદા જિલ્લાના રાજૌલીમાં યોજાનારી એનડીએ કોન્ફરન્સ પહેલા ગૃહમંત્રી નિત્યાનંદ રાય હિસુઆ પહોંચ્યા ત્યારે કાર્યકરો દ્વારા તેમનું ભવ્ય સ્વાગત કરવામાં આવ્યું. ભાજપના ભૂતપૂર્વ ધારાસભ્ય અનિલ સિંહના નેતૃત્વમાં મોટી સંખ્યામાં કાર્યકરો હાજર હતા. લોકોની ભીડ જાઈને નિત્યાનંદ રાય પણ ખૂબ ખુશ થઈ ગયા.આ દરમિયાન ભાજપના કાર્યકરો અને સ્વાગતમાં ઉભેલા લોકોએ તેમનું પુષ્પમાળાઓથી સ્વાગત કર્યું અને ‘બિહાર કા મુખ્યમંત્રી કૈસા હો, નિત્યાનંદ રાય જયસા હો’ જેવા નારા લગાવ્યા. નિત્યાનંદ રાયે હાથ મિલાવીને બધાનું સ્વાગત કર્યું અને કાર્યકરો સાથે વાતચીત કરી.ભાજપના ભૂતપૂર્વ ધારાસભ્ય અનિલ સિંહના નિવાસસ્થાને આયોજિત એક કાર્યક્રમમાં, નિત્યાનંદ રાયે મહાગઠબંધન પર હુમલો કર્યો. તેમણે કલમ ૩૭૦, કાશ્મીર મુદ્દો અને રામ મંદિર નિર્માણ પર સરકારની સિદ્ધિઓની યાદી આપી.નિત્યાનંદ રાયે વડા પ્રધાન નરેન્દ્ર મોદીની જન કલ્યાણકારી યોજનાઓનો ઉલ્લેખ કર્યો. તેમણે કહ્યું કે પ્રધાનમંત્રી આવાસ યોજના હેઠળ ગરીબોને ઘર મળ્યા છે અને મફત અનાજનું વિતરણ કરવામાં આવી રહ્યું છે. તેમણે કાર્યકરોને મહાગઠબંધનનો જવાબ મત દ્વારા આપવા હાકલ કરી.કેન્દ્રીય ગૃહમંત્રી નિત્યાનંદ રાયે નવાદાના રાજૌલી ઇન્ટર સ્કૂલ મેદાનમાં આયોજિત સભામાં ભૂતપૂર્વ મુખ્યમંત્રી લાલુ પ્રસાદ યાદવ અને રાબડી દેવી પર પ્રહારો કર્યા. તેમણે ઇન્ડિયા એલાયન્સની ટીકા કરી. પોતાના સંબોધનમાં નિત્યાનંદ રાયે વડા પ્રધાન નરેન્દ્ર મોદીની સિદ્ધિઓનો ઉલ્લેખ કર્યો. તેમણે કહ્યું કે મોદી-નીતીશ કુમાર જાડી બિહારમાં વિકાસ લાવી રહી છે. જૂના સમયનો ઉલ્લેખ કરતા રાયે કહ્યું કે પહેલા બિહારમાં હત્યાકાંડ, અપહરણ અને હત્યાઓ થતી હતી. મહિલાઓની સલામતી જાખમમાં હતી અને સાંપ્રદાયિક તણાવ ફેલાયો હતો.વડા પ્રધાન મોદીની માતાનો ઉલ્લેખ કરતા રાયે કહ્યું કે બિહારની ધરતી પર તેમની માતાનું અપમાન થયું હતું. તેમણે કહ્યું કે બિહારમાંથી મહાગઠબંધનનો સંપૂર્ણ નાશ થશે. બેઠકમાં મોદી-નીતીશ જાડીના નેતૃત્વમાં બિહારના વિકાસ વિશે વાત કરવામાં આવી.
