સલમાન ખાને ‘બેટલ ઓફ ગલવાન’ના શૂટિંગ પછી તેની આગામી મોટી ફિલ્મ સાઇન કરી છે. આ ફિલ્મ એક મોટા બજેટની એક્શન થ્રીલર છે. તેનું નિર્માણ પ્રખ્યાત તેલુગુ નિર્માતા દિલ રાજુ દ્વારા કરવામાં આવશે. તેનું દિગ્દર્શન વામશી પૈદિપલ્લી કરશે, જે થલાપતિ વિજયની ફિલ્મ “વારિસુ” ના રાષ્ટ્રીયય પુરસ્કાર વિજેતા દિગ્દર્શક છે.
સલમાન ખાનને વામશી પૈડીપલ્લીની સ્ક્રિપ્ટ ખરેખર ગમી. આ ફિલ્મમાં ઘણી બધી એક્શન અને મજબૂત ભાવનાત્મક વાર્તા હશે. તે એક સંપૂર્ણ ભારતભરની ફિલ્મ હશે, અને તેમાં ઘણા મોટા સ્ટાર્સ અભિનય કરી શકે છે. નાયિકા હજુ સુધી ફાઇનલ થઈ નથી, પરંતુ એક જાણીતી અભિનેત્રી સાથે વાતચીત ચાલી રહી છે.
સલમાન હાલમાં અપૂર્વ લાખિયાની ફિલ્મ ‘બેટલ ઓફ ગલવાન’ના શૂટિંગમાં વ્યસ્ત છે. આ ફિલ્મ ૨૦૨૦ના ગલવાન વેલી વોર પર આધારિત છે. ચિત્રાંગદા સિંહ સલમાન સાથે મુખ્ય ભૂમિકામાં જાવા મળશે. તે એપ્રિલ ૨૦૨૬માં રિલીઝ થવાની ધારણા છે.
‘બેટલ ઓફ ગલવાન’ પૂર્ણ કર્યા પછી, સલમાન ખાન એપ્રિલ ૨૦૨૬માં તેની નવી ફિલ્મ (દિલ રાજુ)નું શૂટિંગ શરૂ કરશે. આ ફિલ્મ ૨૦૨૭માં સિનેમાઘરોમાં આવવાની ધારણા છે. વધુમાં, સલમાન ટૂંક સમયમાં રાજ અને ડીકે સાથે એક સુપરહીરો ફિલ્મનું શૂટિંગ શરૂ કરે તેવી અપેક્ષા છે. સલમાનના ચાહકો તેની છેલ્લી ફિલ્મ “સિકંદર” ની નિષ્ફળતા પછી નવી હિટ ફિલ્મની આતુરતાથી રાહ જાઈ રહ્યા છે.
